1 Asa wa yao" AsAng Mo"so: qhid' kheim: gai shab: mau" we' dang main"2 mau" zaui: so" ra". – Taung bug byu qe: gyoe phain jham we' myhao: ra" bug gaung dao ngaui" phain jham re va: pye' ru mung: sulho zang jham re khyug' mhain" pye' ru we' Ashera sulho jham thau: pye' yang: –3 Yuda byu qe wa phug' pho" qe: Mo"so re cao" qho mung: khang" dao: we' pin: to: va" dao: kheim: jham re qo" cao" na nae"4 tau: mho: ra". – Yuda mang: vo khao: ngo" mae re: myhao: ra" bug gaung jham we' ba lho jham sham" pye' mung: mang:5 din" yaug yo: ru qhug' ra". – Mo"so: yang yao: re myain yo zai" poe" byid: mung: gye mau" mathug' ru we' mang: din" geim" ngaui pyo" lo: mathao yao: wa Yuda mang: khug vokham" qae: ra" vomo" jham te"6 ra". – Dam: yao: wa ngonhaung" nyhao" Mo"so re cao" qho: na mung: yao: wa nyhao: re jo, qo khao: ngo" mae myain yo nhao: ra" mathao mang: din" geim" nyhao: qo" zug' gam: ra". Ce: vomo" jham re re: te" to: mung: vokham" , gyebyu gai" , kham: mo" , kham: kyao" jham re kaid' to: ge, ga: Yuda byu qe re pin: to" ra". Ai ru: yao: bam zaui: so: yang: aung doe; khyo7 qo" ko" ra". – Asa mae Yuda byu qe: khug mae" go hhang we' lhae ci: ra" gyezo: sam tid. Benyamin: byu qe: khug mae" go lung: we' la: ci: ra" sin: zo: shid' tid: she' tug na mung: yao: bam wa khye' kung: ra" sulhe:8 cin za: ngaid: . – Khusha jhaung zug: Zera wa gyezo: dakyid , gye lhin" sam yo we' do, lo mung: Maresha joe" vao lo veko". –9 Alao" Asa wa yao: re lham: tug nae" ga: thug' mung: Maresha anhae Zephaid' lao: geim: tau gye jho" khain: na ko" ra". –10 Asa wa yao" Mo"so AsAng re zag: hug' ke' mung: Mo"so we" qam: mabo yaug re qam: bo yaug; lo, mae" khyaid' yu nae" nao mae" jain" getau khag' mana. Ngonhaung" AsAng Mo"so we" bao" yu la, . Ngonhaung" nao mae khug mung: ni" mang kheim: mae khug zo" ce: gye mo" thaui: jham re se' nae" ye" lo" bam va". Mo"so we" nao za: ngonhaung" Mo"so angaid: . Byu qe nao re11 maqo" aung geshao: wo" ga: mho' ra". – Ai mung: Mo"so wa Khusha byu qe re Asa we' Yuda byu qe: qhid' kheim: dae zang byid: mung: yao: bam phao: sin" pye' ko"12 ra". – Asa we' yao" byu qe wa Khusha byu qe re Gerara joe" sho' cao" khe' mung: yao: bam gye madam: vae" kaid' sho' byu dae xo shid: pye' ko" ra". Yao: bam wa Mo"so we' yao" mo, thaui: mo" qhid' kheim: seim" gyoe; pye' qhug' mung: Yuda byu qe jo,13 nho" gyai qo" sham" yu ko" ra". – Yao: bam wa Gera jhao" lhang" vo jham alhab' phyo' pye' ako". Mo"so: gyaug pho" kyid' ru yao: bam phau: ko" ra". Ai: vo jham mae jo, nho" myo: sho' qaung" to: ko" mathao ai:14 vo alhab' phyo' pye' ko" ru ngaid: . – Gug' nyhug' nung: zaung jham re phyo' lhaui" pye' mung: yao we' ma dae myao: myo: sho' keim: yang: Yerusalem: khyo dam: lo: ako".