1 Yehoakim ta Babilon jhaung zug: Nebukhaneza: gye se' vao lo mung: Yehoa- kim sam zin yao" jeim boe" yang: nhag' lam: phaug' lhag' ru we' yao: re tau: lhain"2 ra". – Mo"so: yang yao" daui mung su lapa qe: nhaid' khyo" ta" to" we' dakhyo: Yuda mang: re phyo' nae" tau: Khalade" gye thaui: , Suri' gye thaui: , Mo"ba' gye thaui: we' Amon gye thaui: jham re gye se'3 nhao: ke' ra". – Manashe: kaid' ra" qobo alhab' we' qobo mabo mo; sa: re seim: pye' mung: Yerusalem vomo" re qobo mabo:4 sa: byang" to; mathao – Mo"so: yang ai: qobo makhyaid' byid: nug: ru mung: Yuda amyu" re yao" myo, le, mae" sham" pye' nae" ga: Mo"so pin: to" we' dakhyo: ce:5 gin boe" thug' lo: ra". – Yehoakim zaui: so" lo: dang shi" yao" lo, mau" jham re Yuda jhaung zug: mhomyi: paug' mae tung"6 xam" to" ra". – Yehoakim wa phug' pho" qe we' daga" yab pyo" lo" mung: yao: zo: Yekhoakhim yao" atha" tao" zaung: ra". –7 Ai: ayo, mae" Egutu jhaung zug: wa yao" mang: din" khug mae" maqo" thug' lo lo: . Pe" mung: ga" re Egutu jhaung zug: ug: ra" alhab' re Egutu qid gyaung: mae" Uphared' qid mo" lao joe" sho' Babilon jhaung zug: lhaid' yu: pye' yang: ngaid: .8 Yehoakhin kao daxe: she' zin: au: tao" zaung: qhid mung: Yerusalem vomo" mae lho" sam khye' ug: ra". Yao: myhi" wa Yeru- salem vobyu Elanatain zomyi: zo: Nehu-9 tha ngaid: . – Yao: wa yao: pho" zaui" ru: Mo"so: qhid' kheim: qobo mau" zaui: so" ra".10 Ai: ta Babilon: jhaung zug: Nebukhane- za: sin: zo: qe wa Yerusalem vao: se' mung:11 lhang" kham" to" ako". – Babilon: jhaung zug: Nebukhaneza" sin: zo: qe wa ai: vomo" re lhang" kham" to: shi" re yao:12 yao: li" qhug' mung: – Yuda jhaung zug: Yehoakhin wa Babilon: jhaung zug: re ye tug nae" ga: yao: we' yao: myhi" , sin: zo: qe , yao" khaung: mhao: qe we' jhaung zug' yao: zo: qe daga" thug' ye: ko" re Babilon: jhaung zug: wa yao: tao" zaung she' zin:13 au: yao: re taung" pye' ra". – Mo"so mho: to: va" we' dakhyo: yao: wa pa" jhaung: yham ngaui bain" mae" zai alhab' re re: , jhaung zug' yham ngaui jhi mae" jo, nho" re re: lhaid' yu mung: pa" jhaung: yham tau: mae" Israel jhaung zug: Sholomun kaid' to" ra" hhang khug' jham re re: be; khyoe'14 pye' ra". – Yerusalem vobyu alhab' re re: , jhaung zug: nau" qe alhab' we' gye se' qam: bo su datug re re: , lam ga" mo, we' khyag' mathaid' mo, alhab' re re: sham" taung" lo" mung: ai: mang: mae" sho: jhin: thao" mo, mae" lai yang: getau khag' re lhao" matang"15 to: co'. – Yehoakhin re re: , jhaung zug' yao: myhi" we' jhaung zug' myi: qe re re: , khaung: mhao: qe we' agyi qe re re: Yeru- salem vomo" mae" Babilon: vomo" khyo16 taung" lo" yang: jeim toe' pye' ra". – Gye se' qae: qam: bo khye' lhe' ra" byu nhaid' taung we' ve, vin lam ga" ra" mo, dataung re re: Babilon jhaung zug: wa Yerusalem mae" sham" tai: lo: ra".17 Babilon: jhaung zug: wa Yehoakhin yao: gain Matania re Yehoakhin atha" jhaung zug: poe" nhao: ra". Yao" mang re Zedekia18 ga: tha" mhang" byid' ra". – Zedekia kao shid' xe: dazin au: tao" zaung: qhid mung: Yerusalem vomo" mae daxe: dazin ug: gam: ra". Yao: myhi" wa Libana vobyu Yeremia19 myiqe: zo: Hamutala ngaid: ra". – Yao: wa Yehoakim zaui: so" lo: ru: Mo"so: qhid' kheim: makhyang" qobo mau" zaui: so"20 ra". – Mo"so: yang Yerusalem vomo" we' Yuda mang: re yao" myo, le, mae" va: pye' ra" ba joe" sho' nhag' yo" na: ra" mathao ce: mau" boe" thug' lo: ra". Zedekia re: Babi- lon: jhaung zug: re tau: lhain" ra".