1 Ai: thao Hezekia wa Israel we' Yuda mang: geim" khyo tung" khye' byid: nhao: ke' ra". Ephrim: we' Manashe mang: khyo re: nhao: ke' ra". Yerusalem: vomo" Mo"so: pa" jhaung: yham mae Israel Mo"so: lai loe,2 poe mo" zo: nae" tau: khai: ke' ra". – Lho" mo" shid' khye' au: ai: lai loe, poe zo: nae" khyo: jhaung zug: wa khaung: mhao: , vozug: jham , Yerusalem: mae" volo byu3 qe we' nyhang" qham: kyab' to: va". – Yao: yao" gaung shao kyang" to" ra" khin jaung mamyo: shi" ru we' mang: byu qe Yeru- salem: mae mazang" qham shi" mathao sao qhid' lho" khye re ai: poe maqo" kaid'4 ko". – Ai: akhyo wa jhaung zug: we' mang: byu qe: qhid' kheim: gai lho" ra" akhyo5 ngaid: . – Ai: mathao yao: bam Yerusalem: vomo" mae Israel Mo"so: lai loe, poe zo: nae" tau: alhab' bam: do; lo geshao: Israel damang" geim" Berasheba mae" ru Dain: vo joe" sho' khai tung" vhin: ke' nae" du: to: veko". Jham: mae tung" to" we' dakhyo: zin na gyai myao" sho' ai: poe makaid' qu"6 lo: . – Jhaung zug: we' khaung: mhao: qe tung" ke' ra" khai tung" yedai" ra" mo, wa Israel we' Yuda damang" geim" myi" sin" qin" ako". Jhaung zug: amyin" khyo" ke' we' dakhyo: ce: tung" khye' mae Israel zo: myid: qe we" Asuri jhaung zug' lo, mae" qo" loe; ru we' dang: na shi: ko" naon- haung" jhao" Abraham: , Isag we' Israel Mo"so lhang: lo shao: naonhaung" re: AsAng jhao" nhag' lam: lhang: lo ge, wo". –7 Phug' pho" qe: Mo"so re shaid' lhoe" pye' va" naonhaung" pho" qe , yao: bam: mao: nhaung: qe ru: dakaid' ge, . Naonhaung" myao ko" we' dakhyo: AsAng: yang yao: bam re byo; qeim: gau: dai" pye' va". –8 Naonhaung" phug' pho" qe ru: au: qao: ra" amyu" daboe" ge, . Mo"so: qhid' kheim: nhag' lam: nyham: khyo" mung: yao" nhag' yo" kheim: naonhaung" mae" lai: lo" shao: . Pyaid da du yao" tau: ga: shao lho" kyang" to: va" pa" jhaung: qe, khyo vao ge, . Naonhaung" AsAng Mo"so re caung da" na9 ge, . – Naonhaung" Mo"so jhao" lhang: lo ko" ngaid: re wa naonhaung" myi: zo: mao: nhaung: qe sham" taung" lo" mae" taung" yu mo, nhag' myain: yang: ce: mang: khyo dam: tug' lo gezai ngaid: . Naonhaung" Mo"so wa nhag' lam: qhang: ru we' nhag' khyag' na: ra" mathao naonhaung" yao: jhao" lhang: lo ko" ngaid: re yao" myo, khung: naonhaung" mae" lhang: phaug' pye' nae" mangaid: .10 Tung" khye' dai" mo, wa Ephrim: we' Manashe vomang: geim" Zabulun mang: joe" sho' vo khao: ngo" tao" vao: qin" ako". Mang: byu qe wa yao: bam re maphug' makhyaid' kaid' mung: gaui qu"11 pye' ako". – Ai qere: Ashe , Manashe we' Zabulun vomang: mae" byu damyo" kam" wa yao: yao" nhag' myid nyham: khyo" yang: Yerusalem: khyo ye: ko" ra". –12 Mo"so: dao: cao" mung: jhaung zug: we' khaung: mhao: qe mho: ke' we' dakhyo: Yuda mang: byu qe wa nhag' lam: dakhe' daqam: daqhi qo" cao" sho' Mo"so: lo, mo"13 yao: bam: adao mae ngaid: ra". – Lho" mo" shid' khye' ein: khye' main" mabo: mug zo: nae" tau: