1 Asa yao: zo: Yehoshaphaid' wa yao" atha" tao" zaung mung: Israel mang: din" re lham: qo" khain sho' yao" mang: qam: ke'2 zaui: so" ra". – Yuda mang: khug vokham" qae: ra" vo jham alhab' mae gyezo: , Yuda mang: jo, qo khao: ngo" mae re: , yao: pho" Asa qo" yu: to" Ephrim: mang: vogaung: jham mae re: gye nha: myhi" nha: to" ra". –3 Yehoshaphaid' wa qhid' re" phug' pho" qe: suna mae su: mung: Bala so re maqho lo: na: na: mathao Mo"so yao: we' daga" bona:4 ra". – Israel byu qe ru: mangaid: lo: yao" phug' pho" qe: Mo"so re cao" qho mung: yao: pin: to" dao: re cao" pyang" na: ra". –5 Ai: mathao Mo"so wa yao" lo, khug tang nhao: to: mung: Yuda mang: geim" yao: re khang: khyui: dai" ko" ra". Yehoshaphaid'6 wa jo, nho" myo: sho' re: qo" ra". – Mo"so: khyo dang cao" na nae" ru yao: nhag' dag: na mung: Yuda mang: khug myhao: ra" bug gaung mae" pa" kug' yham jham we' Ashera sulho jham re jhaid' za: yu: pye'7 ra". – Yao: tao" zaung: ru sam zin au: Yuda vo khao: ngo" mho" byid: nae" tau: yao" zug: ade, qe ngaid: ra" Ben-haila , Obadia , Zekharia , Netharela , Mikha bam re nhao:8 ke' ra". – Yao: bam we' daga" Levi' byu Shemaia , Nethania , Zebadia , Asahela , Shemiramod , Yonatain , Adonia , Tobiya , Tobadoni bam we' khin jaung Elishama ,9 Yoram jham re nhao: ke' ra". – Yao: bam Mo"so: tarha" paug' vin yang: Yuda mang: khug cao" mho" kyang: mung: Yuda mang: gam: sho' su" lhang: qin" zo" mho" shid'10 byid' ra". – Yuda mang: jhao" lhang" mang: din" alhab' bam: adao mae Mo"so: gyaug pho" joe" yang: yao: bam Yehoshaphaid' re11 gye mavae" to" ko". – Philisti byu damyo" re: Yehoshaphaid' re jhaung qhu" we' ngaui khang: khyui: dai" ako". Arab byu qere: yao lo: nhaid' taung: nhaid' yo , caid' lo: nhaid' taung: nhaid' yo qhaug' byid: ko"12 ra". – Yehoshaphaid' gyai qam: bo: lo: ru we' Yuda mang: khug gyedab we' jo, nho"13 qaung" to" vomo" jham te" to" ra". – Ai ru: yao: wa Yuda vo khain mae mau" aja: ja: zaui: mung: Yerusalem: vomo" mae kung:14 ra" sulhe: jham re nha: to" ra". – Ana" ce wa sulhe: qe yao: yao" akaung cao" yang: gaug: to" japhin: ngaid: . Yuda boe: tug taung ug: ra" zug: wa gye au: she zug: Adna we' daga" sin: zo: sam tid ngaid: .15 Yao" thao cao: ra" gye zug: Yehohanan we' daga" sin: zo: shid' tid: she' tug.16 Aung khug alhab' yang yao" gaung Mo"so jhao" qhaug' ra" Zikhri yao: zo: Amasia we' daga" sin: zo: shid' tid ngaid:17 ra". – Benyamin: kaung mae" qam: phao" ra" sin: thu Eliada we' daga" la: we' go lung: ci: ra" sin: zo: shid' tid.18 Yao" thao mae Yehozabaid' we' jin" jin" seim" nyhang" to" sin: zo: datid: she'19 tug ngaid: . – Jhaung zug: wa Yuda mang: khug vokham" qae: to" vomo" khain mae yao: bam re nha: to" ra". Ai: tho' mae yao: bam wa yao: re gam caung: na mo, re: ngaid: ra".