1 Shu-a: amyu" Bildaid' dam: mho: ru wa-2 Khomyhao" joe" sho' dao: jhau khyo qho shinae" i"? Myid: nghae" qu" wa, . Alao" za: ngonhaung" dao: jhau gelang: .3 Nao wa ngonhaung" re pe" mung: gug' nyhug' re" ru: jho: i"? Pe" mung: maphug' makhyaid' kaid' i"?4 Nhag' lam: laung mung: yao: yao" gaung re bin" caid' zo: yaug we"- ni" mathao mae mug: myid: yoso: re to" pye' zai i"? Laung: mo" baui wa yao" jo, qo mae" qui" lo" zai i"?5 Dang dang makhyang" ra" yaug: mug: bo" wa go: lo" byaug: li" nae". Yao" myi: gai: de; lo: nae" mangaid: .6 Yao" na jo, qo wa bo" bao sham: lo" li" nae". Yao" myi: baung: mae myi: made; li"7 lo: nae". – Ngaid beim: zo" su" ye" lo" ra" khyo dang wa lhae" jhe' lo" li" nae". Yao: myid: tau" da: to" ra" akhyo khyo" aseim akeim ngaid: li" nae".8 Myho khae: to" khyo vao ye" lo" ba: ra". Yao" khyid vo: kham" to" ru mae zab: myi" ba: ra".9 Yao" khyid vo: kao gag: mae myi" mung: magai: khyaid' lo: na: na: li" nae".10 Myid gaung mae yao" tau: zab: myi" nae" taui: nyham" to: yang: yao: ye" lo" ra" khyo dang mae lha" khae: to: veko" ra".11 Gyaug pho" ru wa khyo khe' gau: khao: ngo" mae yao: re lhang" kham" to: mung: khu thao te' te' cao" khe' li" genae".12 Vae: moe; qid shab' phau: yang: yao: qam: nang" ru qhug' mung: byo, qeim: ru qhug' lo" na: ra".13 Yao" gaung khyao atam" adau jham wa zo" khyaid' khyo" ru qhug' mung: shid zug' zo: qhid' wa yao" qam: o: re myug: pye' li" nae".14 Yao: khug ngha: ra" jo, qo re yao" jo, qo mae" khe' thug' ke' mung: yao" gaung re qug: khai: jhaung zug: jhao" jhui" lo" genae".15 Yao: we' matin" ra" mo, wa yao" jo, qo mae na mung: yao" yham dao mae fang16 sin" to" li" genae". – Yao" agyi: jham wa kyaug' lo" yang: akaung ako' jham re: jhoe' shid: lo" genae".17 Myid gaung: gye, mae yao: re beim: so: nae" soxam: majo, lo: nae". Vogaung" poe mae yao" mang re khoyaug beim: so: lo: genae" mangaid: .18 Yao: re mug: bo" khug mae" mug: caid' khug khyo khe' ke' mung: mug: myid: dao mae" khe' thug' ke' ru qhug' li" nae".19 Yao" amyu" mae nyaug xo' ru mabo lo: nae". Yao" yham byu ma" ho' dayaug20 lao" na: dang lo: zai mangaid: . – Yao" ta mae na mo, gyaug: din ko" ru we' dakhyo: thao mae na: li" mo, yao" akhyo re mug' li" genae".21 Dang dang yao: makhyang: mashab: ra" yaug: jo, qo wa ai: alho qhu" nae". Mo"so re maba: ra" yaug wa ai ru" ra" jo, qo mae joe" na: li" nae" ga: mho: ra".