1 Dam: Elisha wa lai: lo" va" yo, kao taui byid' qu" va" zoshao: yao: myhi" re khai mung: nao we' ni" yham byu qe we' daga" khai: mae ngaid qere: gai: ra" tau yekhug: na ge, . Pe" mung: ga" re Mo"so: yang vai" mo" khyo" ke' mung: ce:mang: geim" tau nhaid' zin lam: lam: bao" khug' mo" gyo"2 zai ngaid: ga: ta" peim" ra". – Ai: myiqe: wa Mo"so: byu: dao: tae" gyo: yang: yham byu qe we' daga" ye: mung: Philisti mang:3 tau nhaid' zin yena: ra". – Nhaid' zin lo" byang" au: Philisti mang: mae" dam: lo mung: yao" myid gaung we' yham qo yedam: mho' khyaid' yu nae" ga: jhaung4 zug: jhao" vao ye" ra". – Ai: ayo, jhaung zug: wa Mo"so: byu: daui mung su Gehazi' we' dao: jhau zo" Elisha kaid' ra" mau" zo" alhab' ngo re zhao: kyo" qu" shi: ga: mho:5 ra". – Alao" Gehazi' wa Elisha wa shid va" su re lhao" qo" taui: to" byid' ra" akhyo jhaung zug: jhao" ta" kyo" na: au: qu" wa, kao dam: taui: byid' qu" va" zoshao: yao: myhi" wa yao" yham we' myid gaung: akhyo jhaung zug: jhao" mho' vhao" na: ru mung: Gehazi' wa nga" jhaung zug: we" ce: myiqe: zo: wa ana" ta" na: myiqe: ngaid: . Ce: zoshao re: Elisha daui byid' ra"6 yao: zo: ngaid: ga: ta" kyo" ra". – Jhaung zug: pho" myiqe: re myid' qu" au: yao: re: sagso: kham: ra". Ai ru: mung: jhaung zug: wa yao" tau: ade, dayaug jaung: nha byid: mung: lai: lo" va" yo, yao: qo" mae: qo" we' yao: thug' lo" ba mae" ana" joe" sho' yao" yothaung: mae" qo" ra" qhovo: qhoshi: alhab' yao: re dam: qhaug' byid: ge, ga: amyin" kyo" to" ra".7 Dam: Elisha wa Damasku vomo" khyo ye joe" ra". Ai: au: Suri' jhaung zug: Benha- dab no: na: . Mo"so: byu ce mae joe" na:8 ga: yao: re zhao: kyo" ako". – Alao" jhaung zug: wa Hazaela re nao jhaung qhu" yu: vin mung: Mo"so: byu re yetug yang: ce: no: ru mae" ngo dam: qo" gai: to" lo nae" laug yao" nhaid' khyo" Mo"so jhao" myid' qu" wa,9 ga: mho: ke' ra". – Hazaela wa ye tug; yu nae" ga: Damasku mae" jo, nho" acao ajab re jhaung qhu" kaid' yang: ma dae myao: byid xe dau: mae tho mung: Elisha qhid' kheim: ye, yang: ni" zo: Suri' jhaung zug: Benhadab wa nao jhao" ngo re nhao: ke' mung: ce no: ru mae" dam: qo" to" nae" i" ga: li" myid: nhao: akhyo zhao: kyo" ra". –10 Elisha wa nao gai: qao" lo nae" ein: yao: re lo" ta" wa, . Ai qere: yao: dang dang shid nae" wa Mo"so: yang ngo re qhu" byid: va"11 ga: ta" ra". – Dam: Elisha wa Hazaela myo, nho qeim sho' yao: re zhaug' qu" mung:12 Mo"so: byu wa ngug byid thug' ra". – Ai ru: mung: Hazaela wa nga" asang we" pe" mung: nao ngug byid thug' ra" ga: myid' re yao: wa Israel zo: myid: qe: dao nao kaid' nae" ra" makhyang" mau" re ngo ba: na: . Yao: bam: gyetab jham nao ngha" pye' byid: zai ngaid: . Yao: bam: zolau: jham re shae: yang se' pye' nae" ngaid: . Yao: bam: zoshao jham re thaung" jab; se' pye' ru we' gaung la" ra" myiqe: jham re vae: dug; kho' pye'13 byid' li" nae" ga: mho: ra". – Alao" Hazaela wa ni" jeim wa lakha: angaid: ru ce qhi" qi" ra" mau" qo" kaid' nae" i" ga: