1 Hezekia kao shid' xe: ngo" zin: au: tao" zaung: qhid mung: Yerusalem: vomo" mae shid' xe: gug zin ug: gam: ra". Yao: myhi" wa Zekharia myiqe: zo: Abiya2 ngaid: . – Yao: wa pho" Davi su" gau: cao" mung: Mo"so: qhid' kheim: dang main:3 khyo: zaui: so" ra". – Tao" zaung: ra" sao qhid' zin sao qhid' ba Mo"so: pa" jhaung: yham kham: jham phung" mung: nyhang"4 byao: ra". – Khin jaung qe we' Levi' byu qe re khai mung: ba thug' shaid' dae:5 ra" tau jhui" zang" qham yang: – Levi' byu qe we" nga" dao: gyo: ge, . Yao: yao" gaung re re: , phug' pho" qe: Mo"so: pa" jhaung: yham re re: shao kyang" mung: ce: shao gyang" kug qe, mae" boe, said jham6 sham" pye' ge, . – Nyhao" phug' pho" qe shaid' nghung: yang: nyhao" Mo"so: qhid' kheim: makhyang" mau" zaui: so: veko". Mo"so re to" pye' mung: yao: na jao: mae" myo, nho lhang: pye' zo" naung phaug'7 co' veko". – Yao: bam pa" jhaung: yham kheim: kham: pyid' pye' mung: myi: kaug' se' pye' ru we' shao gyang" ra" jao: Mo"so re nae pyo" ja: re: mangha". Phaid' ngaui"8 xeim: re: mato' byid: lo: ko". – Ai mung: Mo"so Yuda mang: we' Yerusalem: adao nhag' gyid' na mung: naonhaung" myao veko" we' dakhyo: nyhao: apyi ajhae , phau yu phau khyaid' we' gaui mho jao:9 boe" byaug: bam va". – Ai: mathao nyhao" pho" qe shae: yang shid: pye' ru we' myi: zo: jham sham" taung" lo" ru qhug' va". –10 Ana" Israel Mo"so nhag' yo" kheim: nyhao: mae" lai: lo" byaug shao: AsAng we' dao:11 so: to: nae" ein: myid: da: to" ra". – Nga" zo: qe we" danung: na ge, . Mo"so: qhid' kheim: ye; na mung: yao" daui mung byu boe" na zo" yao: re caung da" nae" we' nae pyo" ja: ngha" nhae" nae" tau: naonhaung" re khyin: to: va" ga: mho: ra".12 Ai ru: mung: Levi' zo: Kohad kaung mae" Amasai yao: zo: Mahaid , Azari zo: Yoela , Merari kaung Abdai zo: Kisha , Yehalela zo: Azarea , Gershon kaung mae"13 Zimma zo: Yoa , Yoa zo: Eden , – Eliza- phan zo: Shimre we' Yereela , Asab zo:14 Zekharia we' Matanna , – Heman zo: Yehuela we' Shime , Yeduthun zo: Shem-15 aia we' Uzela bam wa to" mung: – Mao: nhaung: qe re khai yang: yao: yao" gaung shao kyang" ru we' Mo"so: dao: gyo" cao" mung: jhaung zug: amyin" dao: we' khyag' za: pa" jhaung: yham shao kyang" nae"16 tau: vao lo" ko" ra". – Khin jaung qe pa" jhaung: yham shao kyang" nae" tau: akhug kug qe, vao mung: asaid' amhaid' bodain jham sham" pye' yang: zang jin vang" mae to" to" ako". Levi' byu qe wa ai jham re Kedaron lao: khaung: khyo tai: pye' ako". –17 Ai: yham shao kyang" nae" tau: sao qhid' lho" daba: ba shao kyang" qhid mung: she' ba ein: ba pa" jhaung: yham kheim: joe" thug' lo: ako". Ai: thao she' ba lam: lam: shao kyang" mung: sao qhid' daxe: khyaug'18 ba: ne, bin: ako". – Alao" yao: bam Heze- kia jhaung zug: jhao" vao mung: ngon- haung" pa" jhaung: yham dalam" geim" , ngaui" phain we' ai: zai acao ajab , qhu" to" cinmain" kai: jao: gai" we' ai: zai cao19 jab bin: sham" shaung to: va". – Ai: tho' mae Ahaza jhaung zug: yao" ta shui manho kaid' pye' va" zai alhab' jham re re: ngon- haung" nyhang" byao mung: shao kyang" yang: Mo"so: ngaui" phain dao kai" to" bam20 va" ga: zhao: ako". – Ai mung: jhaung zug: Hezekia wa no' re" to" mung: vozug: jham re jhui" khai: qham yang: pa" jhaung: