1 Ahaza kao shid' xe au: tao" zaung: qhid mung: Yerusalem: vomo" mae daxe: khyaug' zin ug: ra". Yao: wa yao: pho" Davi ru: Mo"so: qhid' kheim: dang main"2 mau" macao". – Israel jhaung zug: qe: ave, cao" na mung: Bala gyoe lho tau: sulho3 kyaung" ra". – Ai: tho' mago" Mo"so: yang Israel qe: myo, le, mae" khe' vha: pye' va" labug byumyu" qe maca' majhaid' cao" zo" Hinom lao: geim: mae nae pyo" ja: ngaui" byid: mung: yao: zo: jham re lao"4 ngaui" xeim: dau: kaid' ra". – Myhao: ra" bug gaung khao: ngo" adao mae we' jam" yaung" ra" sag' gae gyid' khao: ngo" mae xeim: dau: we' nae pyo" ja: ngaui" byid' ra".5 Ai: mathao yao" Mo"so: yang Suri jhaung zug' lo, khug khyo qhaug' pye' mung: yao: bam: jhaung zug: re dae byid: zo" byu myo: sho' sham" taung" yu mung: Damasku khyo jhui" lo" ako". Israel jhaung zug: re: yao: re aung: pye' mung: yao" byu6 myo: sho' se' tam" pye' byid' ra". – Pe" mung: ga" re yao: bam phug' pho" qe: Mo"so re naung phaug' pye' geyang: Rema- lia yao: zo: Peka wa daba mae za: kung: ra" sulhe: Yuda byu datid: shid' tug se' pye'7 ra". – Qam: mo" bo: Ephrim: byu Zikhri wa jhaung zug: nau" Meseia , kho" vang ug Azirkam we' jhaung zug: o shid' lam" zug: Elakana bam re se' pye' ra".8 Israel mo, byu qe wa yao: bam we' sang: tin: mao: nhaung: ang mo, mae" yao: myhi" bam we' myiqe: , yaug gai zo: qe shid' tid taung" yu yang: zai yo jo, nho" myo: sho' lhaid' yu mung: Samari vomo" khyo sham"9 lo" ko" ra". – Ai qere: Oded mang: ra" Mo"so: lapa dayaug ai: tau na: na: ra". Ai: yaug wa Samari vo khyo dam: lo ko" gye thaui: mo" re lham: tug mung: yao: bam re phug' pho" qe: Mo"so wa Yuda mang: adao nhag' yo" kheim: joe" ra" mathao yao: bam re naonhaung" lo, khug qhaug' byid: va". Naonhaung" re: mug: gaung joe" sho' nhag' yo: gemung: yao: bam re se' pye' vegen-10 haung. – Ana" re: Yuda we' Yerusalem: mae" byu qe re naonhaung" jeim toe' nae" da shi" genhaung. Are naonhaung" gaung yao: naonhaung" Mo"so re shaid' pye' va"11 ru mangaid: i". – Ai: mathao nga" dao: gyo: ge, . Naonhaung" taung" lo ko" naonhaung" mao: nhaung: qe re nhao: ke' ge, . Mo"so: nhag' yo" kheim: naonhaung" adao joe" lo: li" nae" ga: ta" ra".12 Alao" Ephrim: byu qe: agyi qe Yeha- nain yao: zo: Azarea , Meshilemod yao: zo: Berekhia , Shalum yao: zo: Yezikia we' Hadlai yao: zo: Amaza bam wa gye se' jao: mae" dam: lo mo, re lham: tug mung: –13 Naonhaung" taung" lo: byu qe re ce: vo khug dajhui" lo ge, . Nyhao: azhao shaid' ra" qobo dae dam: laung: nae" khyo: naon- haung" tau" da: ru wa Mo"so re shaid' pye' ra" khyo ngaid: . Ngonhaung" qobo saung" laug yang: Israel adao nhag' yo" ru ngaid:14 ga: ta" ko" ra". – Alao" sin: zo: qe