1 Yosha wa kao nhaid' zin ngaid: au: tao" zaung mung: Yerusalem: vomo" mae zin na byid xe zin zug' gam: ra". Yao: myhi"2 wa Berasheba vobyu Zibi ngaid: . – Yosha wa khin jaung Yehoada ta au: Mo"so: qhid' kheim: dang main" khyo" zaui" ra". –3 Yehoada yang yao: re myiqe: shid' yaug yu byid: mung: zoshao myiqe: zo: yaug gai zo: khau myhung: ra".4 Ai: thao Yosha wa Mo"so: yham5 nyhang" nae" ga: phin" ra". – Ai ru: mung: khin jaung qe we' Levi' byu qe re khai: yu mung: naonhaung" Mo"so: yham re zin qug: nyhang" byao nae" tau: Yuda mang: vo khao: ngo" su" kam" qin" mung: Israel byu qe mae" ngaui khyui: zhag' ge, . Ai: akhyo mye, za: kaid' ge, ga: amyin" khyo"6 ke' qere: Levi' byu qe mahin ko". – Dam: jhaung zug: wa khin jaung Yehoada re khai mung: sagso: bain" tau: mae" Mo"so: daui mung su Moshe we' Israel mo, byu qe re to" to" ra" alu: Yuda we' Yerusalem: byu qe alhab' mo, mae" gaug: zhag' yu nae" tau: Levi' byu qe re pe" mung: mau" matain"7 ru. – Ai: makhyang" ra" myiqe: Athalia byu qe wa Mo"so: yham phyo' pye' mung: Mo"so: yham tau: ga: nhang" pye' va" zai jham Bala' so jham re ngaui" pye' byid: va" ga: mho: ra".8 Jhaung zug: amyin" khyo" ke' we' dakhyo: yao: bam bain" kaid' yu yang: Mo"so: pa" jhaung: yham kham: taung9 gaung tau zhaung: to" ako". – Dam: yao: bam wa Mo"so: daui mung yaug Moshe wa seyo khain mae Israel byu qe mae" alu: zhag' yu: ru: Mo"so: tau: zhag' yu nae" ga: Yuda mang: we' Yerusalem: vo mae hau" nhao" ke' ra".10 Zug: qe we' mang: byu qe wa ngaui bau: taung" yu: li" lo mung: bin: byao sho'11 ai: bain" tau ke' na ko" ra". – Ai: bain" khug mae ngaui myo: sho' bo: ru mung: Levi' byu qe wa ai: bain" re jhaung zug: sin: zo: qe jhao" dai" ke' re jhaung zug' tung" su mo" we' khin jaung yin" sin: zo: qe ai: ngaui bain" khug mae" she: yu mung: bain" re azhao: jo, qo tau dam: to" to" ako". Yao: bam ne, qug: ai ru: kaid' mung: ngaui myo:12 sho' qaung" to" ako". – Jhaung zug: we' Yehoada wa ai: ngaui re Mo"so: yham mae mau" zaui" qu" va" mo, re qhaug' byid' ra". Yao: bam pa" caung: yham nyhang" byao nae" tau: zho: thaung: ba: qae mo, , lo, mau" ba: sham" mo, , jo, to' be, mo, we' ngaui ba: sheim: mo, re kho' gae byid'13 ra". – Mau" zaui: mo, qam: phin: zaui: mung: nyhang" byao: ru azhao: re" ru:14 gelho: qo" bin: kyab' veko". – Ai: mau" bin zaui: thao yao: bam ai dang shi" ngaui re jhaung zug: pho" we' Yehoada jhao" yu: lo ko" ra". Ai: ngaui: yang yao: nhae wa pa" jhaung: yham caung da" mau" mae ci nae" gaung: nau" , ngaui khug' hhang khug' jham aja: ja: kaid' to" ra". Yehoada ta geim" mae yao: bam pa" jhaung: yham tau khyao za: phaid' ngaui" xeim: to' byid: ko" ra".15 Yehoada wa kao dayo: sam xe zin joe"16 mung: mao: yang: shid: lo" va". – Yao: wa Israel amyu" mae re: , Mo"so we' yao" yham byu qe: tau: re: gai: ra" khyo" zaui: va" mathao Davi vomo" mae jhaung zug: qe we' daga" shaung: nyhab' ke' ako". –17 Yehoada shid thao Yuda zug: ade, qe jhaung zug: re li" goe; pa" mung: yao: bam:18 dao: tae" gyo: byid' ra". – Yao: bam wa pa" jhaung: yham we' phug' pho" qe: AsAng Mo"so re to" pye' mung: Ashera sulho jham we' getau: gyoe lho jham re pa" kug' ako". Ai ru: mung: Yuda mang: we' Yerusalem: adao ai: qobo: mathao nhag' yo" kheim:19 joe" va". – Ai qere: yao: bam Mo"so jhao" lhang: lo shi: geshao: . Lapa qe re nhao: ke' mung: yao: bam khyo" sagso kham ko" qere: matae" gyo: lo: ko".20 Dam: Mo"so: Solo wa khin jaung Yehoada yao: zo: Zekharia adao mae joe" mung: yao: wa volo phaung gaung: , myhao: ra" mae ye, zo" Mo"so ce ru: ga: mho: ra". Naonhaung" yao: yao" akyu" yeim" sho' pe" mung: Mo"so: tarha" lhoe" lai: pye' ko". Naonhaung" Mo"so re to" pye' geyang: AsAng re: naonhaung" re to" pye'21 va" ga: pa: ra". – Byu qe wa yao: re magai: khyo" du mung: jhaung zug' amyin" khyo" pa" jhaung: yham khug mae laug baui: yang22 pye' se' pye' ako". – Ai ru: Yosha jhaung zug: wa Zekharia yao: pho" Yehoada jeju re mamyao lo: . Yao: zo: re se' pye' byid: venhaung. Zekharia wa shid: lo" na zo" re Mo"so ce: akhyo the' myao mung: loge, phaug' veshao: ga: ta" ra".23 Ai: zin lo" byang" re Suri gye mo" thaui: wa yao: jhao" zhain" do, lo mung: Yuda mang: we' Yerusalem: vomo" li" joe" ru we' mang: byu qe: zug: ade, alhab' re se' pye' yang: qo" sham" yu: jo, nho" alhab' Damasku jhaung zug: jhao" vhin: ke' ko"24 ra". – Yuda byu qe wa yao: yao" phug' pho" qe: Mo"so re naung phaug' pye' geyang: Mo"so: yang yao: bam: myo" laug; mo, mo" thaui: re mathae mathao: Suri byu qe: lo, khug qhaug' pye' va" ru mung: yao: bam25 Yosha re pyam" ko" ra". – Gyevo qe thug' lo" gethao Yosha no mo" phau: zo" dang: na co' mung: khin jaung Yehoada yao: zo: bam re se' pye' ra" qobo: mathao yao" sin: zo: qe yao: re tau: lhain: yang: yab jaung: dao se' pye' ko" ra". Davi vomo" mae yao: re shaung nyhab' ke' ko" qere: jhaung zug:26 qe: lab bug mae manyhab' ko". – Yao: re tau: lhain: mo, wa Ammon myiqe: zo: Shimead yao: zo: Zaba , Mo"ba, myiqe: zo: Shimred yao: zo: Yehozaba nhae ngaid:27 ra". – Yosha yao: zo: qe: akhyo , yao" mau" qi" qhang: lo: khyo we' pa" jhaung: yham dam: nyhang" byao: akhyo re jhaung zug: japhin: paug' mae tung" to" ra". Yao: zo: Amazia wa yao" atha" tao" zaung: li" ra".