byu gyai myo" Yerusalem: mae zang" qham mung: byu qe mo, phaung14 mo" ngaid va". – Yao: bam to" mung: Yeru- salem: ngaui" phain jham we' nae pyo" ja: ngha" nhae" ra" phain jham sham" yu: pye' mung: Kedaron lao: khaung: khyo lhaui"15 pye' ko" ra". – Lho" mo" shid' khye' daxe: byid ba au: yao: bam lai loe, poe mae yao nau" se' ako". Khin jaung qe we' Levi' byu qe kam" wa qho' beim: gemung: yao: yao" gaung shao kyang" pye' yang: pa" jhaung:16 yham khug khyo vhao" ko" ra". – Khin jaung qe wa Mo"so: byu Moshe: tarha" paug' mae khang" to" we' dakhyo: yao: yao" jo, qo tau ye; na zo" Levi' byu qe: lo, mae" sa: khae: yu mung: pyi" sin" ako". –17 Yao: yao" gaung mashao kyang" shi" byu qe gyai myo: sho' ai: byu phaung tau bo ko" mathao yao: bam re shao kyang" byid: nae" ga: Levi' byu qe wa mashao lho" shi" mo; tau: lai loe, poe xeim: dau: se' ngaui"18 byid' ako". – Ephrim: , Manashe , Yisakha we' Zabulun mang: mae" byu mo, thaui: mo, yaug yao: yao" gaung mashao kyang" shi: . Jham: tung" mae bo: tarha" jham re19 macao". Lai: loe, poe vao zo" ako". – Ai qere: Hezekia wa yao: bam: tau: gai shab: ra" Mo"so we" shao gyang" jo, qo li we' dakhyo: mashao lho" qere: phug' pho" qe: Mo"so re cao" qho nae" myid kao bau mo, alhab' bam: qobo re khyaid' pye' byid: la,20 ga: mho' ra". – Mo"so re: Hezekia dao: tae" gyo: byid: mung: mang: byu qe re gai21 yo nhao: ra". – Yerusalem: vomo" mae qham: na: ra" Israel zo: myid: qe wa nhaid' ba byang" ngaui lho" za: bai" phaui: mabo: mug zo: poe kaid' na ko" ra". Levi' byu qe we' khin jaung qe wa be; myhang" ja: aja: ja: khyo" be; nghaui" mung: ne, qug: Mo"so22 re caung: khin" ako". – Hezekia wa caung da" mau" tau ba jhao nhag' bo: ra" Levi' byu qe re ngaui bau: dao: zhao: kyo" ra". Yao: bam nhaid' ba lam: lam: Azuma poe kaid' mung: zo: zo: shaug' shaug' kaid' zo" phug' pho" qe: Mo"so re zam" khug xeim: to' ru we' mho' yao ko" ra".23 Zang" phaung: na: byu alhab' bam wa poe nhaid' ba dam: xo' kaid' nae" khyo byin nyo, mung: ngaui bau: ngaui yao24 poe nhaid' ba dam: xo' kaid' ako". – Yuda jhaung zug: Hezekia wa ngaui" xeim: to' nae" tau: mang: byu qe re nung: lo: dataung , yao lo: nhaid' taung byid' to" ra". Khin jaung qe myo: sho' mo, re: yao: yao"25 gaung shao kyang" ako". – Khin jaung qe , Levi' byu qe we' daga" Yuda mo, byu qe , Israel mang: mae" joe" li" ra" mo, byu qe , Yuda mang: khug na: taung bug byu qe , Israel mang: mae" li" ra" taung bug byu qe26 wa gyai ngaui bau" na: ako". – Ai ru: Yeru- salem: vomo" mae gyai qi" ra" ngaui bau: khyo boe" va". Israel jhaung zug: Davi yao: zo: Sholomun ta mae" ana" ba joe" ai ru"27 ngaui bau: khyo majo; qu". – Ai: mathao khin jaung qe we' Levi' byu qe to" mung: byu qe re min byid' ako". Mo"so yao: bam: thoe gyo: byid: mung: yao: bam jhaung: mho' dao: AsAng na: na: shao gyang" jo, qo tho' zhao" myhao khyo kyao" do, lo va".