1 Amazia tao" zaung: qhid: au: kao shid' xe: ngo" zin ngaid mung: Yerusa- lem: vomo" mae shid' xe: gug zin ug: ra". Yao: myhi" wa Yerusalem: myiqe: zo:2 Yehoada ngaid: . – Yao: wa Mo"so: qhid' kheim: dang main" mau" zaui: qere: majab3 byang". – Amazia wa ai: mang: mae ham: hung: kheim: so' qo" lao" yao: wa yao: pho" re se' pye' ra" sin: zo: qe re dam:4 se' pye' ra". – Ai qere: yao: zo: qe: qobo yao: pho" , yao: pho" qobo yao: zo: atha" magai: shid. Khag' re: yao: yao" qobo: yang za: shid qhug' ca" nae" ga: Moshe: khang" dao: paug' cao" mung: Mo"so: khang" dao: we' dakhyo: yao: nhae: zoshao qe re wa mase' pye'.5 Ai: tho' mae Amazia wa Yuda byu qe re khai: qham mung: phug' pho" byu boe: akaung cao" yang: Yuda we' Benyamin: byu qe re gye dataung ug , gye dayo ug zug: qe re khyin: nha: to" ra". Kao shid' xe zin je mung: lhae we' go lung: qo" vo, va" gye poe qo" vao qae: sam tid bo: ra". –6 Ngaui dataung joe" yang: qam: bo phao" ra" sulhe: Israel sin: zo: datid re: ngho"7 yu: ra". – Ai qere: Mo"so: byu dayaug yao: jhao" li" mung: jhaung zug: we" Israel gye mo" thaui: nao we' daga" maye: geshao: . Mo"so wa Israel byu ngaid: ra" Ephrim: zo:8 myid: qe we' daga" mana. – Ai qere: nao ye: nug; re ye: wa, . Mo"so kam" wa gyevo qe: qhid' kheim: nao re seim nhao zai va". Mo"so wa bao" yu nae", seim" nhao nae"9 qam: mo" bo: ra" ga: yeta" ra". – Amazia wa Are Israel gyezo: jham re ngaui joe: dataung: yang ngho" to" khoru: kaid' zai ga: Mo"so: byu re myid' ra" yao: wa Mo"so ai tho' je sho' nao re qo" byid' ra" ga: ta" ra".10 Alao" Amazia wa Ephrim mang: mae" joe" li" ra" gye jham re kho' pye' mung: yao: bam: na jao: dam: lo" nhao: pye' ra". Ai ru: mung: yao: bam Yuda mang: byu qe re gyai nhag' yo: mung: yao: yao" jo, qo khyo nhag' thao madae dam: lo" byaug;11 ako". – Amazia wa yao" gaung qam: qhao" yu mung: yao" byu qe re jhui: yang: xo: lao: geim: mae Seira byu datug se' pye' ra". –12 Yuda byu qe byu datug adaui xo' taung" yu mung: Sela laug byo, phyo: khyo jhui" do, mung: khyid gyug: nae main" boe" shao:13 ga: ai: mae" deim" khyo" ako". – Amazia we' daga" gye to" akhang" maqo" ko" yao: peim" ke' ra" gyezo: qe wa Samari mang: mae" Bed-horon joe" sho' Yuda vo jham re lhau: lhain" lo" ru we' byu sam taung se' pye' mung: zai jo, nho" myo: sho' sham" yu ko" ra".14 Amazia wa Edom: byu qe re bin: se' thao Seira byu qe: gyoe lhao jham re yu: lo yang: yao: yao" so khyo" kaid' yang: ai: gyoe lho: qhid' kheim: gam" goe, zo"15 nae pyo" ja: ngha" ngaui" byid' ra". – Ai: mathao Mo"so Amazia re nhag' yo: mung: lapa dayaug yao: jhao" nhao: ke' mung: ai: yaug wa yao: yao" byumyu" re