myid' re Elisha wa nao Suri' mang: jhaung zug: boe" ru Mo"so: yang ngo re myhao" qhu"14 va" ga: ta" kyo" ra". – Hazaela wa Elisha mae" thug' lo" mung: yao" asang jhao" lo" joe" lao" asang wa Elisha nao re pe" lham: ta" shid' ra" khyo lham: myid' re yao: wa nao dang dang gai: li" nae" ga" ga: ngo re15 mho: ke' ga: lo" zhao: ra". – Thao: ne, kao Hazaela wa mai pho' dakhye' yu yang: qid tau jam: tag' yu mung: jhaung zug' myo, khung: nghoe' byid' ke' re jhaung zug: shid: byaug yang: Hazaela yao" gaung tha" tao" zaung: ra".16 Yohoshaphaid' Yuda mang: tao" zaung: au: re Israel jhaung zug: Ahab yao: zo: Yoram: tao" zaung ngo" zin re Yohoshaphaid' yao: zo: Yoram: wa Yuda17 mang: mae tao" zaung: qhid: ra". – Yao" kao sam xe: shid' zin: au: Yerusalem: vomo" mae jhaung zug: kaid' mung: she'18 zin zug' gam: ra". – Yao: wa Ahab' myiqe: zo: yu: ra" mathao Ahab' yham byu qe ru: Israel jhaung zug: qe: thao bocao mung: Mo"so: qhid' kheim: makhyang" mau"19 zaui" ra". – Ai qere: Mo"so wa yao" daui mung su Davi myo, nho qu" yang: yao" zo: myid: qe: qhid' kheim: mae khyao za: myi:dam bao: jo, shao: ga: yao: we' dao: so: to" to" ra" mathao Yuda mang: re maphyo' qheim".20 Ai: jhaung zug' ta re Edom byu qe Yuda jhaung zug: re tau: lhain: geyang: yao: bam: amyu" jhaung zug: to' ko" ra". –21 Alao" Yoram: wa yao" gye lhin" alhab' we' daga" Zaira vomo" khyo vao mung: yao: re li" lhang" kham" ko" Edom byu qe we' gye lhin" zug: qe re myi" ayo, qo" zin" aung mung: mang: byu qe yao: yao" zaung khyo22 phao: lo" ako". – Ai qere: Edom mang: wa ana" ba joe" Yuda jhaung zug: re tau: lhain" ra". Ai: ta re Libana re: tau: lhain"23 ra". – Yoram: kaid' lo: mau" dang shi" gu: we' yao: kaid' lo: khyo alhab' Yuda jhaung24 zug: mhomyi: tau tung" to" ra". – Yoram: wa phug' pho" qe we' daga" yab pyo" lo" mung: Davi vomo" tau phug' pho" qe we' daga" shaung: nyhab' ke' ru qhug' va". Yao" khu tau yao: zo: Ahazia tao" zaung: ra".25 Israel jhaung zug: Ahab' yao: zo: Yoram: tao" zaung: ru daxe: shid' zin au: Yuda jhaung zug: Yohoram: yao: zo: Ahazi26 tao" zaung: ra". – Yao" kao shid' xe: shid' zin ngaid: au: jhaung zug: kaid' mung: Yerusalem vomo" tau dazin zug' gam: ra". Yao: myhi" wa Israel jhaung zug: Omri yao:27 zo: Athalia ngaid: . – Ahazia wa Ahab' zo mo, ngaid: ra" mathao Ahab' boe: cao" ra" gau: bocao mung: Ahab' yham byu qe ru: Mo"so: qhid' kheim: makhyang" qobo28 mau" kaid' ako". – Ana" yao: wa Ramot- giled khyo Suri' jhaung zug: re se' nae" tau: Ahab' yao: zo: Yoram: we' daga" ye" lo" mung: Suri' byu qe: yang Yoram: re29 the' zao" pye' ko" ra". – Ai ru: mung: Suri' jhaung zug: Hazaela gye to" au: Suri' byu qe wa Rama jo, qo tau yao: re dae zai" te' pye' va" no dae pho byid: nae" tau: jhaung zug: Yoram: wa Yezarela vomo" khyo dam: lo" mung: yao: no: na: mathao Yoram: yao: zo: Yuda jhaung zug: Ahazia wa Ahab' yao: zo: Yoram: re ye qu" nae" ga: Yezarela vo khyo ye" lo" ra".