1 Elisha wa Mo"so: dao: tae" gyo: ge, . Mo"so mho: ru wa ne, mo" ba ce yo, joe" lao" saungso phaui: dajid ngaui dakye' , mug'-yo" cin daphai" ngaui dakye' yang Samari vomo" kham: dung: tau aung:2 genae" ga: ta" ra". – Jhaung zug: apao" cao: ngaid: ra" khaung: mhao: pho" wa Mo"so wa mug: tho' tau bao: zo" kham: phung" to" re lao" ai: mau" boe" lo nae" i" ga: Mo"so: byu re ta" re Mo"so: byu wa qu" wa, nao wa ni" myo; yang qo" the' myao qere: maqhug' zo: nae" ga: ta" ra".3 Ai: au: ye, gyaid de; ra" byu byid zo: vomo" kham: dung: tau na: na ko" ra". Yao: bam wa ngonhaung" shid sho' pe"4 mung: ce tau za: ba: zaung: na nae". – Vo khug vao: ein: re ai: tau bao" khug' mo" gyo" yang: shid zai va". Ce tau za: zaung: na qere: shid; ru za: qhug' zai va". Ai ru: mung: Suri' gye thaui: khug vao gelang: se, . Yao: bam ngonhaung" re adaui nha: to" re daui nae". Se' lao" wa shid: pye' zai5 va" ga: jho" qham: ako". – Mug: mabo" shi: re yao: bam Suri' gye qe, khyo ye: mung: gyetab: qhid' kheim: joe" ko" re khag' re re:6 mathe' myao ko". – Pe" mung: ga" re Suri' byu qe re gye lhin" thoe re re: , myao: thoe re re: , ajham ataung amo" laha: hau" nao" thoe the' gyo: nhao: ke' ru mung: yao: bam wa qu" ge, Israel jhaung zug: ngonhaung" re se' nae" tau: Hiti mang: zug: jham , Egutu zug: jham re ngho" yu veko" ga: yao:7 cao: jho" ta" lhaung yang: – mug: mabo" shi: re to" mung: yao: bam: zaung jham , myao: jham alhab' to" pye' co' mung: yao: bam: kao loe, sho' ga: phao: lo" veko". –8 Ye, gyaid de, mo, wa gyetab qhid' kheim: joe" lao" zaung dazaung tau vao yang: zo: shaug' mung: ai: tau mae" hhang , ngaui , ve, mai bau: yu: ci yang: ye nyham" to: ko" ra". Ai: thao getau dazaung khyo re: vao yang: zai jham yu: ci yang: ye nyham"9 to: ko" ra". – Ai: thao yao: bam wa ngon- haung" kaid' ru magai. Ana" ba wa lau dao: gai hau: nae" ba angaid: ru nyhao: sae za: ana geli" nhaung. Mug: bo" sho' lao" na: ngaid: re akyin" anhaung" qhug' zai ngaid: . Ai ru: mung: kho" vang byu qe re lo" ta"10 kyo: gelang: ga: yao: cao: qham: ako". – Ai ru: yao: bam wa vokham: zaung" mo, re ye khai mung: ngonhaung" Suri' byu qe: gye qe, khyo ye joe" va". Byu dayaug re: mana. Byu thoe re: magyo: . Myao: , jham za: taui" to: ko" ru mung: zaung jham re: ai ru: yao: ngaid: ashi" ga: yao: bam re lo"11 kyo: ko" ra". – Kham: zaung" yaug re: byin cao: qe re khai yang: yao: bam: kho" vang12 yham khyo lo" kyo: ko" ra". – Alao" jhaung zug: mug: mabo" shi" re to" mung: yao" sin: zo: qe re Suri' byu qe kaid' nug; khyo gau: ngo ceim" qhu" nae". Nyhao: moe, phau" na: ru yao: bam ba: . Ai: mathao yao: bam: gye qe, khug mae" phao: qui: mung: seyo tau khug' vho' na zo" Israel byu qe vo khug mae" thug' shao" lao" yao: bam re adaui cam" yu mung: vo khug vao gelang:13 ga: mho gezai ngaid: ga: ta" kyo" ra". – Ai qere: yao" byu dayaug wa vo khug tau dang shi" myao: mae" ngo" dau: byid' ke' la, . Ai: myao: jham wa vo tau dang shi" Israel mo, mo" byu we' re: , byo; qeim qhug' va" Israel mo, mo" thaui: we' re: dau ko" mathao ai14 bam we' ye" qu" gelang: ga: mho: ra". – Ai ru: mung: yao: bam wa myao: we' myao: lhin" shid' lam: yu: ako". Jhaung zug: re: ye" qu" ge, ga: Suri' byu qe jhao" cao" nhao:15 ra". – Yodain: qid lao joe" sho' cao" ye: mung: Suri' byu qe phao so' kho' geyang: shepye' to: co' va" bau: we' zai atung: atid jham khyo cao" yang: bam: zao: jo; ga: logyo: qere: dam: tug' lo yang: jhaung zug: re lozhao: kyo" ako".16 Alao" vobyu qe thug' lo mung: Suri' gyetab phyo' pye' byid' ako". Ai ru: Mo"so: dao: we' dakhyo: saungso phaui: dajid ngaui dakye' , mug-yo" cin daphai" re17 ngaui dakye' yang aung" ako". – Jhaung zug: wa yao" apao" cao: khaung: mhao: re vomo" kham: lhaug' nhao co' ra". Vobyu qe vomo" kham: dung: tau yao: re zab: pye" to: co' ko" ru mung: jhaung zug: wa Mo"so: byu jhao" gyo" lo" re yao: lham:18 ta" we' dakhyo: shid: byaug; ra". – Ai ru: mung: Mo"so: byu: yang ne, kao ce yo, re Samari vokham" kham: dung: tau mug-yo" cin daphai" ngaui dakye' , saungso phaui: dajid ngaui dakye' yang aung" li" genae" ga: jhaung zug: re mho: kyo" we' dakhyo:19 boe" dang: lo: ra". – Khaung: mhao: pho" re: qu" wa, Mo"so: yang mug: gaung: bao: zo" kham: phung" to" re lhao" ai ru: boe" nae" i" ga: Mo"so: byu re ta" au: ai: yaug wa nao ni" myo; yang qo" the' myao qere:20 mathe' zo: nae" ga: ta" we' dakhyo: – ai: khaung: mhao: pho" mae boe" dang: lo: ra". Pe" mung: ga" re vo khug mae" byu qe vomo" kham: dung: tau yao: re zab; pye" se' pye' veko".