1 Mo"so: yang Elia re la dao khyo" mug: gaung khyo jhui" to' yu nae" yo, jhao" lo: re Elia wa Elisha we' daga" Giligala vomo"2 khyo ye" ra". – Elia wa Elisha re nao ce tau na co' shi: wa, . Mo"so ngo re Bethela' joe" sho' nhao: ke' ra" ga: mho: ra". Elisha wa Mo"so daui: na: ru mung: ni" kao re: daui: na: we' dakhyo: ngo nao we' magao: nae" ga: ta" yang: yao: shid' yaug; geim" Bethela'3 vomo" khyo ye" ako". – Ai: vo mae na: ra" lapa nau" qe wa Elisha re tug; yu ga: thug' lo gemung: Mo"so ana" ba ni" asang re nao mae" kao" yu: pye' naeva" khyo re wa qo" ba va" i"? ga: myid' re yao: wa ngo ba: na: ,4 sae za: na ge, ga: dam: ta" ra". – Elia wa Elisha we" ce tau na co' se, . Mo"so ngo re Yerikho" khyo nhao: ra" ga: dam: mho: re Elisha wa Mo"so daui: na: ru mung: ni" kao re: daui: na: we' dakhyo: ngo nao we' magao: nae" ga: dam: ta" yang: yao: shid'5 zo" geim" Yerikho" khyo ye" lo" ako". – Ai: vo mae na: lapa qe Elisha jhao" li" mung: Mo"so: yang ana" ba ni" asang re nao mae" kao" yu: pye' naeva" khyo re ba: i" ga: myid: ko" re yao: wa ngo ba: na: , sae za:6 na ge, ga: ta" ra". – Elia re: ce tau na co' se, . Mo"so ngo re Yodain: lao khyo nhao: ra" ga: dam: mho: re Elisha wa Mo"so daui: na: ru mung: ni" kao re: daui: na: we' dakhyo: ngo nao we' magao: nae" ga: ta" yang: yao: shid' zo: daga" ye" lo" ako". –7 Lapa nau" qe ngo" xe zo: va: mae" ye qu" nae" ga: ye joe" bam: ako". Yao: shid' zo:8 Yodain: lao yae mae ye; na: ako". – Elia wa yao" bau: qhang yu: dang: mung: qid re be, yang: qid lin: byid: lo" ra". Ai: mae yao: nhae myid gaung khyo" gau" de; lo"9 ako". – Qid gau" de, thao Elia wa Elisha re ngo nao we' magao: shi: re nao re pe" byid: nae" ru mho' la, ga: ta" re Elisha wa ni" solo qam: mo" shid' nho" nga" adao mae10 jo, shao: ga: mho' ra". – Alao" Elia wa nao qo" qug' ja: mho' ra". Nao we' ngo va: lin: lo" ru the' myao lao" qo" nae". Ai mangaid:11 re wa maqo" nae" ga: ta" ra". – Ai ru: jho" ta" au" na zo" ye" lo" na: re myi: lhin" we' myi: myao: thug' lo mung: ai shid' zo: re jho" kho' pye' yang: Elia wa la lhang" thaui"12 yang mug: tho' khyo do, lo" ra". – Elisha ai re the' myao lao" nga" pho" we" nga" pho" we" Israel myao: jham ngaid nhaung i" ga: zag: hug' qere: thao re Elia jhao" mathe' myao lo: . Yao" bau: re shid' tam" kaid'13 yang: lao" caid' pye' ra". – O khyo gyo" lo:14 Elia bau: re gaug; yu mung: lo" ra". – Ai mae" Yodain: lao dang" kam" tau lo" ye; na mung: qid re bau: qhang: yang be, zo" Elia: Mo"so khomae ngaid: ga: ta" ra". Qid re be; ke' au: qid wa go; lin: lo" mung: Elisha gau" lo" ra".15 Dau" te' mae ngaid: ra" Yerikho" vo mae" lapa qe wa yao: re myao lao" Elia: solo Elisha adao mae bo va" ga: yang: tug nae" tau: ye: mung: yao" qhid' au: myid16 mae gam" goe; ako". – Yao: bam wa ni" jeim ngonhaung" mae qam: bo: ra" byu ngo" xe na: . Yao: bam ni" asang re yeqho geshao: akhang" byid: la, . Mo"so: Solo: yang yao: re jhui" lo" mung: bam dao da jo, qo qo tau mangaid: lao" lao: khaung: tau a lo" khyo" to" laug ga: mho' re yao: wa17 daye: qho ge, ga: tam" ra". – Ai qere: yao: qam: nang: sho' maqaid maqui" mho' ko" re Elisha wa ye qho ge, ga: ta" ke' ra". Yao: bam: byu ngo" xe zo: nhao: ke' mung: ai bam wa sam ba lam: lam: qho geyang: re:18 yao: re mathe' myao ko". – Elisha Yerikho" tau thang: na shi" yo, yao: bam yao: jhao" dam: lo: au: yao: wa ngo daye" qho ge, ein: ta" va" mhao" ga: ta" ra".19 Ai: vomo" byu qe wa Elisha re nao asang myao: we' dakhyo: ce:vo wa pyo" ra". Ai qere: qid magai myid gaung re: no shaid' shaid' pye' pye' boe" nhao: ra" ga: ta"20 ako". – Elisha wa yae: dalam: tau xo: ke' mung: yu: li" geri: ga: ta" ke' yang: yu: li"21 ako". – Ailao" yao: wa qid baug; khyo ye: mung: ai: mae xo: ke' yang: Mo"so mho: ra" Ngo ai: qid re myho' nhao va". Thao re shid: ru , no shaid' shaid' ru maboe" nae"22 ga: ta" ra". – Elisha ai ru: ga: mho: we' dakhyo: ai: qid ana" ba joe" myho' ra". –23 Ai: vo mae" Bethela' khyo gyaung: dam: xo' su" lo" au: vo mae" zolau: qe thug' lo mung: yao: re gaui yang: au: pyaid' we" do, wa, . Au: pyaid' we" do, wa, ga: ta" ako". –24 Elisha lhang: qu" ke' mung: yao: bam re jin" qu" zo" Mo"so: mang khyo" nhang" pye' ra". Ai: mathao vae zang shid' dau: seyo mae" thug' lo mung: zolau: byid xe:25 shid' yaug li" bin" se' pye' ra". – Ai: vomo" mae" Karamela bam khyo re: ai mae" Samari vomo" khyo re: su" qin" ra".