1 Sholomun wa Mo"so: mang khyao: tau: yham re re: yao" mang: din" jhaung zug' yham re re: zhao" to" nae" tau: amyin"2 khyo" ke' ra". – Mau" qovin yu byu nhaid' tug bam mae laug baui thung: mo, she' tug , yao: bam re gin jhui" phag' nae" byu sam taung: khyaug' yo re jaung: to" ako". –3 Sholomun wa Turu jhaung zug: Huram jhao" nhao: ke' mung: nga" pho" Davi jhaung zug' yham zhaug' nae" tau: nao ared sag' byid' ru: ngo re re: jeju kaid' shi: la, . –4 Israel amyu" qe khyao za: cao" lo: li we' dakhyo: ngonhaung" Mo"so: qhid' kheim: mae nae pyo" ja: ngha" nhae" nae" tau: mae" re: khyao za: qhu" kai" to" cinmain" lung: kai" to: jao: re: ne, seim myi" dug no: ba lho" xin: ba we' tau" phyid' to" poe ba khyao: ngo phaid' ngaui" xeim: ngaui" nae" re: nga" pho" Mo"so: mang khyao: qhid' mae" shao gyang" ra" jaung: to" yham kaid'5 nae" ein: ngo zhaug' lo" na va". – Ngon- haung" AsAng Mo"so wa mo"so alhab' tho' qi" thao" so ngaid: mathao ngo kaid'6 nae" yham wa qi" ra". – Mug: gaung we' tho' zhao" myhao mug: gaung wa AsAng re maqo" vhao" zaui: to" ru mung: AsAng: yham kaid' nae" wa khag' ngaid nae" yha". Yao" qhid' kheim: nae pyo" ja: ngha" nhae" ru mae" lai yang: yao" tau: yham kaid' nae" ngo wa ngo pe" qhi" gyang" yaug ngaid: . –7 Ai: mathao Yuda mang: we' Yerusalem: mae ngo we' daga" na: ra" nga" pho" Davi jaung: to" ave, gai mo, we' daga" qo" na sho' hhang , ngaui , gyid: , jo, to' re re: , amo, pin: , ane pin: , anyug pim: jham aja: ja: ba: shaung: ra" byu dayaug nhao: ke'8 la, . – Ai: tho' mae ared sag' , hhu: je; sag' we' Alagun sag' re Lebanon bam mae" thau byid' ke' la, . Ni" daui mung mo, Lebanon bam mae" sag' vo: ba: yu ko" khyo ngo9 ba: . – Sag' vo: myo: myo: qo" yu sho' nga" byu qe , ni" byu qe we' daga" ceim" qhain" kaid' genae". Ngo zhaug' na va" yham wa qi" qhang: ru we' mug' pho" yham ngaid ca"10 nae". – Sag' vo: she: ra" ni" daui daui byu qe re saung so tang shid' tug , mug-yo" cin tang shid' tug , sabyi' qang: baid' shid' tug , Zhainlun: xau shid' tug ngo byid: nae" ga:11 pyang: ke' ra". – Ai ru: mung: Turu jhaung zug: Huram wa Sholomun jhao" tung" khye' vhin: ke' ra". Mo"so yao" byumyu" re jhid' yang: asang: yang nao re yao: bam: adao jhaung zug: poe" to" ava" ga: tung"12 ra". – Xo' yang: Huram wa Mo"so: tau: yham re re: , yao" mang: din" jhaung zug' yham re re: kaid' nae" ga: nhag' bo: ru we' juyi qi" ra" zo: Davi re byid' ra" mug: gaung we' myid gaung re phain: so: to: yaug Israel AsAng Mo"so wa nga: lho" na13 shao: wo". – Ana" ce juyi bo nhag' cao jab;14 ra" Huram-abi re ngo nhao: ke' ra". – Yao: myhi" wa Dain: boe: , yao: pho" wa Turu vobyu ngaid: . Yao: wa hhang , ngaui , gyid: , jo, to' , laug baui , sag' pye: , amo, pin: , anyug pin: , ane pin: , qhi: ra" pin: yaung" lung: aja: ja: re pe" ru" khu: alho re: ba: khyang" te' yaug ngaid: . Ai: yaug wa nao we' daga" na: na: ave, gai shab mo, we' re: ni" pho" nga" asang Davi lo, mau" sham" mo, we' re: ca" tau daga" bozaui: so"15 na shao: . – Ai ru: mung: nga" asang nao ta" we' dakhyo: saungso , mug-yo" , sabyi' qang: we' xau jham ai: jeim qe re byid:16 wa, . – Ngonhaung" wa nao ca" mae: ca" sag' vo: re Lebanon bam mae" she mung: Yopa vomo" joe" sho' pug: yang qid khyo" myung: gyo" lo nae". Nao wa Yerusalem: joe" sho' vo; yu wa, ga: tug' pyang: ke'17 ra". – Dam: Sholomun wa yao: pho" Davi japhin: zhag' qu" we' dakhyo: Israel mang: din" khug taung bug mo, je qe re japhin: zhag' yu: qu" re byu datid: ngo" tug: sam taung: khyaug' yo qo" the' myao: ra".18 Mau" vin vo, mo, nhaid' tug , bam dao laug baui thung: mo, she' tug , ai: byu qe re gin ke' na nae" sam taung: khyaug' yo re khyin: nha: to" ra".