1 Yoshia kao she' zin: au: tao" zaung mung: Yerusalem: vomo" mae sam xe:2 dazin zug' gam: ra". – Yao: wa Mo"so: qhid' kheim: dang main" mau" zaui: mung: lo, yo lo, vai: manghung: lo: yao: pho"3 Davi su" gau: vang" za: su" ra". – Yao: tao" zaung thao she' zin ein: zin re yao: zolau: ngaid: yo, yao: pho" Davi Mo"so re cao" qho: qhid ava". Daxe: shid' zin: au: Yuda mang: we' Yerusalem: vo mae jo; ra" myhao: ra" bug gaung jham pa" kug' jao: jham , Ashera sulho , kyaung" yu: sulho we' sheim" yu: sulho jham re qab shao:4 pye' ra". – Bala ngaui" phain re yao" qhid' kheim: mae" phyo' pye' mung: myhao: ra" mae lhao" to" ba kyi lho jham phyo' pye' ra". Ashera sulho jham , kyaung" yu: sulho jham we' sheim" yu: sulho jham atam" adau kaid' pye' mung: kug' byid' ra" mo;5 lab bug adao sin" myhi" pye' ra". – Khin jaung qe: sho: qug: jham re phain dao mae ngha" pye' mung: Yuda mang: we' Yeru-6 salem: re shao kyang" pye' ra". – Ai we' dakhyo: Manashe , Ephrim: , Simun mang: vo khao: ngo" we' Nabthali mang: joe" sho' yao: bam yham jham re cao" qho: ca: qu"7 ra". – Israel mang: gam: sho' phain jham phyo' lhaui" pye' ra". Ashera lho jham , kyaung" yu: lho jham re aje, amhain" nhau" pye' mung: ba kyi lho jham qab; pye' ru we' Yerusalem: khyo dam: lo: ra".8 Yao: tao" zaung daxe: she' zin au: ai: mang: din" we' pa" jhaung: yham bin: shao kyang" pye' thao yao" Mo"so: pa" jhaung: yham nyhang" byao nae" tau: Azalia zo: Shaphain , vozug: Masia we' tung" su mo" Yohaza yao: zo: Yoa bam re nhao: ke' ra". –9 Yao: bam wa khin jaung yin" Hilikia jhao" ye: mung: Mo"so: yham khug byu qe ke' qhaug' to" ngaui Manashe byu , Ephrim: byu , dang shi" Israel amyu" alhab' , Yuda byu , Benyamin: byu , Yerusalem: vobyu qe: lo, mae" kham: zaung" mo, Levi' byu10 qe khae: yu mung: – Pa" jhaung: yham qu" caung mo; lo, mae byid: yang: ai bam wa pa" jhaung: yham nyhang" byao: ra" mo,11 ngaid: ako". – Yuda jhaung zug: qe phyo' pye' ra" kyaung" yu: laug jham we' sag' vo: jham vai nae" tau: lo, mau" sham" mo, we' yham dam: nyhang" mo; lo, mae dam:12 byid' ako". – Mau" zaui: mo, re: vin tang: za: zaui: so: ko" ra". Mau" zaui: mo, re gin jhui" phag' mo, wa Levi' byu Merari kaung mae" Yahaid we' Obadia , Kohad kaung mae Zekharia we' Meshulam bam ngaid: . Yao: bam wa au: she qe ngaid mung: be; myhang" aja: ja: be, yang: ba: caung:13 nghaui" ra" Levi' byu qere: bo: ra". – Yao: bam wa mau" vin vo, mo, mae" aja: ja" mau" kaid' mo, alhab' re qu" kin byid' na: ako". Levi' byu qe mae" tung" su , khaung: mhao: qe we' kham: zaung" mo, bobo: ra".14 Yao: bam pa" jhaung: yham mae" ngaui yu: thug' ko" au: khin jaung Hilikia wa Moshe: lo; yang qhaug' ra" Mo"so: tarha" khang" dao: paug' qhug' myao:15 ra". – Hilikia ai: tung" paug' the' myao: ra" akhyo Shaphain jhao" ta" kyo: zo" ai: tarha"16 paug' re re: qhaug' byid' ra". – Shaphain wa jhaung zug: jhao" yu: lo" mung: jhaung zug: re ni" jeim qe re asang mho: to" khyo"17 nyang" za: kaid' veko". – Pa" jhaung: yham mae" ngaui re yao: bam she: yu mung: mau" gin phag' mo, we' mau" zaui:18 mo; lo, khug byid: veko". – Ai: tho' mae Shaphain wa khin jaung Hilikia khyo" nga" lo, mae tung" paug' dapaug' qhaug' ra" ga: ai: tung" paug' jhaung zug: re phaid' kyo"19 ra". – Jhaung zug: wa ai: tarha" paug' bin: the' gyo: lao" yao" ve, mai bau: lao" caid'20 