1 Yuda mang: byu qe wa kao daxe: khyaug' zin bo va" Uzia re yao: pho" Amazia gaung tha" jhaung zug: poe" yu:2 ako". – Ai: jhaung zug: wa yao: pho" shid thao Elod vomo" nyhang" te: yang: Yuda3 mang: khug dam: vhao" yu: ra". – Uzia wa kao daxe: khyaug' zin au: mae" tao" zaung: qhid mung: Yerusalem: mae ngo" xe: shid' zin ug: ra". Yao: myhi" wa Yerusalem4 myiqe: Yekholi ngaid: . – Yao: wa yao: pho" Amazia cao" ra" gau: cao" mung: Mo"so: qhid' kheim: dang main" mau" zaui: so"5 ra". – Mo"so: lamyhung" dao: ba: gyo" ra" Zekharia ta au: Mo"so re cao" qho mung: Mo"so re cao" qho: ra" athaung: gu: Mo"so: yang aung myaug; khyo byid' ra".6 Yao: wa Philisti byu qe re gyelag: yelag: mung: Gaid vokham" , Yabana vokham" we' Ashdod vokham" jham phyo' pye' mung: Ashdod vo lhang" we' Philisti mang:7 khain mae vo sag' dam: te" ra". – Philisti byu , Gura-Bala vo mae na: Arab byu qe we' Meunim byu qe re re: se' aung: yu nae" tau: Mo"so: yang yao: re bao" yu: ra". –8 Ammon byu qere: Uzia re khang: dai" byid' ako". Yao: qi" qhang: lo mung: yao" mang hau: Egutu mang: joe" hau" nhao"9 lo" ra". – Uzia jhaung zug: wa Yerusalem: vokham" ajheim kham: , lao: geim: kham: , vokham" ajheim kham: , gye byu gai" jham10 re kaid' mung: gyedab zhaug' ra". – Seyo khain re: gye byu gai" kaid' to: mung: jao: dae we' lao: geim: jham myo: sho' qo" ra" mathao qid thaung: myo: sho' dau" to" ra". Khyae yothaung: mau" gyai kao bau yang: bam mug: mae re: jao: dae: mug: mae re: yothaung: jham we' sabyi' khyae ba: caung mo, re khyin: nha: to" ra".11 Ai: tho' mae Uzia wa gye se' jhao: ra" gye thaui: mo" qo" mung: tung" su mo" Yehela we' sin: thu Mateya japhin: yu: to" khyo: jhaung zug' zug: mo" Hanania mhaug' bag; khyo" cao" mung: daphung:12 we' daphung: thug' ye" lo" ko" ra". – Pho" qe: byu aboe: khyo" cao" yang: kung: ra" sulhe: agyi qe wa shid' taung: khyaug' yo13 ngaid: . – Yao: bam ug: ra" sin: zo: qe wa sam tid: nhaid' taung: ngo" yo ngaid mung: yao: bam: jhaung zug' tau: gyevo qe re qo" aung sho' phin" ra" khye' kung: sulhe: qe14 ngaid: . – Uzia re: gye mo" thaui: alhab' bam: tau: go lung: , lhae , jo, to' maug , jo, to' bau: la: we' laug baui lhaui" tao:15 nae" laug lhaui: nyhang" to" ra". – Dam: yao: wa Yerusalem: vo mae" gye byu gai" jham we' vokham" dao mae" myo: bag nae" we' laug pye' nae" tau: juyi bo ba jhao: ra" mo, nyhang" kaid' to" azung jham re to" to" ra". Yao" lau dao: hau" nhao" thoe mug: va: joe" byang" va". Yao" phung bao bao: lo sho' mug' pho: bao" thaug' jeju the' khae: yu: ra".16 Ana" Uzia ham: hung: qi" lo lao" yao" jeju yeim" sho' nhag' lam: myhao: li" mung: Mo"so re shaid' pye' ra". Pe" ru: ga" re nae pyo" ja: ngaui" byid' phain dao mae nae pyo" ja: ngaui" nae" tau: pa" jhaung: yham17 khug khyo yao: vao ye" ra". – Khin jaung Azari wa kung: ra" Mo"so: khin jaung she' xe we' daga" jhaung zug: Uzia jhao" bocao18 mung: – Lham: tam" zo" Uzia we" nao Mo"so re nae pyo" ja: ngaui" nae" akhang" maqo". Nae pyo" ja: ngaui" byid: nae" tau: yao: yao" gaung shao kyang" to" ra" Arun" zo: myid: khin jaung qe za: akhang" aqo". Ce: shao gyang" jao: mae" thug' lo" wa, . Nao tarha" lhoe" ava". AsAng Mo"so qhid' kheim: mae re: nao gaui de' li" nae". –19 Uzia kam" wa gyai nhag' yo" na: . Nae pyo" ja: ngaui" nae" tau: bain re yao" lo, mae ci: ra". Ana" khin jaung qe re nhag' yo" na: au: pa" jhaung: yham khug nae pyo" ja: ngaui" phain nhae mae na: ra" khin jaung qe: qhid' kheim: yao" nga: lao: mae ye, gyaid no de;20 thug' li" ra". – Khin jaung yin" Azari we' khin jaung qe alhab' bam yao: jhao" qu" ke' re nga: lao: tau ye, gyaid de; ru myao lao" jhaung zug: re mye, za: keim" thug' pye' ko" ra". Mo"so: yang yao: re dae byid' ra" mathao yao: yao: mye, za: thug' lo" pye'21 ra". – Ai ru: jhaung zug: Uzia wa shid: ba joe" sho' ye, gyaid de, mung: yham akhug mae mana. Pa" jhaung: yham mae" re: va: pye' qhug' ra". Jhaung zug' yao: zo: Yotham: wa mang: byu qe re ug: na zo" kho" vang22 sang: ci: ra". – Uzia wa phug' pho" qe we' dakhyo: yab pyo" lo" mung: ai bam we' daga" nyhab' shaung: ke' ako". Ai qere: ye, gyaid de; ra" mathao jhaung zug: qe we' tin" ra" lab bug dakhyi" mae nyhab' ako". Yao" atha" yao: zo: Yotham: tao" zaung: ra".