1 Ahab' yao: zo: yaug gai nau" qe nhaid' xe Samari vomo" mae na: na ko" ra". Ai: mathao Yehu wa Samari mae" Yezarela yham re ug; ra" agyi qe we' Ahab' yao: zo: qe re qu" gam: na mo, jhao" tung" khye'2 tung" vhin: ke' ra". – Vhin tung" khye' mae naonhaung" asang: yao: zo: qe re: , gye lhin" we' myao: jham re: , vokham" kyae" ra" vo jham we' shae lhae jham re: , naonhaung" tau: ngaid: na shi" mathao3 ce: tung" khye' qo" yu lao" – naonhaung" asang: zo: qe mae" je: gai: ru we' je: khye' ra" yaug re khyin: thug' mung: yao: pho" tao" mae zaung nhao yang: naonhaung" asang: amyu" tau: mae" gye lham: khaid'4 ge, ga: tung" pin: ke' ra". – Yao: bam gyai gyaug; nin" zo" jhaung zug: shid' zo: lao" yao" qhid' kheim: maqo" ye; jo, ko" ru nyhao: khoru: qo" ye; jo, nae" ga: jho"5 mho ko" ra". – Kho" vang ug , vo zug: , khaung: mhao: qe we' Ahab' yao: zo: bam re caung: na ko" mo, re: Yehu jhao" ngon- haung" wa ni" jeim qe ngaid: . Nao ngon- haung" re mho: khyo: ngonhaung" kaid' nae". Khag' re re: ngonhaung" jhaung zug: poe" yu zai mangaid: . Nao o: khyo: kaid'6 wa, ga: dam: tung" vhin: ke' ako". – Alao" Yehu wa naonhaung" nga" byu boe" mung: nga" dao: gyo: lao" naonhaung" asang: yao: zo: qe: au: lam: ci mung: Yezarela ngo na: khyo ne, mo" ba ce yo, re yu: li" geri: ga: tung" khye' vhin: ke' ra". Jhaung zug' yao: zo: qe nhaid' xe yaug wa vo ade, qe , yao: bam re jhui" caung: lo mo, we' daga" na:7 ako". – Ai: tung" khye' joe" lao" yao: bam wa jhaung zug' yao: zo: nhaid' xe yaug re taung" se' pye' mung: au: lam: jham re gyain khug ke' yang: Yezarela Yehu na:8 khyo vhin: ke' ako". – Logyo: dayaug yao: bam jhaung zug: nau" qe: au: lam: jham re yu: li" aveko" ga: lo" vao: ta" kyo" re yao: wa vo kham: dung: tau ne, kao joe" sho' shid' bam khyo" yang: bam: to: ge, ga:9 mho: ke' ra". – Thao: ne, kao Yehu yethug' ye, mung: volo byu alhab' re naonhaung" dang main: mo, ngaid: ako". Ngo wa nga" asang re tau: lhain: yang: se' pye' va". Ce10 nho" gu: re wa khag' se' pye' ru. – Mo"so Ahab' amyu" qe re ta" to" ra" dao: kheim: alhab' mae" dalam: lao" seim zai mangaid: ba: ci ge, . Mo"so wa yao" daui mung su Elia nhaid' thoe khyo" hau" to: va" dao: kheim: we' dakhyo: kaid' ava" ga: mho:11 ra". – Yehu wa Yezarela vomo" mae dang shi" Ahab' amyu" gu: we' yao" agyi qe , ba nam qe , khin jaung qe re dayaug lao" madang sho' jhaid' za: se' pye' ra".12 Ai: thao yao: to" mung: Samari khyo lo" ra". Khyo yae tau jo; ra" yao zam: mo;13 yao mug' qaug yham joe" lao" – Yehu wa Yuda jhaung zug: zo: Ahazi mao: nhaung: bam we' qhug' lao" naonhaung" khag' bam ngaid ko" ga: myid' re yao: bam wa Ahazi mao: nhaung: qe ngaid: wo". Jhaung zug: myid: qe we' jhaung zug: myhi" zo: dau qe re yeqhug' nae" ein: gyo" li" lo: bam:14 ga: lham: mho: ako". – Alao" Yehu wa a daui taung" yu ge, ga: amyin" khyo" ke' va" mathao yao: bam re a daui taung" yu mung: yao mug' qaug mo; yham dung: nhae tau byu lam: byid xe: shid' yaug dayaug lhao" madang se' pye' ko" ra".15 Ai mae" thug' lo: re yao: re tug; yu nae" ga: su" thug' lo: ra" Rekhab' yao: zo: Yehonadab we' qhug' mung: nga" nhag' lam: ni" nhag' lam: we' dakhe' za: ngaid: we' dakhyo: ni" nhag' lam: re: ngaid: na: i" ga: bang" lham: se" zo" myid' ke' ra". Yehonadab wa dakhyo: za: ngaid: ga: tug' mho: ra". Yehu wa aru lao" kam" lo, zaui: zaui: lang: ga: mho: ra". Alao" yao: wa yao: we' lo, zaui" xo' zo" Yehu yao: re lhin" dao16 jhui" jui: mung: – nga" thao cao" la, . Ngo wa Mo"so: khyo khoqhi" kao bau qam: qi" ru li" qu" ri: ga: yao" lhin" dao jui: nhao:17 ra". – Samari