1 Ai ru: mung: Babilon: jhaung zug: Nebukhaneza: wa Zedekia tao" zaung: ra" gug zin lho" mo" daxe khye' daxe ba re yao" gye mo" thaui: we' daga" Yerusalem vomo" vao: se' mung: ai: avai: ayae gyetab zhaug'2 to: zo" gye gyab lhao: dau: yang: – Zedekia tao" zaung daxe: dazin joe" sho' ai: vomo"3 re lhang" kham" to" ra". – Ai: zin lho" mo" byid khye' gug ba: ba re vo khug mae bao" khug' mo" joe" lo mung: mang: byu qe:4 tau: zo: nam majo, lo: . – Ai: au: Khalade" byu qe: yang ai: vo lhang" kham" to: ko" ru mung: vokham" re kyaung" phung" yang: gye zo: qe alhab' jhaung zug' khyae nhae mae jo; ra" vokham" shid' lam" agyo" kham: dung: khyo" myi" re phao: thug' mung: jao: dae jo, qo khyo" phao: thug'5 lo" ako". – Khalade" gyezo: qe jhaung zug: re cao" khe' mung: Yerikho" jao: dae mae cao" myhi ko" re jhaung zug' sin: zo: qe6 alhab' phao: myi" pye' ako". – Gyevo qe: yang jhaung zug: re taung" yu mung: Babi- lon: jhaung zug: na: ra" Ribala vomo" khyo jhui" lo" ako". Jhaung zug' yang Zedekia re7 pyam" ru mung: – Yao" qhid' kheim: mae yao" zo: myid: qe re se' pye' ru we' yao" myo, jid' thug' phaug' pye' byid: mung: yao: re gyid: taui" yang taui: yang: Babilon: vomo" khyo cam" lo" byaug; ra".8 Babilon: jhaung zug: Nebukhaneza: tao" zaung daxe: gug zin lho" mo" ngo" khye' nhaid' ba ein: ba re Babilon: jhaung zug' khaung: mhao: Nebudzaradain: wa9 Yerusalem vomo" khyo joe" lo: ra". – Yao: wa pa" jhaung: yham we' kho" vang re re: Yerusalem vomo" mae" yham mo" jham10 re re: ngha" pye' ra". – Yao: we' daga" na: Khalade" sin: zo: qe re: Yerusalem vokham"11 jham phyo' myhi" pye' ko" ra". – Khaung: mhao: sin: thu pho" Nebudzaradain: wa vo khug dang: na shi" mo, we' Babilon: jhaung zug: jhao" de; lo" ra" mo, re: dang shi" pe" khyag' mathaid' mo, re re: sham" lo" pye'12 ra". – Ai qere: sabyi' khyae we' yo thaung: kaid' nae" tau: sho: jhin: thao" mo, re tang" co' ko" ra".13 Khalade" byu qe wa pa" jhaung: yham khug jo; ra" gyid: zang jham re re: , thaung: lhao: zang thaug' we' gyid: qid lhao: re re: be; khyug' pye' mung: gyid: jham re Babi-14 lon khyo yu: lo" ko" ra". – Gyid' yang kaid' to" ug' jham , ce' bao" , nye, zai" , gaung: nau" jham we' mau" vin caung da" au:15 ci: ra" zai alhab' yu: pye' ko" ra". – Dam: khaung: mhao: sin: thu mo" re: hhang we' ngaui: yang kaid' to" ra" khug' bain jham we' thaung: lhao: jham yu: pye' ra". –16 Sholomun kaid' to" pa" jhaung: yham tau: mae" zang shid' zang , qid lhao: dalam: we' thaung: lhao: zang thaug' gyid: jham17 wa matho' nghe' myo" ra". – Zang dazang daxe: she' daung" myhao mung: ai: adao gyid: shain" te' to". Ai: aphyo: sam daung" myhao: ru we' lhang" gam: gyid: zaui we' khaung: jid' bin: pau" khao" khyo" to" ra". Shid' lam" zang re: ai we' dakhyo: azaui myho: khyo" to" ra".18 Khaung: mhao: sin: thu wa khin jaung yin" Seraia re re: shid' lam" khin jaung Zeph- ani we' pa" jhaung: yham kham: lhaug' agyi19 sam yaug re re: cam" taung" lo" ra". – Gye thaui: au: she zug: re re: , vo mae na: ra" jhaung zug' mau" qham ade, ngo" yaug re re: , japhin: nghe' xam" ra" mo, byu qe: agyi re re: , ai: mang: mae" lau: de, khyaug' xe re re: vo khug mae" khai: thug' yang: –20 Babilon: jhaung zug: na: ra" Ribala vomo"21 khyo jhui" lo: ra". – Babilon: jhaung zug: wa Hamaid mang: Ribala vomo" mae yao: bam re zin" se' pye' ra". Ai ru: Yuda byu qe wa yao: bam: mang: mae" sham" thug'22 pye' ru qhug' ko" ra". – Ai qere: Babilon: jhaung zug: Nebukhaneza: wa Yuda mang: mae nha: tang" co' ra" mang: byu qe: adao Shaphain: yao: myid: , Ahikam: yao: zo: Gedalia re mang: zug: kaid' nhao: ra".23 Babilon: jhaung zug: khyo" Geda- lia re mang: zug: aya: byid' to" khyo gye zug: qe we' sin: zo: jham the' gyo: ko" au: Nethania yao: zo: Ishamela , Karea yao: zo: Yohanain: , Nethophati amyu" Tanhumed' yao: zo: Seraia we' Makha amyu" mae" Yazania wa yao: bam: byu qe we' daga" Mizapa vomo" mae zaung: ra"24 Gedalia jhao" li" lo: ako". – Ai ru: mung: Gedalia wa Khalade" byu qe: sin: zo: qe re dagyaug ge, . Ce: mang: mae na: na ge, . Babilon: jhaung zug' mau" vin vo; na ge, . Alao" naonhaung" yaug yo: ru qo" nae" ga: zug: qe we' yao: bam: byu qe re lham:25 ta" kyab' zhaug' ra". – Ai qere: lho" mo" nhaid' khye' re jhaung zug' amyu" mae" Elishama yao: myid: Nethania yao: zo: Ishamela wa byu daxe zo: we' daga" li" joe" mung: Gedalia re re: , Mizapa vomo" mae yao: we' daga" na: ra" Yuda byu qe we'26 Khalade" byu qe re re: se' pye' ra". – Ai ru: mung: mang: byu qe qi: ngai alhab' we' gye thaui: au: she zug: qe wa Khalade" byu qe re gyaug geyang: Egutu mang: khyo to" phao: lo" ako".27 Yuda jhaung zug: Yehoakhin kyam: xao" to: qhug' ru sam xe: nhaid' zin: lho" mo" daxe: shid' khye' shid' xe: nhaid' ba re Babilon: jhaung zug: Evilamerodag tao" zaung sao qhid' zin au: yao: wa Yuda jhaung zug: Yehoakhin: myo, nho tau: to' byid: mung: kyam: mae" nhao: thug' byid'28 ra". – Yao: re ngaui lho" dao: jhau mung: Babilon: vomo" mae jhaung zug: yao: we' daga" mang: zug: qe: dao yao" tao" re je: to' byid' ru we' kyam: mai bau: tha" pye' byid'29 ra". – Yehoakhin kao adaui: na: dabang" geim" jhaung zug' qhid' kheim: zo: shaug'30 na: ra". – Yao: re zo: shaug' na nae" tau: jhaung zug' zao: kho khyao za: byid: zho" na: ra".