1 Manashe kao daxe: shid' zin au: tao" zaung mung: Yerusalem: mae ngo" xe: ngo"2 zin ug: ra". – Yao: wa Israel byu qe: qhid' kheim: mae" Mo"so khe' pye' ra" taung bug byu qe: anyain: avho: gau: cao" zo" Mo"so: qhid' kheim: makhyang" mau" zaui: so"3 ra". – Yao: pho" Hezekia phyo' pye' va" myhao: ra" bug gaung jo, qo jham dam: nyhang" te: mung: Bala ngaui" phain jham dam: so" tang: ra". Ashera sulho kyaung" ru we' tho' zhao" myhao ba kyi jham re pa"4 kug' caung da" ra". – Mo"so khyo" Yeru- salem: vo mae nga" mang khyao: to" to: nae" ga: mho qere: yao: wa pa" jhaung: yham khug bag zeim: gyoe phain kaid' to"5 ra". – Pa" jhaung: yham vang shid' lam: mae re: mug: tho' ba kyi lho" mo" ngaui"6 phain kaid' to" ra". – Ai: tho' mae" Hinom zo: qe: lao: geim: mae yao: zo: qe re phaid' ngaui" xeim: dau: kaid' ra". Boe, phyid' ru we' vha" lung mau" kaid' mung: jain: khau mo, , yui vao: jaung" mo, we' zam" yang: Mo"so: nhag' yo: kheim: lhau: zhung: nae" ga: AsAng: qhid' kheim: qobo mau" dae7 xo sho' zaui: so" ra". – Israel amyu" khug mae" ngo khyin: yu: pa" jhaung: yham mae re: , Yerusalem: vo mae re: nga" mang hau: khyao za: gang: nhao: to" ru mung:,8 Ngo re: Moshe: tarha" we' re: yao: bam re pin: to: va" alhab' zaui" cao" na ko" ngaid: re wa yao: bam: phug' pho" qe re Ngo byid' to" mang: mae" Ngo khyo nghung: nhao nae" mangaid: ga: Mo"so wa Davi we' yao: zo: Sholomun re ta" to: qere: ai: jhaung zug: wa yao: thung" yu: sulho Mo"so: pa" jhaung: yham mae to" to" ra". –9 Ai mung: Manashe wa Yuda we' Yerusa- lem: byu qe re myhi" sin" pye' ru we' Israel byu qe: qhid' kheim: Mo"so phyo' pye' va" taung bug byu qe tho' je: makhyang" mau" zaui: nhao: pye' ra".10 Mo"so: yang Manashe we' yao" amyu" byu qe re mho" kyang: qere: yao: bam11 matae" gyo: ko". – Ai ru: mung: Mo"so yao: bam: adao Asuri jhaung zug: sin: thu qe re nhao: ke' mung: Manashe re jo, to' we' gyid: taui: yang taui: yang: Babilon khyo jhui" lo"12 pye' ako". – Ai ru: qug: khai: qhug' lao" za: yao" Mo"so jhao" jhaung: mho' mung: phug' pho" qe: Mo"so: qhid' kheim: yao" gaung13 nyham: khyo" pye' yang: – Mho' bain" ra" mathao Mo"so yao" dao: gyo: byid: mung: Yerusalem: we' yao" mang: khyo dam: tug' lo nhao: ra". Ai mung: Mo"so za: pyaid da du: Mo"so ngaid: ru Manashe ba: ra".14 Ai: thao yao: wa Gihon qid lao ba vao: khyae: lao: gyug' mae ngo" kham: dung: joe" sho' Davi vomo" taung gaung vokham" qae mung: Ophela bug gaung bobo yang: gyai myhao sho' qae: to" ra". Yuda mang: vokham" qae: to" vomo" mae re: kung: ra"15 sulhe: sin: zo: qe re nha: to" ra". – Taung bug: gyoe lho jham re re: , pa" jhaung: yham khug ke' to" sulho jham re re: pa" jhaung: yham bam dao we' Yerusalem: vo khug mae" phain alhab' re re: sham" khyeim16 mung: vo yae khyo yu: pye' ra". – Mo"so: ngaui" phain re dam: nyhang" byao mung: zam" khug xeim: we' jeju so: xeim: ngaui" byid' ra". Yuda mang: byu qe Israel Mo"so re pa" kug' nae" khyo: amyin" khyo" ke'17 ra". – Mang: byu qe kam" wa myhao: ra" bug gaung pa" kug' jao: mae xeim: ngaui" ko" qere: yao: yao" Mo"so re za: qhaug' byid' ako".18 Manashe zaui" lo: mau" dang shi" jham we' yao" Mo"so re jhaung: mho' ra" ru , Israel Mo"so: mang lao: zo" lapa qe yao: re mho" kyang" ru jham Israel jhaung zug: qe:19 mhomyi: paug' mae tung" to" ra". – Yao: jhaung: mho' mung: Mo"so re mho' bain" ra" akhyo , yao: nhag' lam: makhyo" shi" re yao" qobo , yao: shaid' lhoe" ru we' myhao: ra" bug gaung jo, qo jham te" to: mung: Ashera sulho jham we' kyaung" yu: sulho jham re mho" shid' ra" khyo lapa qe:20 tung" paug' mae tung" to" ra". – Manashe wa phug' pho" qe we' daga" yab pyo" lo" mung: yao" yham mae shaung nyhab' ke' qhug' ra". Yao: zo: Amon wa yao" atha" tao" zaung: ra".21 Amon kao shid' xe: shid' zin: au: tao" zaung mung: Yerusalem: vomo" mae shid'22 zin zug' gam: ra". – Yao: wa yao: pho" Manashe ru: Mo"so: qhid' kheim: makhy- ang" mau" zaui" ra". Yao: pho" Manashe kaid' ra" kyaung" yu: sulho jham alhab' re23 xeim: to' mung: pa" kug' ra". – Yao: pho" Manashe ru: Mo"so: qhid' kheim: nhag' lam: makhyo" lo: Amon wa je: je: qobo24 mau" zaui" ra". – Ai mung: yao" sin: zo: qe yao: re tau: lhain: geyang: yao" yham qe,25 khug tau yao: re se' pye' ako". – Mang: byu qe wa jhaung zug: Amon jhao" tau: lhain: mo, re se' pye' yang: yao: zo: Yoshia re yao: pho" atha" jhaung zug: poe" yu: ako".