1 Ahazi yao: myhi" Athalia wa yao: zo: shid: ru myao lao" yao: to" mung: jhaung2 zug: boe: ba nam qe re se' pye' ra". – Ai qere: jhaung zug: Yoram: myiqe: zo: Ahazi yao: nhaung: Yehosheba wa se' tam: qhug' ra" jhaung zug' yao: zo: qe: gu: mae" Ahazi yao: zo: Yosha' re khug' jhui" yu mung: yao: we' yao: re caung gam yaug we' daga" yab qe, mae vho' nhao: to" ra". Ai mung: se' ru maqhug' sho' Athalia myo, le, mae"3 nyham" pye' ra". – Ai re" khyo: yao: wa yao: re caung su myiqe: we' daga" Mo"so: pa" jhaung: yham mae khyaug' zin vho' na mung: Athalia wa ai: mang: re zug' gam: ra".4 Nhaid' zin ein: zin re Yehoada wa gye dayo ug khaung: mhao: we' sin: zo: qe re khai: qham mung: Mo"so: yham khug khyo vhao" to" ra". Ai tho' mae yao: wa Mo"so: yham khug mae yao: bam we' dao: so: so" dang: to" ru we' jham tang" ru bin: kaid' thao jhaung zug: nau" re she: thug'5 qhu" ra". – Yehoada wa yao: bam re naon- haung" ceru: kaid' ge, . Dug no: ba lhaug' zaung" mo, sam mo, kho' yang: da phung:6 wa jhaung zug' yham lhaug' ge, . – Dam: damo, thaui: wa Sura kham: dung: zaung" ge, . Da phung: wa kham: dung: nhae mae" zaung" lhaug' mo; jo, qo tau lhaug' na mung: naonhaung" ai: pa" jhaung: yham re7 lhaug' gam: to: ge, . – Dug no: ba thug' ra" phung: sam phung: mae" shid' phung: wa jhaung zug: laung" na: pa" jhaung: yham8 lhang" gam: zaung" na ca" nae". – Khag' re: khag' yao: yaug yao" shae , lhae ci zo" jhaung zug: lhang" gam: zaung" na mung: vao mae: vao khag' re re: se' pye' ge, . Jhaung zug: vao thug' kaid' au: cao" lhaug' ge, ga: pin: to" ra".9 Ai re" khyo: khin jaung Yehoada pin: to" we' dakhyo: gye dayo ug ra" zug: qe wa zaui" cao" mung: dug no: ba vao thug' kaid' mo, yaug nyang re khai mung: khin jaung10 Yehoada jhao" jhui" lo: ako". – Khin jaung pho" wa pa" jhaung: yham mae na: ra" mo, jhao" Davi jhaung: zug: shae lhae we' go lung: jham re she: thug' mung: gye dayo ug: ra" zug' lo, mae qhaug' byid' ra". –11 Lhaug' zaung" mo, wa yao: yao" sin: ci zo" pa" jhaung: yham lo, yo mae" ru lo, vai: joe" sho' ngaui" phain we' jhaung: yham cao" yang: jhaung zug: pho" lhang" gam:12 ye; jin: na: ako". – Khin jaung pho" wa jhaung zug' yao: zo: re jhui" thug' mung: hhang lhugmaug zhaung: byid: zo" dao: thang: thang: yang: yao: re jhaung zug: poe" byid' ru we' xau gyain: byid' ru mung: yao: bam lo, pyo' pyo' au" jhaung zug: kao qhang myo, myi: shao: wo" ga: zag: hug' ko" ra".13 Athalia wa gye zo: qe we' mang: byu qe hau" nhao" na ko" thoe the' gyo: lao" byu qe na: ra" pa" jhaung: yham joe" li"14 mung: – jin" qu" ke' re jhaung zug: wa thung" we' dakhyo: zang nhae mae ye; jo, mung: yao" ayae tau gye zug: qe we' labo" maid mo, ngaid: ako". Mang: byu qe alhab' bam: re: ngaui bau" ru we' labo" maid: na: bam: . Alao" Athalia wa yao" ve, mai bau: lao" caid' pye' zo" tau: lhain: mo, wo" tau:15 lhain: mo, wo" ga: zag: hug' ra". – Khin jaung Yehoada wa jhaung zug' yham khug tau dase' ge, . Taung gaung she: thug' lo" mung: yao" thao bode, mo, khag' re ngaid qere: shae: yang se' pye' ge, ga: gye dayo ug; sin: thu mo" khaung: mhao: qe re16 mho: ke' ra". – Ai mung: ai bam wa yao: re jhaung zug' yham myao: jham vao: ra" khyo mae joe" lao" ai: tau yao: re se' pye' ko" ra".17 Ai: tho' mae" Yehoada wa jhaung zug: we' mang: byu qe wa Mo"so: byu boe" shao: ga: Mo"so we' dao: so: zhaug' tang: to: nhao: ra". Jhaung zug: we' mang: byu qe re18 re: dao: so: so" tang nhao: ra". – Mang: byu qe alhab' mo, Bala' yham khyo ye: mung: ye phyo' pye' ko" ra". Ngaui" phain we' sulho jham re re: jhaid' za: khyug' mhain" pye' mung: ngaui" phain qhid' au: tau Bala19 khin jaung Matain: re se' ako". – Ai tho' mae khin jaung Yehoada wa pa" jhaung: yham ug qe re jaung: nha bin thao gye dayo ug sin: thu , sin: zo: mang: byu qe alhab' re khai yang: yao: bam wa jhaung: zug: re pa" jhaung: yham mae" pang" jhui: mung: lhaug' zaung" mo, na: ra" khyo dang khyo" jhaung zug' yham tao" myhao mae zaung20 nhao ko" ra". – Mang: byu qe alhab' wa ngaui bau: ko" ru we' damang: dae geim" yaug yo: lo" ra". Yao: bam wa Athalia re jhaung zug' yham nhae mae shae: yang se' pye' veko".