1 Jhaung zug: Yehoshaphaid' wa ngaui bau: za: Yerusalem: yao" yham khyo dam:2 joe" lo: ra". – Hanani yao: zo: lapa Yehu wa jhaung zug: Yehoshaphaid' re li" tug mung: nao makhyang: yaug re bao" nae" we' Mo"so jhao" gyid' mo, re gai: jhid' de, ja: i". Nao kaid' lo: mau" mathao: yang Mo"so: nhag' yo" kheim: ni" adao joe"3 ava". – Ai qere: mang: geim" mae" Ashera sulho sham" pye' mung: Mo"so re cao" qho nae" kao bau yang: nao mae gai: ru qo" the' myao: ava".4 Ai: thao Yehoshaphaid' wa Yerusalem: mae na: na: ra". Yao: wa Bera-Sheba vo mae" ru Ephrim: bam mug: joe" sho' , dam: su" kam" qin" mung: mang: byu qe re phug' pho" qe: Mo"so jhao" jhui" lhang: yu: ra". –5 Ai: tho' mae" yao: wa Yuda mang: khug vokham" qae: ra" vo khao: ngo" mae tarha"6 zug: qe re nha: to: mung: – Tarha" zug: qe re naonhaung" zaui: mau" wa byu qe: mau" mangaid: . Mo"so: mau" tarha" khyo shid' na: ru mae bo: ra" mathao naonhaung"7 zaui: mau" mae lha" na ge, . – Mo"so gyaug pho: naonhaung" adao ajo; jo, shao: . Lha" zo" mae" zaui" na ge, . Naonhaung" AsAng Mo"so mae magai makhyang" ru pe" re: mabo. Khag' myo, khung: re re: maqu" ru we' khug vag: ga: ru mazo: ga: pin: ke'8 ra". – Ai: tho' mae Yerusalem: mae re: Yehoshaphaid' wa Mo"so: tarha" re re: , byu yao: cao: mau" jho" ta" ca" ru mae re: mau" kyo' shao byid: nae" tau: Levi' byu , khin jaung qe we' Israel ade, zug: qe mae" tarha" zug: khin jaung: nha mung: yao: bam Yeru-9 salem: vomo" mae na: na ko" ra". – Yao: bam re naonhaung" jab byang" myid khyo" Mo"so re gyaug phug' ru we' mau" kyo'10 shao: na ge, . – Vo khao: ngo" mae na: ra" naonhaung" mao: nhaung: bam wa byu se' mau" , khang" dao: tarha" we' pin: to: va" dao: , phyomho" dao: zaui" lhoe" ra" mau" naonhaung" qhid' kheim: joe" lo: ngaid: re naonhaung" we' naonhaung" mao: nhaung: qe: adao AsAng: nhag' yo" kheim: majoe" shao: yao: bam Mo"so: qhid' kheim: qobo malau: sho' yao: bam re mho" kyang" na ge, . Ai: mau" zaui" re naonhaung" qobo11 mabo nae". – Mo"so: mau" we' tin" ra" ja: khao: ngo" mae khin jaung yin" Amaria wa naonhaung" adao mae ug: na: ra". Jhaung zug' mau" we' tin" ra" ja: khao: ngo" Yuda jhaung zug' yham ug: ra" Ishmela yao: zo: Zedadia wa ug: na: ra". Levi' byu qere: naonhaung" re bao" thaug' khaung: mhao: agyi qe boe" zai ngaid: . Vae" vae" za: zaui: so: ge, . Mo"so wa byu gai qe: thao bode; ra" ga: pin: to" ra".