1 Nhaid' zin ein: zin Yehoada wa qam: bo: li" mung: gye dayo ug zug: qe , Yero- ham yao: zo: Azarea , Yehohanan yao: zo: Ishamaela , Obed yao: zo: Azarea , Adaia yao: zo: Masea , Zikhri yao: Elishaphad bam re khai: yu yang: yao: bam we' dao: so:2 yu: to" ra". – Yao: bam Yuda mang: khug su" kam" qin" mung: Yuda vo jham alhab' mae" Levi' byu qe we' Israel byu aboe: lau: de, qe re khai: qham yang: Yerusalem: vo3 khyo dam: lo: ako". – Zang" qham mo, alhab' bam: pa" jhaung: yham mae jhaung zug: we' dao: so: yu: ako". Yehoada wa qu" ge, . Mo"so wa Davi zo: myid: qe: akhyo ta" kyo" we' dakhyo: jhaung zug: nau" zug'4 gam: li" nae". – Naonhaung" zaui: ca" nae" mau" wa dug no: ba vao: ra" khin jaung qe we' Levi' byu qe sam bam mae" dabam: gu: kham: lhaug' ca" nae". Dabam: gu: wa jhaung zug' yham lhaug' ca" genae". –5 Daphung" gu: wa aqao: kham: nhae mae zaung" na ca" nae". Volo byu qe kam" wa Mo"so: yham vang" khug mae zang" qham:6 na ca" nae". – Khin jaung qe we' caung da" na: Levi' byu mae" je yang: khag' re: Mo"so: pa" jhaung: yham khug davao ge, . Yao: bam za: shao gyang" ko" ru mung: aqo" vao: . Mang: byu qe wa Mo"so: phyo-7 mho" dao: cao" na ca" nae". – Levi' byu qe yaug nge, yao: yaug yao" shae lhae ci zo" jhaung zug' avai: ayae lhang" gam: ye: mung: yham khug vao mae: vao khag' re re: se' pye' ge, . Jhaung zug: vao lo" thug' lo cao" lhaug' na ge, ga: pin: to" ra".8 Levi' byu qe we' Yuda byu qe alhab' khin jaung Yehoada khang" to" dao: agu nge, zaui: so: mung: dug no: ba vao lo mo, alhab' re re: , thug' lo" mo, re re: khai: yu: ako". Pe" mung: ga" re khin jaung Yehoada wa Levi' mo, thaui: re manhao: ke' shi:9 yang: ngaid: . – Khin jaung Yehoada wa Mo"so: yham khug ke' to" jhaung zug: Davi shae lhae jham , go lung: jham we' gye zai jham re gye dayo ug zug: qe re qhaug' byid'10 ra". – Shae lhae vo; ra" yaug khao: ngo" re shae lhae vo, nhao: to: zo" yham: lo, yo lo, vai: , ngaui" phain we' yham yae cao" yang: jhaung zug: nhae lhang" gam: ye, nhao: to"11 ra". – Ai mae" yao: bam wa jhaung zug: nau" re jhui" thug' yang: hhang lhugmaug zhaung: byid: zo" sagso: dao: byid: mung: yao: re jhaung zug: tang" ako". Yehoada we' yao: zo: qe yao: re xau gyain: byid: mung: jhaung zug: kao qhang shao: wo" ga: zag: hug' ako".12 Athalia wa mang: byu qe tao" lhau mung: jhaung zug: re caung" na ko" thoe the' gyo: lao" yao: wa pa" jhaung: yham mae na: ra" byu qe jhao" li" joe" mung: –13 Jin" qu" ke' re jhaung zug: wa kham: dung: qhid' kheim: zang nhae mae ye; na mung: gye zug: qe we' labo" maid mo, yao" ayae mae na: na: ako". Mang: byu qere: ngaui bau" na ko" ru we' labo" maid: ako". Ba: caung: nghaui" ra" mo, be; myhang" nam aja: ja: ci mung: nghaui" caung" na: ako". Alao" Athalia wa yao" bau: lao" caid' pye' zo" tau: lhain: mo, wo" tau: lhain: mo, wo"14 ga: zag: hug' ra". – Khin jaung Yehoada yang yao: re Mo"so: pa" jhaung: yham mae mase' shao: ga: re: , vang" taung gaung she: thug' mung: yao" thao bocao mo, khag' re re: shae: yang qam" se' pye' ge, ga: re: gye15 dayo ug zug: qe re pin: to" ra". – Yao: bam wa Athalia re qu" lhai: ke' mung: jhaung zug' yham jui: myao: jham vao: ra" khyo dang joe" lao" ai: tau yao: re se' pye' ako".16 Yehoada wa mang: byu qe alhab' we' jhaung zug: pho" Mo"so: byu boe" shao: ga: yao: we' dao: so: to" to: nhao: ra". –17 Mang: byu qe alhab' Bala yham ye: mung: ai re phyo' pye' ako". Ngaui" phain jham we' sulho jham re khyoe' mhain" pye' mung: Bala khin jaung Matain re ngaui"18 phain qhid' kheim: se' pye' ko" ra". – Ai: tho' mae" Yehoada wa Moshe tarha" paug' tau tung" to: mung: Davi cao" ra" gau: we' dakhyo: ngaui bau: caung: khin" zo" Mo"so jhao" phaid' ngaui" xeim: to' nae" tau: Mo"so: pa" jhaung: yham khug Davi to" to" ra" khin jaung Levi' byu qe: o Mo"so: yham mau" kaid' nae" agyi qe re khyin: nha: to"19 ra". – Mo"so: yham mae" kham: nhae mae re: lhaug' nae" byu nha: to: mung: pe" ja: mae re: mashao gyang" mo, maqo" vao20 sho' nyhang" nha: to" ra". – Dam: yao: wa gye dayo ug zug: qe , ham: hung: bo mo, , vo zug: qe we' mang: byu qe alhab' bam: re khai: qham mung: Mo"so: pa" jhaung: yham mae" jhaung zug: re jhui" byaung" lo mung: yao: bam wa tho' gau: kham: khyo" jhaung zug: kho" khyo vao yang: jhaung zug: re mang: din" ug: zaung tao" tau21 zhaung nhao ko" ra". – Ai ru: mang: byu qe alhab' ngaui bau" na ko" ru mung: davo geim" myain yo za: ngaid: na: . Yao: bam Athalia re shae: yang zin" se' pye' veko".