1 Ana" Israel byu qe Rehoboam re jhaung zug: aya: tang: nae" ga: Shekhem khyo ye" lo" ko" ra". Rehoboam re: yao: bam we'2 daga" ye" ra". – Nebaid' yao: zo: Yeroboam wa jhaung zug: Sholomun myo, le, mae" phao: lo" mung: Egutu mang: mae na: na: au: ai: lau dao: the' gyo: lao" Egutu mae" dam: lo: ra".3 Israel byu qe yao: re khai: yu mung: Yeroboam we' Israel mo, thaui: geim" li"4 mung: Rehoboam re – Ni" pho" ngon- haung" dao la" ra" qo vhin: lo va". Ni" pho" qug: khai: qo la: vhin: lo: dao kang re nao seim: nhao la, . Ai ru: lao" ngonhaung" ni" mau" vin vo; bam nae" ga: mho: ako". –5 Alao" yao: wa sam ba lai thao ngo jhao" dam: li" lo geri: ga: yao: bam re ta" ke' ra". Byu qe re: lo" byaug; ako".6 Ana" jhaung zug: Rehoboam wa yao: pho" Sholomun ta yao" qhid' kheim: bobo: lo: byin qham: khaung: mhao: qe we' qham: qu" mung: ce: byu qe re khoru: aphyid dam: byid: nae" naonhaung" ngo re7 pe" juyi byid: nug ko" ga: myid' ra". – Nao ai: byu qe re dao: cug dao: min ta" mung: yao: bam re myid myain myhain" byid' ru we' gai lho" dao: jhau: re wa yao: bam pyaid da du ni" jeim boe" zai ngaid: ga: yao: re8 juyi byid' ako". – Yao: wa khaung: mhao: ade, qe juyi byid' dao: macao" lo: yao" qhid' kheim: ye; jo, mung: yao: we' daga" qi" lo:9 zolau: qe we' qham: qu" mung: – Ce: byu qe wa ni" pho" ngonhaung" re vhin: ra" dao kang seim: nhao la, ga: ngo re mho' ko" ra" mathao yao: bam re ngo khoru: tug' mho nae" naonhaung" juyi byid: ge, ga: yao: bam re myid' ra".10 Alao" ai: zolau: zo: qe wa ni" pho" ngonhaung" re la" ra" dao kang vhin: lo va". Seim: nhao la, ga: mho' ra" mang: byu qe re nao wa nga" lo, nhaung: thao" wa nga" pho"11 phyid' dam: tho' je: qi" ra". – Nga" pho" wa naonhaung" adao la" ra" dao kang vhin: lo va". Ngo re: xo' vhin: shi: nae". Nga" pho" wa naonhaung" re qam thaung" yang be; ra". Ngo wa jo, to' gung gug' yang be, nae"12 ein: ta" wa, ga: mho: ako". – Jhaung zug: khyo" sam ba lai lao" ngo jhao" li" lo geri: ga: dang: ke' we' dakhyo: Yeroboam we' mang: byu qe ba na joe" yang: Rehoboam13 jhao" dam: li" ko" ra". – Jhaung zug: wa mang: byu qe re nug magyug: ga: ta" mung: khaung: mhao: agyi qe yao: re juyi14 byid' dao: lhaui" pye' mung: – Zolau: qe yao: re juyi byid' dao: cao" yang: nga" pho" naonhaung" vo; ra" dao kang la: vo; nhao va". Ngo ai: adao laung" ke' shi: nae". Nga" pho" naonhaung" re qam thaung" yang be; va". Ngo wa jo, to' gung gug' yang be, nae"15 ga: yao: bam re mho: ke' ra". – Jhaung zug: pho" mang: byu qe: dao: matae" gyo: ngaid: ra". Ai: akhyo wa Mo"so: yang Shilo byu Ahiya nhaid' khyo" Nebaid' yao: zo: Yeroboam re ta" to: va" dao: boe" dang: lo16 nae" tau: Mo"so: yang poe" ke' ra". – Israel byu qe alhab' yao: bam: dao: jhaung zug: magyo" ru ba gelao" yao: bam wa ngon- haung" Davi we' pe" tin" ru. Yese" yao: zo: mae ngonhaung" jao khae mabo. Israel qe we" khag' re: khag' zaung khyo dam: lo" ge, . Davi we" ni" yham re qu" ke' wa, wo" ga: jhaung zug: re mho mung: Israel qe wa yao: yao" zaung khyo dam: lo" ko"17 ra". – Ai qere: Yuda mang: khug mae" vo jham mae na: na ko" Israel byu qe: adao18 Rehoboam zug: shi" ra". – Ai au: jhaung zug: Rehoboam wa khang: khyui zug: Hadoram re nhao: ke' re Israel byu qe wa ai: yaug re laug baui: yang lham: pye' se' pye' ko" ra". Jhaung zug: Rehoboam re: Yerusalem: vo khyo phao: lo" nae" tau: yao"19 lhin" dao mye, tao" vao: ra". – Ai: mathao Israel amyu" qe ana" ba joe" sho' Davi boe: zug: nyhug vin mo, re tau: lhain: ko" ra".