lo" joe" lao" Elia nhaid' khyo" Mo"so ta" to" dao: kheim: we' dakhyo: yao: wa Samari vomo" tau dang shi" Ahab' boe: amyu" alhab' re jhaid' jhaid' se' tam" pye' ra".18 Dam: Yehu wa mang: byu qe re khai: qham: to: mung: Ahab' wa Bala' gyoe mavai" za: pa" kug' qere: ngo Yehu wa gyai19 pa" kug' nae". – Ai: mathao Bala' lapa qe , yao: re pa" kug' mo, , yao" khin jaung qe alhab' re khai: lo ge, . Dayaug lao" datang" to: ge, . Ngo Bala' re xeim: mo" ngaui" byid: nae" ru mung: mabo: bo mo, khag' re: qo" daui: na genae" mangaid: ga: yao: bam re ta" qere: Bala' pa" kug' mo, alhab' re qo"20 se' pye' sho' ga: mhai" ru ngaid: . – Bala' so tau: mae" shao lho" poe kaid' ge, ga: amyin" hau" nhao" ke' we' dakhyo: yao: bam zaui:21 so: ko" ra". – Yehu wa ai ru: mung: Israel mang: ngae sho' khai: zhag' ra". Bala' so pa" kug' mo, khag' lao" madang li" bobo ko" ra". Yao: bam Bala' jung yham khug vao mung: Bala' yham jao: kheim: byang"22 to, sho' ngaid: . – Yehu wa Bala re pa" kug mo, alhab' bam: tau: ve, mai bau: she: thug' byid: ge, ga: zai zam: re pin: to" we' dakhyo:23 she: thug' byid' ra". – Ai mae" Yehu we' Rekhab' yao: zo: Yehunadab Bala' yham khug vao mung: Bala' pa" kug' ra" mo, mae Mo"so re pa" kug' mo, dayaug re: mabo lo: sho' gelho: cao" ca" qu" ge, ga: Bala' pa"24 mo, re ta" ra". – Yao: tao wa ngaui" xeim: we' phaid' ngaui" xeim: ngaui" nae" tau: akhug vao: ako". Yehu wa Bala yham taung gaung tau byu lam: she' xe nha: to: mung: ngo naonhaung" lo, tau qhaug' byid' ke' byu qe: gu: mae" dayaug daqo: zai" nhao: pye' re zai" nhao: ke' su wa ai: yaug: atha" kao seim nae" ga: amyin" khyo" to" ra".25 Ana" phaid' ngaui" xeim: bin: ngaui" lao" Yehu wa lhaug' zaung" mo, we' zug: qe re vao: se' pye' ge, se, . Dayaug lhao" magai: lhoe' ke' nae" ga: mho: we' dakhyo: yao: bam re shae: yang qam" se' pye' mung: mao gaung jham taung gaung khyo she: thug' yang: Bala' yham akhug qe, vao26 mung: – qe, khug mae" Bala' lho jham re be; khyoe' mhain" pye' yang: ngha" pye'27 ko" ra". – Bala' yham re re: , Bala' sulho we' zang jham re re: phyo' mhain" pye' ko" ru mung: ana" ba joe" ngha ye: zaung kaid'28 pye' ako". – Ai re" khyo: Yehu yang Israel damang" geim" mae" Bala' jham re jhaid'29 za: tam" kyang" pye' ra". – Ai qere: Israel qe re shaid' nghung: nhao: ra" Nebaid' yao: zo: Yeroboam wa Bethela' we' Dain: vo mae to" to" ra" hhang nung: nau" lho jham re pa" kug' nae" khyo Yehu yao: jao" lha" ru mangaid: .30 Mo"so: yang Yehu re nao Nga" qhid' au: dang main: khyo: cao" kaid' va" ru we' Ngo o ngaui: khyo: Ahab' yham khaung: gu: mae zaui" kyab' va" mathao ni" zo: myid: byid bang: joe" sho' Israel tao" mae31 the' zaung: na genae" ga: mho: ra". – Ai qere: Yehu wa Israel Mo"so: tarha" gau: khyo malam: lai: macao". Israel byu qe re shaid' nghung" nhao: Yeroboam" ave,32 majao" malha" ngaid: ra". – Ai: ayo, Mo"so wa Israel mang: din" gae: qhid: lo va". Ai: mathao Hazaela wa Israel mug: kyo: cao"33 mung: – Yodain: lao ba thug' shaid' mae" Gilaid' mang: Gaid' , Rubin: , Manashe: mang: ngaid: ra" Anon: jao: dae mug: na: ra" Aro vomo" mae" Gilaid' we' Bashain: mang: damang" geim" vao se' yu: ra".34 Ca ca" shi" Yehu zaui: mau" dang shi" gu: re: yao: zaui" mau" alhab' we' yao" phung bao ham: hung: alhab' Israel jhaung zug: mhomyi: paug' mae tung" xam" to"35 ra". – Yehu wa phug' pho" qe we' daga" yab pyo" lo" mung: Samari vomo" mae nyhab' shaung: ru qhug' va". Yao: zo: Yehoahaza36 wa yao" atha" tao" zaung: ra". – Yehu wa Samari mae tao" zaung mung: Israel mang: adao mae shid' xe: she' zin zug' gam: lo" va".