1 Sheba jhaung zug: myhi" wa Sholomun hau" nhao" to" agin re the' gyo: lao" yao: re vai: sham" khyo" Yerusalem: mae li" jo" qu" nae" ga: bocao: li" mo, mo" thaui: bam we' nae pyo" ja: re: hhang myo: sho' we' laug nyug tho: li" ma dae myao: jham khyo" li" joe" ra". Sholomun jhao" joe" lao" yao" myid mae bo mae" bo jho" mang" jhau: keim"2 ra". – Sholomun wa ai: yaug myid' ra" dao: kheim: alhab' re qo" phyid: ra". Maqo" ba:3 ta" kyo" ra" khyo daja: re: majo, . – Sheba jhaung zug: myhi" wa Sholomun: ba jhao juyi re re: , yao: tau: yhe' to" yham re re: –4 Zo: gai" dao mae" zo: shaug' re re: , yao" sin: zo: qe zaung ko" ra" akhyo re re: , yao" daui mung qe ye; na ko" ru re re: , ve, mai bau: jham re re: , sabyi' khug' caung da" byid' na mo, we' yao: bam: ve, mai bau: re re: , Mo"so: pa" jhaung: yham do, lo" khyo dang re re: the' myao yang: yao" byo din:5 lae" byaug sho' ngaid mung: – Yao: wa nao kaid' mau" we' ni" juyi ba jhao: khyo nga" mang: mae" ngo the' gyo" hau" nhao" dao:6 wa dang: ra". – Ai qere: majoe" mamyao shi" re ai: dao: malam". Ana" kam" ni" juyi ba jhao: ru qi" qhang: ra" akhyo agaung: dano" lhao" ngo re mata" kyo: genhaung: . Ngo the' gyo" hau: dao: tho' nao je: ze:7 ava". – Ni" qhid' kheim: khyao za: ye; na mung: ni" juyi dao: the' gyo" na: mang: byu qe we' ni" mau" vin sin: zo: qe wa8 nga: lho" ako". – Nao re jhid' de, yang: ni" Mo"so: gaung tha" jhaung zug: poe" yang: yao" zaung tao" mae nao re zhaung: ra" ni" AsAng Mo"so wa nga: lho" na shao: wo". Ni" AsAng wa Israel re jhid' de, yang: pyaid da du gang" tang: jo, nhao yang: dang main" khyo" dao: phyid' nae" yao: nao re tao" zaung nhao: to" ava" ga: jhaung zug: re mho: ra".9 Ai mae" hhang talenta dayo: shid' xe , nae pyo" ja: myo: sho' we' laug nyug re re: jhaung zug: jhao" qhaug' ra". Sheba jhaung zug: myhi" jhaung zug: Sholomun re qhaug' ra" nae pyo" ja: thao phyao: majo,10 lo: . – Ophira mang: mae" hhang re tho: lo ko" Huram sin: zo: qe we' Sholomun sin: zo: qe wa Alagum sag' we' phug' de; laug11 re yu: lo byid' ako". – Jhaung zug: wa ai Alagum sag' yang Mo"so: yham we' yao" jhaung zug' yham lo, shaid jin , caung: nghaui" mo; tau: tang: we' khulhao: kaid' ra". Ai: ru" ja: Yuda mang: mae dalhang re:12 mamyao: qu". – Jhaung zug: Sholomun wa Sheba jhaung zug: myhi" re jhaung qhu" tug' ke' ru mae" je yang: jhaung zug: myhi" o ngaui: khyo: mho' mae: mho' byid' ra". Ai: thao jhaung zug: myhi" wa yao" sin: zo: qe we' daga" yao" mang: khyo dam: tug' lo" ra".13 Sholomun jhao" dazin re vao: ra" hhang talenta khyaug' yo: khyaug' xe: khyaug'14 joe: vao: ra". – Ai: tho' mae gaupai: mo, , gai aung: mo, , Arab jhaung zug: qe we' mang: