1 Alao" Shu-a: amyu" Bildaid' dam: tau: mung:-2 Mo"so wa kheim: so' we' re: gyaug phug' pho: myo, nho nga: lho" ru we' byang" vin" mung: myhao: ra" jo, qo mae yaug yo: ru re kaid' ra".3 Yao" mo, mo" thaui: re khoyaug qo" qug: qu" nae" i"? Bo" bao wa khoyaug re mabao: zao" lo: na: ra" i"?4 Ai ru: mung: byu xaosu wa Mo"so: qhid' kheim: mae dang main" mau" kaid' mung: khoru: je: gai: qo" nae" i"? Myiqe: khau: ke' ra" yaug wa khoru: gai: shao lho" nae" i"?5 Lho" mo" re: bo" bao mabao , kyi re: yao" qhid' kheim: mae mashao lho".6 Ai za: maka". Vo, dai ngaid: ra" xaosu byu , bathaung ngaid: ra" xaosu byu re pe" ta" cang mabo ga: mho: ra".