1 Mang: byu qe wa Yoshia yao: zo: Yeho- ahaza re khai: yu mung: Yerusalem: vomo" mae yao: pho" atha" jhaung zug: poe" yu:2 ako". – Yehoahaza wa kao shid' xe: sam zin: au: tao" zaung mung: Yerusalem: vomo" mae lho" sam khye' zug' gam: ra". –3 Yao: re Egutu jhaung zug: wa Yerusalem: vomo" mae jhaung zug: tao" mae" khyo" pye' mung: Yuda mang: byu qe re ngaui dataung joe: we' hhang daxe joe: cab' yu:4 ra". – Dam: Egutu jhaung zug: Nekho wa Yehoahaza yao: mao: Eliakim re Yuda mang: Yerusalem: mae tao" zhaung nhao mung: Yehoakim mang asag' mhang" yang: yao: nhaung: re Egutu khyo jhui" lo" ra".5 Yehoakim kao shid' xe: ngo" zin au: tao" zaung mung: Yerusalem: mae daxe: dazin ug: gam: ra". Yao: wa yao" Mo"so: qhid' kheim: makhyang" mau" zaui: so" ra". –6 Ai: ayo, Babilon jhaung zug: Nebukhaneza gye to" lo mung: Babilon khyo qo" taung" lo" sho' gyid: taui" yang taui" yu: ra". –7 Ai: tho' mae pa" jhaung: yham azai: akho damyo" re yu: lo" mung: Babilon vomo"8 jhaung: qe, mae lo" to" ra". – Yehoakim lo, mau" yao: zaui" lo: dang shi" gu: , yao: kaid' lo: nyain: vho: mau" jham , qobo vhin nae" pho: jham re Israel Yuda jhaung zug: mhomyi: paug' mae tung" to" ra". Yao: zo: Yehoakim wa yao" atha" tao" zaung: ra".9 Yehoakim kao daxe: she' zin: au: tao" zaung mung: Yerusalem: vomo" mae lho" sam khye' yang daxe ba ug: gam: ra". Yao: wa Mo"so: qhid' kheim: qobo mau" zaui"10 ra". – Zin lo dam: byang" au: Nebukhaneza: jhaung zug: wa yao: re taung" yu mung: pa" jhaung: yham mae" gau myhao: ra" ja: we' daga" Babilon vomo" khyo taung" jhui" lo" ra". Yao: pho" nhaung: Zedekia re Yuda we' Yerusalem: adao jhaung zug: poe" co' ra".11 Zedekia kao shid' xe: dazin au: tao" zaung mung: Yerusalem: vomo" mae daxe:12 dazin zug: gam: ra". – Yao: wa yao" Mo"so: qhid' kheim: makhyang" mau" zaui: so" ra". Mo"so: dao: zhao: kyo" ra" lapa Yere- mia qhid' kheim: nhag' lam: manyham:13 khyo". – Mo"so: mang yu yang: yao: re jham tang" ra" Nebukhaneza: re re: tau: lhain" ra". Israel Mo"so jhao" maphaug' lhang: lo" shao: ga: yao" au: re: , nhag'14 lam: re: kyaung: ci: ra". – Ai: tho' mae khin jaung qe we' mang: byu qe: agyi qe re labug byu qe: maca' majhaid' gau: khao: ngo" cao" mung: qobo gyai xo: byaug; veko". Yerusalem: vomo" mae Mo"so shao kyang" to" ra" pa" jhaung: yham re re:15 anyain avho: kaid' pye' ako". – Yao: bam phug' pho" qe: Mo"so wa yao" byumyu" re re: , yao: na: ra" jao: re re: nhag' myain" na: ra" mathao no' no' to" mung: alhang lhang yao" logyo: qe re yao: bam jhao"16 nhao: ke' va" qere: – Yao: bam Mo"so: logyo: qe re gaui qu" shao" pyao kaid' pye' ru we' yao" dao: maphug' makhyaid' kaid' mung: AsAng: lapa qe re pyam" yhin" ko" ra". Ai mung: khyaid' yu nae" dung: mabung" sho' Mo"so: nhag' yo" jhaung: ai: byumyu" qe: adao mae laung: na va".17 Ai: mathao yao: wa Khalade jhaung zug: re yao: bam jhao" nhao: ke' ra". Ai: yaug wa yao: bam: shao gyang" yham khug tau yao: bam: zolau: qe re se' pye' mung: zolau: , zomyi , mao: zo: , kao qi: va" mo, re lao" nhag' makhyag'. Yao: wa alhab' re ai: jhaung zug'18 lo, khug qhaug' pye' ra". – Pa" jhaung: yham mae" khug' jham aqi: angai alhab' re re: pa" jhaung: yham mae" jo, nho" , jhaung zug: we' yao" khaung: mhao: qe: jo, nho" gain sho' re re:19 Babilon khyo yu: lo" pye' ra". – Yao: bam wa pa" jhaung: yham re ngha" pye' mung: Yeru- salem: vokham" phyo' pye' ako". Jhaung zug: yham re re: ngha" pye' mung: gau myhao: ra"20 zai aja: ja: re myhi" sin" pye' ako". – Shae: yang mazao" se' mo, re Babilon vomo" khyo sham" taung" lo" ako". Yao: bam wa Persi mang: gang" tang: lo: ba joe" sho' ai: jhaung zug: we' yao: zo: , yao: myid: qae: joe" jeim toe'21 pye' qhug' veko". – Ai mung: Yeremia hau" kyo" ra" Mo"so: dao: boe" dang: lo shao: Israel mug: myid wa dug no: zin joe" khao: ngo" zaui" pyang" ca" genae". Ai: mang: din" wa cae: jhug tag ngaid: na shi" re ai wa dug no" jo, mung: nhaid' xe zin joe"22 sho' zang: kham: na: ako". – Yeremia hau" kyo" ra" Mo"so: mung dao: dang: lo nae" tau: Persi jhaung zug: Kuru tao" zaung: sao qhid' zin re Mo"so nhug' peim" ru we' ai: jhaung zug: wa amyin" dao: khyo" ke' mung: Persi mang: din" khyi" khao: ngo"23 khyo hau" nhao: ke' ra". – Persi jhaung zug: Kuru amyin" dao: khyo" ke' ru wa- tho' zhao" myhao mae" Mo"so wa myid gaung: dao mang: adin" din" re ngo re byid' ru we' dakhyo: Yuda mang: Yerusalem: vomo" mae Mo"so: yham zhaug' nae" tau: pin: to: va".