1 Yerusalem: vobyu qe wa yao: zo: voma Ahazia re yao" atha" jhaung zug: tang" ako". Pe" mung: ga" re Arab byu qe we' daga" gyedab khug vao lo: ra" cang tau: qe: yang yao: mao: qe alhab' re se' pye' veko". Ai mung: Yuda jhaung zug: Yehoram yao:2 zo: Ahazia jhaung zug: kaid' ra". – Ahazia tao" zaung: qhid: au: kao shid' xe: shid' zin bo mung: Yerusalem: vo mae dazin zug' gam: ra". Yao: myhi" mang Athalia ngaid: . Yao: wa Omri myiqe: zo: ngaid:3 ra". – Makhyang" mau" zaui: nae" khyo: yao: myhi" yao: re juyi byid' ra" mathao–4 Yao: wa Ahab yham byu qe su" gau: cao: na mung: yao: bam ru: Mo"so: qhid' kheim: magai mangung" mau" zaui" ra". Yao: pho" shid thao Ahab byu qe: yang yao: qeim sho'5 juyi byid' ako". – Ahazia wa yao: bam juyi byid' khyo: cao" mung: Ramod-Gilaid khyo Suri jhaung zug: Hazaela re yese' nae" tau: Israel jhaung zug: Ahab yao: zo: Yoram we' myid qhug' ci: ra". Suri byu qe: yang6 Yoram re dae te' ke' ako". – Ai re" khyo: Suri jhaung zug: Hazaela re gye se' na: yo, yao: bam Rama jo, qo tau yao: phau" na: no ya nae" tau: jhaung zug: wa Yezarela yo khyo tug' lo" mung: yao: no: na: mathao Yuda jhaung zug: Yehoram yao: zo: Azazi wa Ahab yao: zo: Yoram re yeqhug' nae" ga: Yezarela khyo ye" lo" ra".7 Ahazia wa Yoram we' daga" ye" lo" ra" mathao yao: qeim: lo" ru Mo"so mae" ngaid: . Yao: ye: joe" au: yao: wa Yoram we' daga" Nimshi yao: zo: Yehu re yetug: ako". Ai: yaug wa Ahab yham re se' tam" pye' nae" tau: Mo"so: yang yao: re xau8 gyain: byid' to" ra". – Yehu yang Ahab yham bao: re se' nhau" pye' yang: yao: wa Yuda jhaung zug: nau" we' Ahazia re caung da" na: ra". Yao" mao: nhaung: qe: yao: zo: qe the' myao yang: yao: bam re se'9 pye' ra". – Ahazia Samari jo, qo tau vho' na: ra". Yao: re yecao" qho: myao lao" Yehu jhao" jhui" lo mung: se' pye' va". Yao: wa aung khug alhab' yang Mo"so re cao" qho: ra" Yehoshaphaid' yao: zo: ngaid: ru beim: lao" yao: re shaung nyhab' ke' ako". Ahazia yham byu qe wa mang: din" qo" ug nae" bun mabo lo: ko".10 Ahazia yao: myhi" Athalia wa yao: zo: shid: ru the' ba lao" to" lo mung: Yuda mang: jhaung zug: nau" qe re se' tam"11 pye' ra". – Ai qere: jhaung zug' myiqe: zo: Yehoshaphaid' wa Ahazia yao: zo: Yosha re se' pye' qhug' ra" jhaung zug: nau" qe mae" khug' nyham" yu mung: yao: we' yao" naung cao myiqe: we' daga" yab qe, mae nha: to" ra". Ai re" khyo: jhaung zug: Yoram" myiqe: zo: Ahazia nhae: mo" khin jaung Yehoada yao: myi: Yehosheba wa ai: zoshao re nyham" to: mung: Athalia yang12 yao: re maqo" se' lo: . – Khyaug' zin lam: lam: Yosha wa yao: bam we' daga" Mo"so: yham mae gug' na mung: Athalia wa ai: mang: din" re ug: na: ra".