1 Ana" lapa: yao: zo: qe Elisha re qu" wa, ngonhaung" nao we' daga" na: jo, qo2 saung" lhae" ra". – Ngonhaung" Yodain: qid yae ye: mung: sag' vo: ye" yu yang: ai: tau na nae" jao: kaid' gelang: ga: mho' ako".3 Alao" yao: wa ye: ge, ga: ta" ra". – Dayaug wa asang nao re: ni" jeim ngonhaung" we' daga" ye: gelang: ga: khai: re yao: wa ye:4 zai ngaid: ga: ta" ra". – Yao: bam we' daga" cao yang: Yodain: lao joe" lao" sag' thau:5 ako". – Dayaug lam: sag' thau: na: re yao" vozaung: shoe: thug' li" mung: qid khug khyo vao lo" ra". Alao" yao: wa nga" asang we" mau" qug: va". Ai: vozaung: ngho" ci:6 ru angaid: ga: ta" ra". – Mo"so: byu wa khai: tau gyo" ra" ga: myid' re gyo" ra" jao: ceim" qhu" ra". Ai: lapa wa thao: kyao: xe" yu mung: ai: tau pye' zaui: ke' re ai: voza-7 ung: myung: do, li" ra". – Ana" xoe: yu se, ga: Elisha ta" ke' we' dakhyo: daui mung su wa lo, qang: ke' mung: xoe: yu: ra".8 Ai: ayo, Suri' jhaung zug: Israel mang: re gye se' na mung: ce jo, qo , thoe tau mae gyetab zhaug' gelang: ga: yao" sin: zo: qe9 we' qham: na: ra". – Mo"so: byu wa Israel jhaung zug: jhao" byu nhao mung: ce jo, qo , mho tau mae Suri' byu qe li" nae" seim" na veko" ru mung: ai: jo, qo re lha"10 na wa, ga: ta" peim" ke' ra". – Israel jhaung zug: re: Mo"so: byu ta" qhu" to" jo, qo khyo byu nhao: ke' mung: yao" gaung myo: sho' lhang gyevo: lo, mae" qo" lha" phao: loe;11 qu" va". – Ai: mathao Suri' jhaung zug: nhag' laung: na mung: yao" sin: zo: qe re khai: yu yang: Israel jhaung zug' thao khoyaug de; ru ngo re mata" kyo: lo: na:12 na ko" i" ga: myid' ra". – Yao" byu dayaug wa ai ru: mangaid: . Jhaung zug: we" nao asang: yab qe, tau ta" ra" dao: Israel mang: mae na: ra" lapa Elisha yang Israel re zhao:13 kyo: kyo: kaid' ra" ga: ta" kyo" ra". – Alao" jhaung zug: wa yao: khai: tau na: ru re ye jhug' qu" lo geri: . Yao: re cam" yu nae" tau: ngo nhao nae" ga: mho: re dayaug wa yao: Dotain vomo" mae na: ra" ga: zhao:14 ra". – Ai: vo khyo myao: jui: sin: zo: , lhin" jui: sin: zo: gye mo" thaui: nhao: ke' mung: myi" re ye joe" lhang" kham" to" ako". –15 Ana" ne, seim no' mae" Mo"so: byu wa to" mung: thug' ye" re qu" wa, myao: we' gye lhin" jham , gye mo" laha: bam ai: vomo" re lhang" kham" to: mung: yao" daui mung su wa are nga" asang we" ngo nhae khoru:16 kaid' nae" ga: myid' ra". – Elisha wa gaung dayug. Ngo nhae: thao de, mo, wa gyevo qe: thao bo mo, tho' je: myo" ra" ga: ta"17 ra". – Elisha wa Mo"so we" ce yaug qo" the' myao shao: yao" myo, phung" byid: la, ga: mho' ra". Alao" Mo"so: yang ai: daui mung su: myo, phung" byid: mung: yao: the' myao: ru wa Elisha avai: ayae dabam: geim" mae myi: myao: jham we' myi: lhin"18 jham jhaid' to, the' myao: ra". – Suri' byu qe joe" li" gelao" Elisha wa Mo"so we" ce bam: myo, mathe' myao nae" tau: tang jhid' pye' byid: la, ga: mho' ke' re Mo"so wa Elisha mho' we' dakhyo: tang: jhid' pye'19 byid' ra". – Elisha wa ce: gau: , ce: vomo" mangaid: . Ngo jhao"lam: cao" geri: . Naon- haung" qho: ra" yaug na: khyo ngo ceim" shid' nae" ga: ta" zo" Samari vomo" khyo dai" ke' ra".20 Yao: bam Samari vo khyo joe" gelao" Elisha wa Mo"so jhao" ce bam qo" the' myao geshao: yao: bam: myo, phung" byid: la, ga: mho' ra". Mho' we' dakhyo: Mo"so: yang myo, phung" byid: mung: yao: bam qu" ke' ko" re qu" ge, yao: bam Samari vo21 khug tau ngaid: na va". – Israel jhaung zug: yao: bam re the' myao lao" Elisha re nga" pho" we" ngo yao: bam re se' pye' zai22 i" ga: myid' ra". – Yao: wa nao yao: bam re magai: se'. Ni" shae , lhae , la: jham: yang qo" cam" yu mo, re gai: se' pye' nae" i"?. Yao: bam: zo: shaug' yu mung: yao: bam: asang jhao" dam: qo" lo" sho' cinmain" we'23 qid zho: jhaug' ke' ge, ga: ta" ra". – Alao" yao: re yao: bam wa gyai myo: sho' zho: jhaug' ke' mung: bin: zo: lao" peim" ke' ra". Yao: bam re: yao: bam: asang jhao" dam: lo" byaug; ako". Ai: thao Suri' tau: lhain: gye thaui: wa Israel mang: khug mavao lo: ko".24 Ai: thao Suri' jhaung zug: Benhadab wa yao" gye mo" thaui: khai: qham mung:25 Samari vomo" lhang" kham" to" ra". – Gyai myao" sho' kham" lhang" to" ra" mathao Samari mae bao" khug' mo" gyo" mung: myao: au: da au: ngaui she' xe we' phaung" kyug' kyaug' dadau: ngo" kye' aung" ako". –26 Israel jhaung zug: vokham" mae su" qin" au: myiqe: dayaug asang we" khyaid' yu la, ga:27 zag; yao: ra". – Jhaung zug: wa Mo"so nao re makhyaid' yu re ngo nao re gaug nao: jao: we' sabyi' pyag' gyain: mae" khoru:28 ba: khyaid' yu nae" ga: ta" ra". – Xo' yang: jhaung zug: wa nao pe" phau" na: ga: myiqe: re myid' re yao: wa ce: byin cao: myhi" ngo jhao" li" mung: ana" ba ngo nhae zo: nae" ni" zo: re phoe' wa,. Ne, mo" ba nga" zo:29 re zo: lang: – ga: ta" ra" mathao nga" zo: re jho' zo: va". Thao: ne, ngo wa zo: nae" tau: ni" zo: phoe' wa, ein: ngo yao: re ta" re yao: wa yao: zo: re nyham" pye' ra" ga: jhaung30 zug: re ta" kyo" ra". – Jhaung zug: wa ai: myiqe: ta" dao: the' gyo: lao" yao" bau: lao" caid' pye' ra". Yao: vokham" dao su" lhau: ngaid: ru mung: vobyu qe qu" ke' ko" re qu" wa, yao: jid: mo" bau: ve; ru the' myao:31 ako". – Alao" jhaung zug: wa Shaphaid' zo: Elisha au: lam: ngo ana" ba maqo" phyid' pye' re wa Mo"so je yang: ngo re qobo dae32 byid: shao: ga: ta" ra". – Elisha wa yao" yham tau na: na mung: lau: de, qe yao: we' daga" zaung: bam ko" ra". Jhaung zug' yang logyo: dayaug nhao: ke' mung: yao: majoe" shi" re Elisha wa byu se' yaug; yao: zo: ce yaug nga" au: lam: phyid' pye' nae" ga: joe" li" ru naonhaung" wa qo" ba ko" i". Ai: logyo: joe" lao" kham: pyid' pye' mung: kham: tau yao: re tam" to: ge, . Yao" asang: khyid su: thoe yao" thao mae bo: myang: li" mangaid: i"? ga: lau: de, qe re mho: ra". –33 Yao: ai bam we' dao: ajhau: na shi" re logyo: pho" yao: jhao" joe" li" mung: qu" wa, ce: qug: khai: kyin" nhaung" wa Mo"so mae" ngaid: ra" mathao ngo pe" ein yang: Mo"so re ba: nghae" na shi: nae" ga: ta" ra".