1 Yoba' dam: tau: mung: mho: ru wa-2 Ai ru" ra" dao: re ngo the' gyo" qu" va". Naonhaung" wa pe" maso' ha" ra" nhag' tang" mo, ngaid ko" ra".3 Akeim aseim dao: bin: ta" veko" i"? Nao pe" mung: dao: tau: cang bo: i"?4 Ngo re: naonhaung" re" ru: qo" ta" ra". Ngo phau" ru we' dakhyo: naonhaung" phau: ko" ngaid: re naonhaung" akhyo re qo" yo: kyo: mung: nga" au: naonhaung" qhid' kheim: mae qo" nghoe" na nae".5 Nga" nhaid' dao: thoe: yang naon- haung" re bao" thaug' mung: nga" dao: nau" nhae" ru: yang naonhaung" re nhag' jo, yo nhao nae".6 Ana" kam" ngo dao: ta" ngaid qere: yaug yo nae" mangaid: . Mata" lo: na ngaid yang: re: pe" shai" nae" i"?7 Mo"so kam" wa ngo re myaung: dug nhao: ava". Nga" yham dang: ug' khug' re sham" shao: khyo" pye' va" ra".8 Ngo re khyid kyam: vhe' to: mung: ai: ru wa ngo re qobo vhin nae" sagso: boe" va". Ngo ngaung" khyoe" lo" ru re: nga" qhid' kheim: mae to" li" mung: ngo re myo, qao: tae mae qobo vhin: na: ra".9 Nhag' yo" gyid' ru wa ngo re adau atam" lao" caid' mung: yhin" pyam" ava". Nga" adao mae zaui kyag' ava". Ngo re gye kaid' yaug wa ngo re myo, jhin" qu" na: ra".10 Byu qe wa ngo re nhaid' ho" na veko". Qho' phyo' zo" re" bopyo' pyo' byid: ko" ra". Ngo re byae: zhaug' nae" ga: ham phaung veko" ra".11 Mo"so wa makhyang: mo; phaung mae ngo re taui" yhin" to: mung: tarha" maci: ra" mo; lo, mae ngo re deim" zaui: ke' ava".12 Ngo yaug yo za: na: au: yao: ngo re nai: khyug' pye' va". Nga" lang zang: mae zaui: mung: ngo re adau dau nai: khyug' shel- haui" pye' ra". Yao: bag nae" thao tae boe" nhao venhaung.13 Myo: khe' ci mo, wa ngo re lhang" kham" mung: nhag' myain" ru lao" mabo nga" noce' bag: kho' kyao" veko" ra". Nga" kyid qang: re re: myid gaung mae vhe' khyo" pye' veko".14 Yao: ngo re alhang lhang dae jaid: jaid: nhao mung: sulhe: pho" re" ru: ngo re cao" tao" khe' khaid' na: ra".15 Ngo wa ngo yao" gaung shoqid re jid: mo" mai khyab' vhe' mung: nga" khyug re phaui: lhug bam mae khyug mhain: mhain" lhau: va".16 Nga" myo, khung: wa ngug yao" yao" mung: nga" myo, ne: byaug va". Nga" myo, qid dao mae shid: ra" bao qaung nghoe' gam: to" ra".17 Ngaid qere: nga" lo, mae matarha" ru majo, . Nga" jhaung: mho' thoe wa shao lho" ra".18 Mug: myid yo so: we" nga" sa: dang- hoe' to: . Ngo zag: yao thoe re nao mae dalham: tam" to: .19 Nga" sagso: wa mug: gaung: dao khyo ngaid: ra". Nga" aung khug: nhag' myid re myao: kyao" ra" yaug myhao: ra" jo, qo mae na: .20 Nga" ba nam sang: cao: qe wa ngo re jung" khyoe' mung: ngo wa Mo"so: qhid' kheim: mae ngug byid gyo" yang: na: na va".21 Byu wa yao: yao" yham kyo: we' byin gai: phye" re" ru: Mo"so we' byin gai: phye" qham: nae" akhang" qo" veshao: wo".22 Zin na ayo, khomyhao" mataung" myao" re madam: gai: tug' lo" gau: khyo ngo cao" lo" zai ngaid va".