lao" ni" lo, mae" maqo" khyaid' yu: ra" getau: gyoe lho jham re nao pe" mung: cao" qho: na: ga:16 ta" ra". – Alao" jhaung zug: wa nao jhaung zug' byin qham khaung: mhao: ngaid: i". Sae za: na wa, . Pe" mung: se' pye' nhao nug; ga: ta" re lapa wa ce: mau" zaui" ru we' ngo juyi byid' dao: magyo" cao" mathao Mo"so nao re phyo' lhaui" pye' nae" seim" va" ngo ba: ga: sae za: na: na: ra".17 Ai: ayo, Amazia wa juyi khyug' mung: Israel jhaung zug: Yehu yao: myid: Yeho- ahaza yao: zo: Yosha jhao" logyo: nhao: ke' mung: nyhao: nhae myo, myao de" gye18 jho" se' lang: ga: ta" ke' ra". – Israel jhaung zug: Yosha wa Yuda jhaung zug: Amazia jhao" logyo: nhao: ke' mung: Lebanon bam mae yaug; ra" zau: jam" wa Lebanon bam mae" hhu: je; gae re ni" myiqe: zo: we' nga" zo: jho" byid: zho: lang: ga: mho' re Lebanon bam mae" zoqhid dadau: lai: lo mung: zau: jam" re nao" pye" pye' ra". –19 Nao Edom: byu qe re aung: yu: ra" mathao ngaid so" dao: nao mho yang: nhag' lam: myhao: jo; ra". Ni" yham mae na: na wa, . Nao we' ni" Yuda mang: daga" jeim" lo" sho' pe" mung: aphaug' alhain: kaid' na: ga: dam: ta" ke' ra".20 Ai qere: Amazia ai: dao: matae" gyo: . Pe" mung: ga" re Edom: mang: gyoe lho jham re cao" qho: ra" mathao gyevo qe: lo, khug vao shao: ga: Mo"so jaung" na va"21 mung: ngaid: . – Ai: mathao Israel jhaung zug: Yosha gye to" lo mung: Yuda mang: we' tin" ra" Bedshemed vomo" nhae tau Yuda jhaung zug: Amazia we' myo, myao22 de" gye jho" khain: ako". – Yuda byu qe Israel byu qe: qhid' kheim: gye seim" yang: yaug nge, yao: yaug yao" yham khyo phao:23 myi" sin" pye' ako". – Israel jhaung zug: Yosha wa Yuda jhaung zug: Yehoahaza yao: myid: Yosha yao: zo: Amazia re Bedshemed vo nhae mae taung" yu mung: Yerusalem: vomo" joe" ye: co' yang: Ephrim: kham: dung: mae" ru thaung" jheim kham: dung: joe" sho' Yerusalem: vokham" byid yo24 daung" khyoe' pye' byid' ra". – Pa" jhaung: yham khug ke' to" Obed-Edom: lhaug' ra" ngaui , hhang zai jham alhab' re re: kho" vang khug ngaui jhi mae" jo, nho" alhab' re re: Amakham: byu qe we' daga" yu yang: Samari vomo" khyo dam: lo" ra".25 Israel jhaung zug: Yehoahaza yao: zo: Yosha shid thao Yuda jhaung zug: Yosha yao: zo: Amazia wa daxe: ngo" zin kao daui26 co' shi". – Amazia zaui" lai: lo: dang shi" jham aqao: athao" Yuda we' Israel jhaung27 zug: mhomyi: mae tung" to" ra". – Amazia Mo"so re naung phaug' pye' ba mae" Yeru- salem: mae yao: re tau: lhain: geyang: yao: wa Lakhisha vo khyo phao: lo" ra". Ai: vo khyo re: byu nhao: ke' mung: ai:28 tau Amazia re se' pye' veko". – Yao" mao gaung re myao: dao mae" vin: lo mung: Yuda vogaung: phug' pho" qe we' daga" nyhab' shaung: ke' ako".