1 Yehoshaphaid' wa phug' pho" qe we' daga" yab pyo" lo" mung: yao: bam we' daga" Davi vomo" mae shaung nyhab' ke' qhug' ra". Yao: zo: Yehoram wa yao"2 atha" tao" zaung: ra". – Yuda jhaung zug Yohoshaphaid' yao: zo: qe Yehoram" yao: nhaung: bam Azarea , Yehiela , Zekhairea , Azarea , Mikhaela , Shephatia bam ngaid: ako". Yao: bam alhab' wa Israel jhaung zug:3 Yehoshaphaid' zo: qe ngaid: . – Yao: bam: yao: pho" wa yao: nhae ho' re hhang , ngaui , zai yo jhaung qhu" myo: sho' we' daga" Yuda mang: khug vokham" qae: ra" vo jham qhaug' byid: va" qere: mang: din" re kam" zo: qhid' Yehoram re qhaug'4 byid' ra". – Yehoram wa yao: pho" mang: din" adao ug: na mung: qam: bo: li" lao" yao: nhaung: qe alhab' we' Israel jhaung zug: nau" damyo" re shae: yang se' pye'5 ra". – Yehoram wa kao sam xe: shid' zin re tao" zaung: qhid mung: Yerusalem: vo6 mae she' zin zug' gam: ra". – Yao: wa Ahab myiqe: zo: yu: ra" mathao Ahab yham byu qe ru: Israel jhaung zug: qe: gau: cao" yang: Mo"so: qhid' kheim: makhyang" mau"7 zaui" ra". – Ai qere: Mo"so wa Davi we' to" to" ra" dao: so: re yao" zo: myid: qe: qhid' kheim: khyao za: myi: de; na shao: ga: dao: kheim: ta" to: va" mathao Davi yham re maphyo' lhaui" pye'.8 Ai: jhaung zug' ta re Edom: byu qe wa Yuda jhaung zug: re tau: lhain: yang: yao: bam: khug mae" jhaung zug: to' ko"9 ra". – Ai: au: Yehoram wa yao" sin: thu qe , gyelhin" jham alhab' we' daga" gau" de; ye: mung: yao: re lhang" kham" to" Edom: byu qe we' yao: bam: gyelhin" zug:10 qe re: myi" ayo, se' pye' ako". – Ai qere: Edom: mang: wa ana" ba joe" Yuda jhaung zug: re tau: lhain" ako". Ai: ayo, Libana re: yao: re tau: lhain" na: ra". Pe" mung: ga" re yao: wa phug' pho" qe: Mo"so re to" pye'11 mung: – Yuda bug gaung cao" yang: jain: kug' jao: to" to: mung: Yerusalem: vobyu qe re shaid' nghung: nhao: ru we' Yuda mang: byu qe re khyo jhui" nghung" ra".12 Ai: yo, lapa Elia tung" khye' yao: jhao" joe" mung: ni" phug' kai: Davi Mo"so ce ru: ga: mho: ra". Nao ni" pho" Yehoshaphaid' khyo we' Yuda jhaung zug: Asa su" gau:13 macao" lo: za: – Israel jhaung zug: qe su" gau: cao" mung: Ahab yham byu qe re" ru: Yuda mang: we' Yerusalem: vobyu qe re shaid' nghung: nhao: ru za: mago" nao tho' je: gai: ra" ni" pho" yham mae" ni" nhaung:14 bam re se' pye' ra" mathao – Mo"so wa ni" mang: byu qe , ni" zo: myid: qe we' ai bam: yao: myhi" qe , nao qo" mae: qo" alhab' re15 qug: khai: dae mo" byid: nae". – Nao re: vae: dug: no mo" phau: mung: daba tho' daba ni" au jham byi: lo" sho' no: li" nae" ga: tung" vhin: ke' ra".16 Ai: thao Mo"so wa Philisti byu qe we' Khusha mang: nhae mae na: ra" Arab byu qe , Yehoram re tau: lhain: veshao: ga:17 zhain" ke' ra". – Yao: bam Yuda mang: re gye to" lo mung: se' nhau" pye' ra". Jhaung zug: vang" mae myao mae: myao jo, nho" gain sho' we' zo: myi: qe , yao: myi: qe alhab' taung" jhui" lo" mung: yao: zo: vo: ma Yehoahaza mae" je yang: yaug gai zo: dayaug re lao" matang" lo:18 Ai: thao Mo"so: yang khonhae" re: magai lo" vae: dug: no dae byid' pye' ra". –19 Jhaung zug: ayo, myao" sho' no: jaung" na mung: shid' zin lo: byang" au: gyai no: xo: lo: ra" mathao yao" au daid: thug' li" mung: shid: lo" byaug va". Mang: byu qe wa phug' pho" qe re re" ru: yao" tau: phaid' ngaui"20 xeim: mato' byid: lo: ko". – Yao: tao" zaung: qhid: au: kao sam xe: shid' zin bo mung: Yerusalem: vomo" mae she' zin ug: gam yang: khag' lao" nhag' makaug' shid: lo" ava". Davi vomo" mae shaung nyhab' ke' ko" qere: jhaung zug' lab qo mae ma nyhab' ko".