1 Mo"so: Solo Oded' yao: zo: Azari jhao"2 joe" mung: – Yao: wa Asa re tug ga: thug' lo zo" Asa we" Yuda we' Benyamin: byu qe we" nga" dao: tae" gyo: ge, . Naon- haung" Mo"so: thao de; na: yo; gu: AsAng wa naonhaung" we' na: na zai ngaid: . Naonhaung" yao: re qho lao" myao genae". AsAng re to" pye' lao" yao" yang re: to" pye'3 zai va". – Ana" ayo, gyai myao" sho' Israel amyu" khug mae dang main" Mo"so mabo lo: . Mho" shid' ba: khin jaung re: mana4 lo: . Khang" dao: tarha" re: majo, lo: . – Ai qere: yao: bam qug: khai: phau: yang: Israel Mo"so AsAng jhao" lhang: qho: lo ko" re5 yao: bam: AsAng re the' myao: ra". – Ai: athaung: gu: vao lo" thug' lo kaid' yaug; tau: yaug yo: khyo maqo". Mang: din" khug mang: byu qe alhab' dao phau yu6 phau khyaid' za: ngaid: na: . – Mo"so: yang qug: khai: aja: ja: phau: nhao: ra" mathao damang: we' damang: , davo we' davo7 yao: cao: jho" se' na ko" ra". – Naonhaung" kam" wa qam: yu: na ge, . Qam: mo" lo, gyi: dakhyo" pye' ge, . Naonhaung" cao" na ko" khyo: akyu" the' kham: yu genae" ga:8 mho: ra". – Ai: dao: kheim: we' lapa Oded' pa dao: Asa the' gyo: yang: qam: gyo" qo" mung: Yuda we' Benyamin: mang: geim" mae" re: , Ephrim: bam mug: qo" se' aung: yu: vo khao: ngo" mae" re: ca' pho: alhab' va: pye' mung: Mo"so: yham kheim: mae jo; ra" Mo"so: ngaui" phain dam: nyhang"9 byao: ra". – Yao: wa Yuda we' Benyamin: byu alhab' re re: , yao: bam we' daga" na: Ephrim: , Manashe we' Simun: boe: jham re re: zang" qham nhao: ra". Asa: Mo"so pyaid da du AsAng wa yao: we' daga" ngaid: ru Israel byu qe myao gelao" yao: bam myo:10 sho' yao" thao vao: khug; lo" ako". – Asa tao" zaung daxe: ngo" zin lho" mo" sam khye' re Yerusalem: vomo" tau li" zang" qham: ako".11 Yao: bam sham" yu: lo ko" jo, nho" gu: mae" nung: jaung lo: nhaid' yo , yao nhaid' taung ai: ba Mo"so jhao" ngaui"12 byid' ako". – Yao: bam wa phug' pho" qe: Mo"so re aung khug alhab' , nhag'13 lam: alhab' yang cao" qho mung: – Israel Mo"so re macao" qho: ra" myiqe: , yaug gai , qi: ngai khag' ngaid ngaid shid qhug'14 veshao: ga: jham tang: ko" ra". – Yao: bam gyai ga: zag: hug' zo" labo" khulhao: maid: ru we' Mo"so re dao: so: byid: ko" ra". Yuda byu qe alhab' ai ru: dao: so: to: jham tang: ko" au: gyai ngaui bau" na: ako". –15 Pe" mung: ga" re yao: bam nhag' lam: alhab' yang dao: so: to" ru mung: kao bau: myid alhab' we' yao: re cao" qho ko" ra". Yao: bam re: Mo"so re the' myao geyang: AsAng: yang yao: bam re khyi" khao: ngo"16 mae ngaui pyo: nhao: ra". – Jhaung zug: Asa yao: phyid' Makha: re: mashao ca' ja: Ashera sulho kaid' to: va" mathao yao: re jhaung zug: phyid' aya: qab; pye' mung: yao" sulho jham re khyoe' pye' yang:17 Kedaron qid lao mae ngha" pye' ra". – Ai qere: myhao: ra" bug gaung pa" kug' jao: jham re Israel mang: din" mae" jhaid' za: mayu: pye'. Asa nhag' lam: yao: daui: na:18 dabang: jab byang" za: ngaid: . – Yao: pho" qhaug' va" jham we' yao: yao: qhaug' tang: pye' va" hhang , ngaui we' khug' jham re Mo"so: pa" kug' yham khug mae to" to"19 ra". – Asa tao" zaung: ru sam xe: ngo" zin joe" mang: byo; ga: ru majo, .