1 Rehoboam Yerusalem joe" lo" re Yuda we' Benyamin: kaung mae" Israel amyu" re se' nae" we' Rehoboam yao" mang dam: qo" tau: yhe' nae" qhid' mae" gyezo: datid: she'2 tug khai: qham: ra". – Ai: au: Mo"so: byu3 Shemi jhao" mung dao: joe" mung: – Yuda jhaung zug: Sholomun yao: zo: Rehoboam we' Yuda , Benyamin: mang: khug na: ra" Israel byu alhab' re ce ru: ein: ye: ta" wa, .4 Mo"so ce ru: ga: mho: ra". Naonhaung" ni" mao: nhaung: cao: qe re gye daye: kaid' ge, . Khag' re: khag' yao" yham khyo lo" gese, . Ai: ru wa ngo poe" ke' ru ngaid: ra" ga: ye mho: ra". Yao: bam ai Mo"so: dao: tae" gyo: mung: Yeroboam re gye makaid' lo: dam: phao: byo: lo" ko" ra".5 Rehoboam wa Yerusalem: mae na: na mung: Yuda mang: khug mae vokham"6 kyae" ra" vomo" te" ra". – Yao: wa Betle-7 hem , Etam , Tekoa , – Bet-zura ,8 Sokho , Adulam , – Gaid , Maresha ,9 Zip Adorem , Lakhisha , Azeka , – Zora , Aialon , Hebron vo re te" ra". Ai: vo jham waYuda we' Benyamin: mang: khug vokham" qae: to" vomo" jham ngaid: . –10 Ai: vokham" qae: to" vo khug mae gyedab re: kaid' mung: ai: khug mae gye zug: re: , zo: nam we' Zhainlun: xau , sabyi' qang:11 re: ke' qaung" to" ra – Vo khao: ngo" mae go lung: we' gye shae lhae to" to: mung: ai: vomo" jham re gyai gang: sho' zhaug' ra". Yuda we' Benyamin: mang: khug yao: ug:12 gam: ra". – Israel mang: din" geim" mae na: ra" khin jaung qe we' Levi' byu qe wa yao: bam na: na: khyi" khao: ngo" khyo" jhaung13 zug: jhao" li" ko" ra". – Pe" mung: ga" re yao: bam Mo"so re caung da" nae" tau: khin jaung mau" maqo" vin sho' Yeroboam we' yao: zo: qe: yang yao: bam re nhaung"14 khoe' tam" kyo" ako". – Myhao: ra" bug gaung mae yao: kaid' to" ra" shopho" we' nung: nau" lho jham: qhid' kheim: khin jaung mau" vin nae" tau: jaung: nha: to: mathao Levi' byu qe wa yao: yao" vogaung: we' myid gaung to" pye' co' mung: Yuda mang: Yerusalem: vo khyo joe" li" lo ko"15 ru ngaid: . – Yao: bam bin: thug' thao Israel amyu" qe alhab' bam mae" yao: yao" nhag' lam: aung khug alhab' we' Israel Mo"so re cao" qho mo, alhab' bam: wa phug' pho" qe: AsAng Mo"so jhao" xeim: ngaui" byid: nae" ga: Yerusalem: vomo" khyo bocao:16 li" ko" ra". – Yao: bam wa Yuda mang: re botau: to' gang: tang nhao mung: Sholo- mun yao: zo: Rehoboam re sam zin byang" gang: tang nhao veko". Yao: bam wa sam zin lam: lam: Davi we' Sholomun khyo dang su: ko" ra".17 Rehoboam wa Davi yao: zo: Yere- mod: myiqe: zo: Mahalad we' Yese" yao: zo: Eliaba' myiqe: zo: Abihala re vhin"18 yu mung:– Yao: zo: Yeusha , Shem- are , Zaham yaug gai zo: sam yaug khau:19 ra". – Ai: thao Abashalung myiqe: zo: Makha: re yu mung: yao: wa Abiya , Atai ,20 Ziza , Shelomid bam re khau: ra". – Ana" Rehoboam wa myi: au: xaug' daxe: she' yaug we' naung cao myi: khyaug' xe zo: yu mung: yaug gai zo: shid' xe: she' we' myiqe: zo: khyaug' xe yaug khau qere: Abashalung myiqe: zo: Makha: re yao: myi: alhab' bam:21 tho' je: jhid' de, mung: – Makha: yao: zo: Abiya re yao" mao: nhaung: qe: dao agyi boe" nae" khyo: tau" da: to" ra". Rehoboam wa ai: yaug re jhaung zug: poe" nae" myid:22 yaung: to" ra". – Ai: tho' mae yao: wa juyi bo taung" tau" yaung mung: yao" yaug gai zo: qe re Yuda we' Benyamin: mang: khyi" khao: ngo" mae" vokham" qae: to" vo khain mae nha: myhi" to: mung: zo: nam myo: sho' re: byid' to" ra". Yao: bam: tau: myiqe: myo: sho' re: qho: ra".