Yoba'-17

(SHAO GYANG" JHAM: PAUG' )

切换到福音影视网-新版圣经

  • 1 Nga" solo qam: gyug' byaug va". Nga" kao re: thao" va". Mang: khung: wa nga" tau: phung" to: va".
  • 2 Su jung" ba: ra" mo, wa nga" qhid' au: mae na: bam ko" ra" mangaid: i"? Yao: bam nhaung" khoe' ra" mau" re ngo zhaug' qu" myao: na gau mangaid: i"?
  • 3 Ngha: to: wa, . Nao yao: nga" sagso: kham yaug ngaid: ra". Khoyaug wa ngo we' dao: so: to: nae" i"?
  • 4 Nao yao: bam: nyain: re qab: yu: pye' mung: yao: bam re tau: to' nae" mangaid: .
  • 5 Jo, nho" lhaid' yu nae" tau: ba nam pho" re qhaug' pye' ra" yaug , yao: zo: qe wa nhag' lam: thao" genae" ngaid: ra".
  • 6 Ngo re su pe" jung" gaui jao: boe" nhao mung: nga" myo, khung: wa yao: bam: khata: phoe" gyain: jao: boe" va".
  • 7 Saung" nhag' kaug' ngug byid: yang nga" myo, qab qab mung: go: byaug va". Nga" gaung sho: adau atam" jham wa bao qaung ru: boe" byaug va".
  • 8 Ai: mau" zo" mathao mae dang main: mo, mug' hao" na veko". Qobo maqo" mo, wa makhyang: mashab mo; akhyo re nhag' lam: qu" laung: na ko" ra".
  • 9 Dang main" ra" mo, re: yao" akhyo cao" mung: shao lho" ra" yaug: lo, wa je: qam: bo: li" nae".
  • 10 Naonhaung" kam" wa dam: lo" gese, . Naonhaung" mae juyi bo: ru dayaug re: ngo mathe' myao.
  • 11 Nga" ba na ayo, wa lai: lo" byaug va". Ngo myid: nghae" to" ru byo, qeim: lo" va". Ngaid va" nga" nhag' lam: gyug' byaug va".
  • 12 Myi" wa nga" tau: mug: bo" boe" ra". Mug: bo" wa mug: caid' we' ajhao" za: ngaid: ra".
  • 13 Lab bug mang: khung: wa nga" jo, qo ngaid: ru re ngo myao va". Mug: caid' khug mae nga" yab qo myhung" to: gau ngaid: ra".
  • 14 Byo, qeim: bab: lo" ru wa nao wa nga" pho" ga: , vo, dai re nao wa nga" myhi" , nga" nhae: mo" ein: ngo mho nae" doe; ra".
  • 15 Ai ru: mung: nga" nhag' nghae: jao: re khoyaug the' myao ko" i"?
  • 16 Ai: akhyo wa mo: vo: mug: khyo gyo" lo" mung: ngo we' daga" myid phaui: lhug bam khyo deim" jheim: khyo" yang: na ca" nae" ein: mho va".
回到本卷目录 回到本版本目录 回到首页