1 Rehoboam mang: din" gang" tang: lo: ru we' yao: qam: bo: lo lao" Israel byu qe2 we' daga" Mo"so: tarha" jao" pye' ra". – Ai re" khyo: Mo"so re shaid' pye' ra" mathao Rehoboam tao" zaung ngo" zin ngaid: au: Egutu jhaung zug: Shishag' wa gye3 lhin" dataung: shid' yo , – Myao: jui: mo, khyaug' tug we' daga" Yerusalem khyo do, lo: ra". Yao: we' daga" Egutu mae" li" lo: Ludim , Sukim we' Ethiopia byu qe wa4 matho' nghe' sho' myo: ko" ra". – Yao: wa Yuda mang: vokham" qae: to" vomo" jhaid' qo" aung: yu mung: Yerusalem: vo khyo5 joe" vao lo: ra". – Ai: au: lapa Shemi wa jhaung zug: Shishag' mathao Yerusalem: vo mae zang" qham: na: Yuda zug: ade, qe we' Rehoboam jhao" ye joe" mung: Mo"so ce ru: ga: mho: ra". Naonhaung" Ngo re lhaui" pye' ko" mathao Ngo naonhaung" re Shishag' lo, khug qhaug' va" ga: mho:6 ra" ga: yao: bam re zhao: kyo" ra". – Ai ru: mung: Israel zug: ade, qe we' jhaung zug: wa yao: yaug yao" nhag' lam: nyham: khyo" pye' zo" Mo"so dang main" ra" ga: ta"7 ako". – Nhag' lam: nyham: khyo" ru Mo"so myao lao" Mo"so: mung dao: Shemi jhao" joe" mung: yao: bam: nhag' lam: nyham: khyo" veko". Ngo yao: bam re maphyo' lhaui" pye' nae". Khomyhao" mamyao" re yao: bam loe, nae" gau: Ngo phung" byid: mung: Nga" nhag' yo" kheim: Yerusalem: adao Shishag' lo; yang majoe" lo: nae". –8 Ai qere: Ngo re caung da" gin we' myid gaung: dao mang: din" jham re caung da" nae" khyo qo" ba: kho' geshao: yao: bam wa ai: yaug: jeim boe" li" nae" ga: mho: ra".9 Egutu jhaung zug: Shishag' Yerusalem: khyo joe" mung: Mo"so: pa" jhaung: yham mae" hhang , ngaui we' jhaung zug' yham mae" ngaui hhang re yu: pye' ra". Alhab' jhaid' za: yu: pye' ra". Sholomun kaid' to"10 go lung: alhab' re re: yu: pye' ra". – Jhaung zug: Rehoboam wa hhang go lung: atha" gyid: go lung: kaid' mung: jhaung zug' vang kham: zaung" agyi qe: lo, mae qhaug'11 ra". – Jhaung zug: wa pa" jhaung: yham vao khao: ngo" lhaug' gam sin: zo: qe ai: go lung: vo, mung: zam" to: jao: qe, mae dam:12 lo" ke' to: to: kaid' ako". – Ai re" khyo: jhaung zug: wa yao" gaung nyham: khyo" pye' va" mathao Mo"so: nhag' yo" kheim: yao" adao mae" tug' lo" byaug mung: yao: re jhaid' za: maphyo' qheim" pye' lo: . Ai: tho' mae Yuda mang: mae re: myain yo shi"13 ra". – Rehoboam jhaung zug: wa Yerusa- lem: vomo" mae qam: bodo, lo mung: gang: tang za: zug' na: ra". Rehoboam tao" zaung: qhid: zin kao byid xe: dazin ngaid mung: Yerusalem: vomo" mae daxe: nhaid' zin tao" zaung: ra". Ai: vo wa Mo"so yao" mang to" to: nae" tau: Israel byu kaung alhab' gu: mae" khyin: thug' yu: vomo" ngaid: ra". Yao: myhi" mang wa Amon byu Nama14 ngaid: . – Yao: wa Mo"so re yao" aung khug alhab' yang macao" qho lo: makhyang"15 mau" zaui: so" ra". – Rehoboam zaui" lai: lo: khyo aqhid athao" ca: to" ru Shemi lapa we' Ido lapa paug' mae bo: ra". Rehoboam we' Yeroboam tao wa yao: tao: pyaid thao"16 sho' gye jho" se' ko" ra". – Rehoboam wa yao" phug' pho" qe we' daga" yab pyo" lo" mung: Davi vomo" mae shaung: nyhab' ke' qhug' va". Yao: zo: Abiya wa yao" atha" tao" zaung: ra".