1 Ai: mau" bin: kyab' thao zang" qham: na ko" Israel byu qe Yuda vomo" khain thug' ye: mung: Yuda , Benyamin: , Ephrim: we' Manashe mang: khyi" khao: ngo" mae jo; ra" sulho zang jham re khyug' mhain" pye' mung: Ashera sulho , myhao: ra" bug gaung mae" ngaui" phain jham alhab' qo" sham" pye' sho' atam" adau phyo' pye' ko" ra". Ai: thao Israel qe alhab' khag' re: khag' yao: yao" vo khyo dam: lo" byaug; ako".2 Ai: thao Hezekia wa khin jaung qe we' Levi' byu qe khag' re: khag' yao: yaug yao: ang: ra" mo, zhain khyo" caung da" ang: mau" cao" yang: Mo"so: vang" kham: akhug mae phaid' ngaui" xeim: we' zam" khug xeim: to' byid: mung: caung da" zo" nghaui" caung: caung" ru we' caung: khin" na nae" tau: yao: bam re khyin: to"3 ra". – Mo"so: khang" dao: paug' mae tung" to" we' dakhyo: ne, qug: mau" ne, seim: , myi" we' lho" xin: ba , tau" phyid' to" poe ba na jham mae phaid' ngaui" xeim: dau: tau: jhaung zug' jo, nho" bain" mae" dabam4 re gae byid' ra". – Khin jaung qe we' Levi' byu qe Mo"so: tarha" re qo" mho" shid' byid: genae" tau: Yerusalem: vo mae na: ra" mo, re yao: bam we' tin: te' ra" jo, nho" mae" dabam: gu: myho" byid: nae" tau:5 Hezekia amyin" khyo" ke' ra". – Israel byu qe ai: amyin" dao: the' gyo: gelao" sao qhid' qo" ra" gaug , sabyi' asag' , xau , byo: yhid we' qhovo: acao jab magain: mago" byid' ako". Zai yo jo, nho" xe bam mae" dabam6 gyai myo: sho' li" byid' ako". – Yuda mang: vo khain mae na ko" Yuda we' Israel zo: myid: qe wa nung: , yao jham yao: bam: Mo"so re qhaug' to: va" jo, nho" gu: mae" daxe bam mae" dabam li" ke' mung: khag' re: khag' yao" akaung aboe: khyo" cao"7 yang: li" bam: to" ako". – Lho" mo" sam khye' khye' re li" bam: qhid mung: lho" mo" nhaid' khye' mae bin: kyab' ako". –8 Hezekia we' khaung: mao: qe wa ai bam: to" zai yemyao mung: Mo"so we' yao" byu Israel amyu" qe re caung: khin" min byid'9 ako". – Hezekia wa khin jaung qe we' Levi' byu qe re ai: abam jham: akhyo myid'10 ca: qu" ra". – Zadug kaung mae" khin jaung agyi Azarea wa mang: byu qe wa ai: jhaung qhu" byid: thao re pa" jhaung: yham yu: vhao" ba mae" ngonhaung" lhau" zo: za: mangaid: , magain: mago" gyai dang shi". Mo"so: yang yao" amyu" re min byid' ru mung: dang shi" gu: wa ce jham ngaid: ga: zhao: ra".11 Alao" Hezekia wa pa" jhaung: yham kug qe, jham nyhang" nae" khyo: amyin" khyo" ke' ru mung: yao: bam nyhang"12 ako". – Vin tang" nhag' lam: khyo" jhaung qhu" , xe bam mae" dabam we' tang: to: va" zai jo, nho" jham re vhao" zaui: ako". Levi' byu Khonania wa jham ug su ngaid: . Yao: nhaung: Shime wa yao: re bao" yaug13 ngaid: . – Jhaung zug: Hezekia we' pa" jhaung: yham ug Azari mho: ke' we' dakhyo: Yehiela , Azazia , Nahad , Asahela , Yere- mod , Yozaba , Eliela , Ismakhia , Mahad , Benaia jham wa Khonania we' Shime o:14 zhao" mae ug; ra" mo, ngaid: . – Ba thug' kham: zaung" su Levi' byu Imna yao: zo: Kore wa Mo"so re qhaug' byid' ra"qhaug' xeim: jham re caung gam: na mung: Mo"so jhao" byid' ra" jhaung qhu" we' shao gyang" thao" zai jham re gae: myho" byid' ra". –15 Yao" o mae Eden , Maniamin , Yeshua , Shemaia , Amarea , Shekhania bam ngaid: ako". Yao: bam wa khin jaung vo mae aya: khae: yu va" we' dakhyo: yao: yao" mao: nhaung: mo, mo" aqi: angai jham re gae:16 myho" byid' ra". – Ai: tho' mae pa" jhaung: yham vao mung: mo, thaui: kho' to" we' dakhyo: ne, qug: vin ang: mau" vin vo, nae" tau: japhin: khug bo mung: kao sam17 zin je va" yaug gai qe alhab' re: – Pho" qe: akhyo khyo" cao" yang: kao shid' xe je mung: mo, kho' to" we' dakhyo: japhin: vao: ra" mau" vin khin jaung qe we' Levi'18 byu qe re re: – Mo, byu alhab' we' tin: mung: japhin: paug' mae bo: ra" yao: bam: myi: , zo: , zoshao jham re re: gae byid: nae" tau: yao: bam re jaung: to" ra". Yao: bam wa yao: bam: shao gyang" aya: mae19 yao: yao" gaung shao kyang" ako". – Seyo: vo , vomo" khao: ngo" , vomang: khain na mung: Levi' byu qe we' tin" ra" japhin: vao Arun" zo: myid: khin jaung amyu" yaug gai zo: qe re re: gae byid: nae" tau: dao mae mang ta" lo va" mo, re jaung: to" ra".20 Hezekia ai: akhyo Yuda damang" geim" mae kaid' to" yao" Mo"so: qhid' kheim: gai shab: ru , dang main" ru we' vin tang"21 mau" zaui" ra". – Yao" Mo"so re cao" qho zo" pa" jhaung: yham caung da" mau" , khang" tarha" gau: we' tin" mau" pe" ja: mau" kaid' qhid qere: nhag' lam: aung khug lam: maug: yang kaid' ru mung: aung myaug; ra".