yham21 do, lo" ra". – Yao: bam wa mang: din" tau: mae" re: , ai: shao gyang" jao: we' Yuda mang: tau: mae" re: qobo khyaid' xeim: to' nae" ga: nung: lo: nhaid' dau: , yao lo: nhaid' dau: , yao nau" nhaid' dau: caid' lo: nhaid' dau: yu: ye: mung: Mo"so: ngaui" phain dao ai: xeim: dau: jham to' nae" tau: Arun" zo: myid: khin jaung qe re pin: to"22 ra". – Ai: nung: jham re se' mung: khin jaung qe sa: khae: yu yang: ngaui" phain dao pyi" sheim" ako". Yao nau" jham re re: se' yang: sa: re ngaui" phain dao pyi"23 sheim: byid' ako". – Ai: thao qobo khyaid' xeim: dau: caid' lo: jham re re: jhaung zug: we' volo byu qe: qhid' kheim: she: thug' mung: yao lo: qe: adao yao: bam:24 lo, kai" to" ako". – Khin jaung qe ai re re: se' yang: Israel damyu" geim" qhid' mae" qobo khyaid' xeim: ngaui" byid: zo" ai: sa" yang ngaui" phain dao qobo khyaid' tha" byid' ako". Ai phaid' ngaui" xeim: we' qobo khyaid' xeim: Israel alhab' geim" tau: ngaid shao: ga: jhaung zug: amyin" dao: khyo" to" ra".25 Dam: yao: wa Mo"so yao" lapa qe re ta" to: va" mathao Davi we' yao" lapa Gaid we' Nathain: mho: to" khyo: jhe' cang" , khulhao: , tang: be; ra" Levi' byu qe re pa" jhaung: yham khug jaung: nha: to" ra". –26 Levi' byu qe wa Davi gin nyhang" co' be, ja: ci mung: khin jaung qe wa labo" vo, yang:27 ye; na: ako". – Hezekia wa ngaui" phain dao phaid' ngaui" xeim: to' byid: nae" pin: to" ra". Ana" phaid' ngaui" xeim: to' qhid: lo" re labo" maid mo, we' Davi kaid' ra" be, ja: ci mo, be; myhang" ke' zo" Mo"so jhao" caung: nghaui" dao: khyo" re: nghaui" qhid:28 ako". – Phaid' ngaui" xeim: ngaui" bin thao volo byu alhab' pa" kug' mung: caung: mo, caung: be; myhang" mo, be; myhang" kaid'29 ako". – Jhaung zug: we' volo byu qere:30 gam" goe, mung: pa" kug' ako". – Ai: tho' getau Davi we' lapa Asab tung" to" nghaui" thoe: yang Mo"so re caung: nae" ga: jhaung zug: Hezekia we' zug: qe wa Levi' byu qe re mho: to" ra". Yao: bam ngaui bau: taung" caung: khin" zo" gam" goe, pa" kug' ako".31 Ai: thao Hezekia wa naonhaung" ana" yao: yao" gaung Mo"so jhao" shao kyang" byid: veko". Li" geri: . Pa" jhaung: kug qe, khug xeim: dau: jham we' jeju caung: xeim: to' ge, ga: ta" ra" mathao volo byu qe wa ngaui" xeim: dau: jham we' jeju caung: jhaung qhu" xeim: yu: li" ako". Nhag' lam: kao laung: bau: li" mo, wa32 phaid' ngaui" xeim: to' byid' ako". – Mo, byu qe Mo"so jhao" phaid' ngaui" xeim: ga: yu: li" ru alhab' wa nung: lo: nhaid' xe , yao dayo , yao nau" shid' yo dau: ngaid: . –33 Jham tang" to: va" xeim: dau: alhab' nung: khyaug' yo , yao sam taung bo: ra". –34 Khin jaung qe mathae geyang: xeim: dau: matho' nyhang" kin lo: ko". Ai: mathao mau" kyab' lo" mung: getau: khin jaung qe yao: yao" gaung qo" shao kyang" yu: ayo, joe" sho' mao: nhaung: Levi' byu qe yao: bam re bao" yu: ako". Levi' byu qe kam" wa yao: yao" gaung shao kyang" nae" tau: khin jaung qe tho' je: nhag' lam: phyo: ako". –35 Phaid' ngaui" xeim: jham we' zam" khug xeim: xau kug' , xeim: aja: ja: vhe' gyain: xeim: jham jo; ra". Ai re" khyo: caung da"36 mau" nyhang" kin sain: to" ako". – Mo"so wa ai: mau" jham mang: byu qe: tau: nyag we' ke' poe" ke' ra" mathao Hezekia we' mang: byu qe qam: qo" ngaui bau" ako".