wa jhui" lo: byu qe we' jo, nho" zai yo agyi qe , mo, phaung byu qe: qhid' kheim: bam: to: ko"15 ra". – Dao mae mang ta" lo va" byu qe to" mung: sham" jhui" lo: byu qe re khai yang: ve, mai bau: maqo" mo, re ai: zai bam mae" yu vhe' ru we' khyid zhaung: zhaung: nhao , zo: nam byid' ako". Xau gyaid byid: mung: qam: nang: mo, re lo ze myao: dao zhaung mung: mao: nhaung: qe na: Yerikho mang: ra" saung" pa gae vo joe" sho' dai" ke' ako". Yao: bam re: Samari vo khyo dam: lo" ko" ra".16 Jhaung zug: Ahaza ai: ayo, yao: re li" bao" nae" tau: Asuri jhaung zug: jhao"17 logyo: nhao: ke' ra". – Pe" mung: ga" re Edom: byu qe: yang Yuda mang: gye li" se' mung: byu myo: sho' sham" taung" lo" ko"18 ra". – Philisti byu qere: Yuda mang: jao: dae: mug: vo jham we' qid bang: dau li" se' yu: pye' mung: Betasheme , Aiyalon , Gederod , Sokho vomo" we' ai: vozo: vozang jham , Timna vomo" we' ai: vozo: vozang jham , Gimzo vomo" we' ai: vozo: vozang jham re lhaid' yu yang: ai: mae na19 ko" ra". – Israel jhaung zug: Ahaza mathao Mo"so: yang Yuda mang: re nyham: khyo" pye' ava". Ai: jhaung zug: wa Yuda mang: re nug magyug kaid' ru mung: Mo"so re20 shaid' mo" yang shaid' pye' ra". – Asure jhaung zug: Tiglad-pilnese yao: jhao" yejoe" qere: yao: re mabao". Je: sho: jhin nhao:21 ra". – Pe" mung: ga" re Ahaza wa pa" jhaung: yham khug mae" re: , jhaung zug' yham mae" we' zug: nau" qe: yham mae" re: , jo, nho" myho" yu mung: Asuri jhaung zug: jhao" byid' ke' va" qere: yao" tau: pe" akyu" mabo.22 Ahaza jhaung zug: qug: khai" na: yo, cenho" phau: zo" na qere: Mo"so re je23 yang: shaid' pye' ra". – Yao: wa Suri jhaung zug: qe: mo"so jham yao: bam re bao" ako". Ngo re re: bao" yu shao: ngo yao: bam re ngaui" xeim: tang byid: nae" ga: Damasku vo gyoe jham re xeim: dau: ngaui" byid: qere: ai: ru wa yao: we' re: , Israel mang: geim" we' re: byo; qeim: lo" nae" gau: za:24 ngaid: ra". – Ahaza wa pa" jhaung: yham khug zai jham re zhag' yu mung: ai jham re atam" adau je; phyid' pye' ra". Pa" jhaung: yham kham: re re: pyid' to: mung: Yeru- salem: vomo" thaung" jheim khain mae phain jham zhaug' to" ra".25 Getau: taung bug qe: gyoe phain dao nae pyo" ja: ngaui" nae" tau: Yuda mang: vo khao: ngo" mae" myhao: ra" bug gaung jham nyhang" caung mung: phug' pho" qe: Mo"so re nhag' yo: nae" khyo: zaui" thug'26 na: ra". – Ahaza zaui: so" lo: dang shi" yao" akhyo aqhid athao" jao: za: Yuda we' Israel jhaung zug: mhomyi: mae tung" to" ra". –27 Ahaza wa phug' pho" qe we' daga" yab pyo" lo" mung: Yerusalem: vo khug shaung: nyhab' mau" kaid' veko" qere: Israel jhaung zug: qe: lab tau manyhab'. Yao: zo: Hezekia wa yao: pho" atha" tao" zaung: ra".