zug: qere: hhang li" byid' ashi:15 ko". – Jhaung zug: Sholomun wa go hhang dalam: hhang talenta khyaug' yo yo bo: ru16 go hhang qi: shid' yo kaid' ra". – Go lung: ngai sam yo lam: , dalam: mae hhang sam joe: joe: bo: ra". Jhaung zug: wa ai jham re Lebanon seyo mae" sag' pye: yham17 khug mae ke' to" ra". – Jhaung zug: wa xao zaui: yang tao" myhao qi: kaid' mung: hhang gyang" yang shain" te' pye' ra". –18 Tao" myhao do, ye" ra" akham khyaug' kai" ngaid mung: tao" we' xo' to" khyid kai: jao: re: hhang: yang kaid' to" ra". Zaung jao: thoe shaid' ce shaid' lo, kai: jao: de, mung: ai: nhae mae lo:tin: shid' dau: yhe' to"19 ra". – Zam thao kham khyaug' kai" geim" thoe shaid' ce shaid' alhab' lo:tin: daxe: shid' dau: yhe' to" ra". Ai: ru" tao" myhao kho mang: mae re: makaid' qu" majo, . –20 Jhaung zug: Sholomun ke' shaug' ra" khug' alhab' hhang ngaid: . Lebanon kho" vang mae ci: ra" khug' jham alhab' re: hhang ngaid: . Sholomun ta ngaui re wa pe" shui21 manho ko". – Jhaung zug: wa Huram sin: zo: qe we' daga" Tarshi vo ye" lo" ra" qid lha mo" khyo" sam zin dalhang dam: tug' joe" lo mung: hhang , ngaui , xao zaui , myaug , daung: gyaug; jham yu: lo lo kaid'22 ko" ra". – Ai: re" khyo: Sholomun myid gaung: dao mae" jhaung zug: qe alhab' tho'23 jo, nho" we' juyi khyo je: ra". – Mo"so: yang Sholomun nhag' lam: khug ke' byid' ra" ba jhao juyi re qo" the' gyo: nae" tau: myid gaung: dao jhaung zug: qe alhab'24 yao: jhao" li" joe" ko" ra". – Li" lo mo, yaug khao: ngo" hhang khug' , ngaui khug' , ve, mai bau: , gye shae lhae , nae pyo" ja: myao: we' lo ze jham pin: to" we' dakhyo:25 zin qug: li" qhaug' byid' ako". – Sholomun wa myao: we' myao: lhin" to: jao: jhi byid taung lam: we' myao: jui: sin: zo: datug: shid' taung qo" ra". Lhin" jham zam" to" vomo" jham we' Yerusalem: jhaung zug'26 yham mae to" to" ra". – Yao: wa qid mo" lao mae" re Philisti mang: , Egutu mang: mug: kyo: joe" sho' jhaung zug: alhab' bam:27 adao mae zug' gam: to" ra". – Jhaung zug: pho" wa Yerusalem: vomo" mae ngaui re laug baui ru: , shaug' gae re: jao: dae mug: yaug; ra" pho' ham" gae ru: myo: nhao:28 ra". – Yao: bam wa Sholomun tau: mae" Egutu mang: we' mang: khao: ngo" mae" jui: myao: jham vai: yu: ako".29 Dang shi" Sholomun zaui: mau" aqhid athao lapa Nathain: ca: to" mhomyi: paug' we' Shilo: vo lapa Ahiya tung" paug' , Nebaid' yao: zo: Yeroboam akhyo lapa Ido myo, myhung" paug' mae tung" to" ra". –30 Sholomun Yerusalem: mae tao" zaung mung: Israel alhab' adao zin lam: byid xe byang" zug' gam: ra".31 Phug' pho" qe we' daga" yab pyo" lo" mung: pho" Davi vo mae nyhab' shaung: ke' qhug' va". Yao: zo: Rehoboam yao" atha" tao" zaung: ra".