1 Ahab' shid thao Mo"ba' byu qe Israel jhaung zug: re tau: lhain" ako".2 Ahazia wa Samari mae jo; ra" yao" yham atho' qe, bao: zo: kham: mae" byid: gyo" yang: no: na: ra". Ai: yo, yao: logyo: nhao: ke' mung: Ejhung: vomo" mae" Bala- zebu' so re ngo no: ru mae" qo" gai nae"3 la, yemyid: wa, ga: pin: ke' ra". – Mo"so: mug: logyo: wa Tishabi' vobyu Elia re Samari jhaung zug: nhao: ke' ra" logyo: qe re tug nae" tau: to" ye: wa, . Are Israel mang: mae Mo"so mana yang: Ejhung: vo mae" so Balazebu' jhao" yemyid: ca"4 i"?. – Ai mung: Mo"so mho: ru wa nao lang" na: yab jaung: mae" nao qo" gyo" lo: nae" mangaid: . Dang dang shid zai va" ein: yao: bam re lham: ta" wa, ga: mho: ru we' dakhyo: Elia ye" lo" ra".5 Logyo: qe yao: jhao" dam: lo: au: jhaung zug: wa pe" mung: ana" dam: tug' lo ko" ga:6 myid' re yao: bam wa – byu dayaug ngon- haung" re lham: tug; yu mung: naonhaung" re nhao: ke' ra" jhaung zug: jhao" dam: lo" ge, . Mo"so mho: ru wa Israel mang: mae Mo"so mana: ru mung: Ejhung: so Bala- zebu' jhao" yemyid: ko" i"? Ai ru: mung: nao ana" lang" jo; jaung: mae" maqo" gyo" lo: nae". Dang dang shid nae" ga: li" ta" ra"7 akhyo zhao: kyo" ako". – Jhaung zug: wa naonhaung" re tug; yu mung: ai ru: ga: ta"8 su pe" ru" yaug ngaid: ga: myid' re – yao: bam wa ai: yaug wa shomug' gyai yaug mung: shoqid phyid' cui: cui: su ngaid: ra" ga: zhao: kyo" ako". Jhaung zug: wa ai: yaug Tishabi' vobyu Elia ngaid va" ga: ta" ra".9 Jhaung zug: wa sin: zo: ngo" xe ug; ra" zug: re yao" byu qe we' daga" nhao: ke' ra". Yao: Elia jhao" yejoe" yang: Elia wa bug gaung mae zaung: jo; ra". Mo"so: byu we" jhaung zug: mho: re gyo" lo wa, ga"10 ga: ta" ra". – Alao" Elia wa ngo Mo"so: byu dang: ngaid: re mug: tho' mae" myi: gyo" lo yang: nao we' ni" byu ngo" xe yaug geim" re ngha" pye' shao: ga: zug: ai: yaug re ta" ke' we' mug: tho' mae" myi: gyo" yang: yao: we' yao" byu ngo" xe yaug nga" pye'11 ko" ra". – Dam: jhaung zug: wa sin: zo: ngo" xe ug; yaug we' yao" byu qe re nhao: ke' ra". Ai: yaug re: Elia re Mo"so: byu we" jhaung zug: ta" ra" , mye, gyo" lo wa, ga"12 ga: ta" ra". – Elia wa ngo Mo"so: byu dang: ngaid: re mug: tho' mae" myi: gyo" mung: nao we' ni" byu ngo" xe yaug re nga" byaug shao: ga: mho: ke' we' Mo"so: myi: mug: tho' mae" gyo" lo yang: ai: yaug we' yao: mae bo: li" byu ngo" xe yaug nga" pye'13 ra". – Jhaung zug: wa sam lhang ein: lhang byu ngo" xe ug; zug: we' sin: zo: ngo" xe zo: re dam: nhao: ra". Ai: yaug do, lo" yang: Elia qhid' au: mae paid' thaug' thaug' zo" Mo"so: byu we" nga" kao we' ce: byu ngo" xe yaug kao re phug' te' yu byid: la, . –14 Mug: tho' mae" myi: gyo" mung: zug: shid' zo: we' yao: tao mae bobo: sin: zo: dayo ngha" pye' qere: nga" kao re phug' te' yu15 la, ga: mho' yao: ra". – Mo"so: mug: logyo: wa yao: we' daga" gyo" lo" wa, . Yao: re dagyaug ga: mho: ru we' dakhyo: yao: to" mung: ai: gye zug: we' daga" jhaung zug:16 jhao" vao ye" ra". – Ai: au: Elia wa jhaung zug: re Mo"so mho: ra". Israel mang: mae mung dao: myid: nae" Mo"so mana yang: Ejhung: vo mae" Balazebu' so re dao: myid: nae" tau: logyo: nhao: ke' i"? Ai ru: mung: nao lang" na: yab jaung: mae" qo" gyo" nae" mangaid: lo: . Dang dang shid naeva" ga: ta" ra" ga: zhao: kyo" ra".17 Elia mho: ra" Mo"so: dao: we' dakhyo: jhaung zug: shid: lo" mung: zo: maqo" ra" mathao yao: nhaung: Yoram wa Yuda jhaung zug: Yohoshaphaid' yao: zo: Yohoram: tao" zaung: ru shid' zin re tao"18 do; ra". – Ahazia akhyo yao: kaid' lai: lo: mau" alhab' gu: Israel jhaung zug: mhomyi: mae tung" xam" to" ra".