1 Yoba' dam: tau: yang: ta" ru wa-2 Naonhaung" wa xaosu byu ngaid mung: naonhaung" we' daga" juyi boshid: li" genae".3 Ngo re: naonhaung" re" ru: nhag' myid juyi qo" mung: naonhaung" o mae nyham: ru mangaid: . Ce: akhyo jham re maba ru khoyaug na shi" ra" i"?4 Ngo wa Mo"so: jeju the' yu nae" tau: jhaung: mho' na: au: mae yham kyo: cao" yang jung" ru qhug' ra" yaug boe" ra". Qobo maqo" dang main" ra" yaug wa jung" khyoe' ru qhug' ja: ngaid nhaung i"?5 Na gai nga: lho" ra" yaug wa mamyain: makhyaid' mung: na yaug re pe" shui manho. Tha" lang" ra" yaug: tau: ai re" khyo: nyhang" to: gau ngaid: ra".6 Cang tau: kaid' ra" mo; na jao: wa yaug yo ko" ra". Mo"so: kheim: so' re tug' shai" mo, wa gug: gug: za: qhug' na mung: Mo"so byid' ra" dai kham re qhug' khae: yu ko" ra".7 Gug' nyhug' jham re myid' qu" wa, . Ai jham nao re mho" shid' li" genae". Mug: le; phyo: mae" ngho' jham re myid' qu" wa, . Ai jham nao re ta" kyo" li" genae".8 Mug: myid we' qid dae ngo: re myid' qu" wa, . Yao: bam wa na ji: jo, khyao: re ceim" qhu" mung: mho" shid' li" genae".9 AsAng Mo"so ce: akhyo jham re kaid' poe" ru re maba lo: khoyaug na shi: genae" i"?10 Kao daui: na: ra" gug' nyhug' gug' du: alhab' we' byu xaosu: kao so' wa Mo"so: lo, mae ngaid: ra".11 Nhaid' sho wa zo: pho: tau" qu" ru: no: khye'wadao:regyo"shao:yu:ra"mangaid:i"?12 Kao qi" ra" mo; wa juyi laba lajhao we' byang" jab ko" ra".13 Mo"so kam" wa juyi laba lajhao we' kheim: so' bo: ra". Yao: mae laba lajhao re qo" byid' ra" kheim: so' bo: ra".14 Yao: phyo' qheim" ru re khoyaug qo" dam: kaid' nae". Byu re kyam: xao" to" ru mae" khoyaug qo" vae" pheim: ke' nae".15 Yao: qid gyaung: re tang" jhid' to: lao" kyaug' ho: lo" ra". Dam: phaid' yhug' ke' lao" mug: myid: gye, nhai" lo" ra".16 Phung bao , nyain : we' jab byang" mung: shaid' nghung: yaug we' shaid' nghung: nhao: ra" yaug wa yao" lo, mae ngaid: ra".17 Byin qham khaung: mhao: jham re cam" taui" lo" mung: tarha" agyi jham re18 ago boe" nhao: ra". – Jhaung zug: jham re deim" khyo" mung: phyid' cui" yang taui" to" ra".19 Khin: jaung jham re cam" taui" lo" mung: sulhe jham re re: aphaug' alhain: kaid' pye' ra".20 Nhaid' dao phyomo" bo: ra" mo, nhaid' jid nhao mung: kao qi" ra" mo, mae" juyi laba lajhao re qab: yu: ra".21 Zug: nau" qe re qho' phyo' mung: qam: o: bo: ra" mo, re lhau: nhaung" pye' ra".22 Caid' no, tham: mae no; thao" ra" zai jham re phoe' thug' qhu" mung: shid: ra" bao qaung re mug: bo" khyo phoe' thug' qhu" ra".23 Mang: din" re tau: to' mung: dam: phyo' pye' ra". Mang: din: ce" lae nhao mung: dam: shaung" ke' ra".24 Mang: din" agyi qe: juyi re qab: yu mung: khyo mabung" ra" cae: jhug tag' jo, qo khain lae" lhang: qin" nhao: ra".25 Yao: bam bo" bao re mamyao , mug: caid' khug mae soe' du" lhau ko" ra". Yhid yid mo, re" ru: apyi avhang: su" qin" ko" ra".