pye' ra". – Ai ru: jhaung zug: wa Hilikia , Shaphain zo: Ahikam , Mikha zo: Abdon , tung" su Shaphain we' jhaung zug' daui21 mung su Asaia bam re khai mung: – Ana" the' myao: jham: tung" mung dao: akhyo nga" tau: re: , Israel we' Yuda mang: mae dang shi" mo; tau: mae" ru: Mo"so jhao" myid: byid: gela, . Ce: tung" paug' mae tung" to" khyo: nyhao" phug' pho" qe Mo"so: dao: macao" ko" mathao Mo"so: nhag' yo" kheim: nyhao" adao vhe' kai" to" ra" ga: mho: ra".22 Ai ru: mung: Hilikia we' jhaung zug: mho: to: qhug' mo, wa Hasra yao: myid: , Tokhaid zo: jhaung zug' mai bau: lhaug' yaug Shalum: myi: myiqe: lapa Hulada jhao" ye: mung: akhyo yeta" kyo" ako". Yao: wa vang shid' lam" Yerusalem: khyae: mae23 na yaug ngaid: . – Ai: lapa myiqe: wa Israel Mo"so ceru: ga: mho: ra". Naonhaung" re Ngo jhao" nhao: ke' yaug re lo" ta" ge, . –24 Yuda jhaung zug: qhid' kheim: nghe' kyo" ru we' ce: paug' mae bo: nhang: kheim: dao: alhab' re ce: jo, qo we' ai: tau na: ra" mo, alhab' bam: adao qug: khai: kyi" khyag'25 poe" thug' ke' nae". – Pe" mung: ga" re yao: bam Ngo re naung phaug' pye' mung: yao: bam kaid' ra" lo, mau" yang Nga" nhag' yo: jhaung: lhau: zhung: nae" ga: labug: gyoe lho: qhid' kheim: nae pyo" ja: ngha" nhae" byid' ako". Ai: mathao ce: tau Nga" nhag' yo" myi: de; na mung: maqo" se' nae" ga:26 ta" ra". – Ai qere: Mo"so jhao" myid' qu" nae" ga: naonhaung" re nhao: ke' ra" Yuda jhaung zug: re ce ru: ein: ta" ge, . Israel Mo"so mho: ra" -nao the' gyo" qu" mung27 dao: akhyo ce ru: ga" ru ngaid: . – Ce: jo, qo we' ai: tau na: ra" byu qe re Ngo jham tang" dao: nao the' gyo: lao" nao nhag' lam: nhae" mung: Mo"so: qhid' kheim: nhag' lam: gyo" nyham: ru we' ni" ve, mai bau: lao" caid' pye' yang: Nga" qhid' kheim: ngug; bam" na: mathao Ngo ni" dao: gyo"28 yu byid: va". – Ngo nao re ni" phug' pho" qe we' daga" zhang" to: mung: nao ngaui pyo: za: ni" lab tau qo" vao nae" ngaid: . Ce: jo, qo mae we' ai: tau na mo; adao mae Ngo poe" ke' kyi" khyag' re ni" myo; yang wa mathe' myao lo: nae" ein: lo" ta" ge, ga: mho: ke' ra". Yao: bam re: dam: tug' lo mung: ai: dao: kheim: lo: zhao: kyo" ra".29 Ai mung: jhaung zug: waYuda mang: we' Yerusalem: mae" khaung: mhao: qe re30 khai mung: – Jhaung zug: wa Yuda byu qe we' Yerusalem: vobyu alhab' bam we' daga" khin jaung qe , Levi' byu qe , mang: byu qi: ngai alhab' geim" pa" jhaung: yham khyo do, lo" mung: yao: wa ai: mae" the' qhug' yu: jham: tung" re yao: bam: qhid'31 kheim: nghe' kyo" ra". – Ai: tho' mae jhaung zug: wa yao" jo, qo mae ye; na zo" ce: tung" paug' tau tung" to" khang" dao: re mhai" kyab' to: nae" we' Mo"so jhao" cao" qho yang: yao: mho: to" dao: , sagso: dao: , phyomho" dao: re nhag' myid lam: maug , qam: o: lam: maug we' cao" pyang" nae" ga: Mo"so: qhid' kheim: dao: so: to" to"32 ra". – Zang" qham: na: Yerusalem: vobyu qe we' Benyamin: byu qe wa ai: dao: so: cao" na nae" tau: ta" ke' va" mung: Yerusa- lem: vobyu qe wa yao: bam: phug' pho" qe: Mo"so: dao: we' dakhyo: cao" zaui" ako". –33 Yoshia jhaung zug: wa anyain: avho: alhab' re Israel qe sang: ra" mang: khao: ngo" akhyi" khyi" mae" sham" pye' mung: Israel mang: mae na: ra" mo, wa yao: yao" Mo"so re pa" kug' na nae" akhyo amyin" khyo" ke' ra". Yao: bam re: yao" bang: thao" sho' phug' pho" qe: Mo"so mae" khyo mang- hung" lo: ko".