1 Davi yao: zo: Sholomun wa yao" mang: din" gang" na: ru we' yao" Mo"so wa yao: we' daga" na: na mung: Mo"so yao: re gyai2 tau: to' to" ra". – Sholomun wa Israel mo, byu alhab' , gye dataung ug , dayo ug zug: qe , tarha" agyi qe , Israel ade, qe ngaid: ra" yao: yao" yham khaung akaung mae"3 agyi qere khai: qham: ra". – Sholomun we' daga" volo byu qe alhab' Gibeon myhao: ra" bug gaung khyo do, lo" ako". Mo"so: daui mung byu Moshe , seyo gyaung: khyo mae kaid' ra" Mo"so: seim zaung ai: tau4 jo; ra". – Mo"so: bain" re kam" wa Kiread- yarem mae" Davi tai: yu va" mung: Yerusa- lem: vomo" mae ai to: nae" ga: nyhang" to"5 zaung mae to" to" ra". – Ai qere: Hura yao: myid: Uri yao: zo: Bezalela kaid' ra" gyid: phain wa Mo"so: pin: zaung yham kheim: mae to" to: shi" ru mung: Sholomun we'6 volo byu qe wa ai: khyo ye" ako". – Ai ru: Sholomun wa mo, byu zang" qham jao: Mo"so: qhid' kheim: mae jo; ra" gyid: ngaui" phain joe" lao" ai: phain adao mae phaid' ngaui" xeim: dau: dataung ngaui"7 byid' ra". – Ai: myi Mo"so khyo" Sholo- mun re yao" gaung myhao" qhu" zo" Ngo nao re pe" byid: zai mho' qu" ri: ga: mho:8 ra". – Alao" Sholomun wa AsAng we" nao nga" pho" Davi re jeju mo" ceim" qhu" mung: yao" atha" ngo re jhaung zug: poe"9 yu: ava". – Ana" wa nga" pho" Mo"so we" myid gaung mae" myid phaui: ru: myo" ra" ce nho" byu qe: adao mae nao ngo re jhaung zug: poe" yu va" mathao nga" pho" Davi re ta" to" dao: so: dang nhao la, . –10 Ce: byumyu" qhid' kheim: mae ngo vao thug' qo" kaid' na shao: juyi we' ba jhao myid ngo re byid: la, . Cenho" myo" laug: ra" ni" byumyu" re khag' tarha" qo" pyam"11 na nae" ga: Mo"so jhao" mho' ra". – Mo"so wa Sholomun re ce: akhyo nao myid: da: to: mung: jo, nho" zai yo ham: hung: ni" gyevo qe: kao we' kao so' qhang nae" akhyo jham re nao mamho' lo: Ngo nao re jhaung zug: poe" ke' ra" amyu" qe re tarha" qo" shid' na shao: juyi we' ba jhao12 se" myid nao mho' va" mathao – Juyi we' ba jhao se" myid re byid: nae". Ai: tho' mae ni" qhid' au: mae" jhaung zug: qe maqo" qu" ru we' ni" thao mae na: li" nae" jhaung zug: qe re: matho' myhi: ra" jo, nho" zai yo ham: hung: re re: byid: nae" ga: mho:13 ra". – Sholomun wa Gibeon vo myhao: ra" bug gaung mae jo; ra" zang" qham seim zaung mae" thug' mung: Yerusalem: vomo" dam: tug' lo" yang: Israel amyu" dao ug: gam: na: ra".14 Ai: thao Sholomun wa myao: lhin" jham we' myao: jui: mo, re zhag' yu: ra". Lhin" dataung: byid yo we' myao: jui: sulhe: datug: shid' taung qo" mung: lhin" zam: nae" vo jham we' Yerusalem: jhaung zug' yham mae to" to" ra".15 Jhaung zug: wa Yerusalem: mae hhang ngaui jham re laug baui ru: ared sag' jham re jao: dae mae" pho' ham" gae ru: myo"16 laug nhao: ra". – Sholomun: myao: jham re Egutu mang: Ko: vomo" mae" yu: ru ngaid: . Jhaung zug' gaupai: kaid' ra" mo, thaui: athaui: thaui: khyo" aphug' byid: mung: vai: yu: ru ngaid: .17 Egutu mang: mae" myao: lhin" dalhin" wa ngaui Shekela khyaug' yo myao: dadau: dayo: ngo" xe main: qi" ra". Ai we' dakhyo: yao: bam wa Hiti we' Suri jhaung zug: qe: tau: mae" re: vai: zhag' to" ako".