1 Yeroboam jhaung zug: tao" zaung: ru daxe: she' zin au: Abiya wa Yuda mang:2 mae tao" zaung: qhid: ra". – Yao: wa Yeru- salem: vomo" mae sam zin tao" zaung: ra". Yao: myhi" wa Gibea byu Orela myiqe: zo: Makha: ngaid: . Abiya we' Yeroboam wa3 yao: cao: gye jho" se' ko" ra". – Abiya wa gye se' nae" ga: qam: phao" khye' lhe' ra" sulhe: byid tid khyin: thug' yang: li" lo: ra". Yeroboam re: gye seim" nyhang" mung: phao" ra" sulhe: she' tid khyin: thug' yang:4 gye jho" khain: na: ra". – Abiya wa Ephrim: bam mug: Zemarem bug gaung dao ye, mung: Yeroboam we' Israel mo, geim" we"5 tae" gyo: ge, wo". – Israel Mo"so AsAng wa xo: we' dau: ra" dao: thang" yang Israel mang: din" Davi we' yao" zo: myid: qe re pyaid da du byid' to: va" khyo naonhaung"6 gai: myid: beim" ra" mangaid: i". – Ai qere: Davi yao: zo: Sholomun jeim Nebaid' yao: zo: Yeroboam wa yao" asang re tau:7 lhain" ava". – Rehoboam kao maqi: shi: yang: nhag' lam: maqao" shi" ra" mathao yao: bam re maqo" lhau" tam" ke' ra" gyo: , akyu" mabo makhyang" byu qe wa Yeroboam thao de, geyang: Sholomun zo: Rehoboam re gyai ga: kaid' zho: ko" ra". –8 Ana" re: Davi zo: myid: qe: lo, mae bo: ra" Mo"so: mang: din" re naonhaung" tam" kyo" kaung: kag' nae" ga: myid genhaung mhao". Dang dang naonhaung" wa mo, mo" thaui: ngaid: ko" ru we' naonhaung" gyoe lho atha" Yeroboam kaid' to" hhang nung: nau" lho jham re: bobo: ra".9 Naonhaung" lam: Mo"so: khin jaung qe Arun" zo: myid: qe we' Levi' byu qe re khe' pye' yang: bag zeim: byumyu" qe re" ru: yham sang o: khyo" khin jaung tang" nha ko" mangaid: i". khag' re: khin jaung aya: qo" yu nae" tau: nung: lo: dadau: we' yao lo: nhaid' dau: se' ngaui" byid: mung: pe" mangaid' gyoe lho qe: khin jaung boe"10 na: ako". – Ngonhaung" wa Mo"so re malhaui" pye'. Yao: wa ngonhaung" Mo"so ngaid: . Mo"so re caung da" ra" khin jaung qe wa Arun" zo: myid: Levi' byu qe ngaid:11 ra". – Yao: bam wa ne, seim , myi" khao: ngo" Mo"so: tau: phaid' ngaui" xeim: we' nae pyo" ja: ngha" ngaui" byid: ko" ra". Qhu" to" cinmain" jham re re: shao lho" gai" dao kai" to" ako". Hhang myi: tao" we' myi: kaug' jham myi qug: theim: ko" ra". Ngonhaung" wa Mo"so AsAng re za: caung da" na: . Naonhaung" wa AsAng re12 lhaui" pye' veko" ra". – Mo"so yao: ngon- haung" au: she boe" na mung: yao" khin jaung qere: labo" maid zo" naonhaung" re aug' peim" yu nae" ga: ngonhaung" mae bona ko" ra". Israel byu qe we" phug' pho" qe: Mo"so re datau: lhain: ge, . Tau:13 lhain: ko" re seim genae". – Yeroboam wa sab zo: dazhain kaid' ci mung: yao: bam: shaid' khyo zhag' do, lo: ra". Ai ru: Israel byu daphung: Yuda byu jham: qhid' au: lham: na mung: daphung: wa Yuda byu qe: nhaung thao" khyo" lhang" kham" to" ako".14 Yuda byu qe lhang: qu" ke' ko" au: yao: bam: qhid' kheim: nhaung thao" gyevo jhaid to, ngaid: na: ru myao gelao" yao: bam Mo"so re zag: yao: ke' mung: khin15 jaung qe re: labo" maid: ke' ko" ra". – Ai ru: Yuda byu qe zag: hug' yhai: ke' lao" Mo"so wa Yeroboam we' Israel byu qe alhab' re Abiya we' Yuda byu qe: qhid'16 kheim: dae phau: nhao mung: – Israel zo: myid: qe wa Yuda byu qe: myo, le, mae" phao: qui" lo" pye' ko" ra". Mo"so wa yao: bam re Yuda byu qe: lo, mae qhaug' byid'17 pye' ra". – Abiya we' yao" byu qe wa yao: bam myo: sho' re se' tam" pye' mung: khyin: thug' to" Israel byu ngo" tid shid: thao" pye' ra".18 Israel byu qe ai: ayo, ai: tau seim: pye' mung: Yuda byu qe kam" wa phug' pho" qe: Mo"so AsAng mae khug ngha: na ko" mathao aung doe; khyo qo" ko" ra". –19 Abiya re: Yeroboam re cao" khe' mung: Bethela we' vozo: vozang jham , Yeshana we' ai: vozo: vozang jham , Ephran we' ai: vozo: vozang jham re ai: yaug; lo,20 mae" lhaid' yu: ra". – Yeroboam wa Abiya ta dabang" geim" mae qam: ngo" byaug mung: madam: qo" pyang" yu lo: yang: Mo"so yao: re dae byid' ra" mathao yao:21 shid: pye' va". – Abiya kam" wa qam: qi" do, li" mung: myiqe: daxe: byid yaug yu mung: yaug gai shid' xe: shid' , myiqe:22 zo: daxe: khyaug' yaug khau: ra". – Dang shi" Abiya zaui" lo: gu: we' yao: ta" dao: ,23 Ido lapa paug' mae tung" to" ra". – Abiya wa phug' pho" qe we' daga" yab pyo" lo" mung: Davi vomo" tau shaung nyhab' ke' qhug' ra". Yao: zo: Asa wa yao" atha" tao" zaung: ra". Ai: mang: din" yao" ta daxe zin myain yo za: ngaid: ra".