1 Israel jhaung zug: Ela yao: zo: Hoshe tao" zaung sam zin au: Yuda jhaung zug: Ahaza yao: zo: Hezekia tao" zaung: qhid:2 ra". – Yao: tao" zaung: qhid: re kao shid' xe: ngo" zin ngaid mung: Yerusalem vomo" mae shid' xe: gug zin zug' gam: ra". Yao: myhi" wa Zakharia myiqe: nau"3 Abi ngaid: . – Yao: wa yao: pho" Davi ru: Mo"so: qhid' kheim: dang main" mau" zaui"4 ra". – Myhao: ra" bug gaung jham re phyo' lhaui" pye' ru we' sulho zang jham khyug' mhain" pye' mung: Ashera lho yhe' jham thau: pye' ra". Moshe kaid' to" gyid: maui re re: adau dau phyid' pye' ra". Pe" mung: ga" re Israel byu qe wa ai: ayo, joe" sho' ai: qhid' kheim: tau nae pyo" ra" ja: ngha" nhae" na ko" qere: ai: gyid: maui re Nahug-5 tain: ga: mhang" ko" ra". – Ai: jhaung zug: wa Israel Mo"so apyaid ato: Mo"so re khug ngha lam jang" na: ru mung: Yuda jhaung zug: qe alhab' bam: tho' yao: ru" ru lai: lo va" yo, re: thao phyao: re: khag' mana6 lo: . – Mo"so mae pao: na mung: yao" thao khyao za: cao" na zo" Mo"so: yang Moshe re pin: to: va" khang" dao: tarha" khug mae7 su" na: ra". – Mo"so yao: we' daga" bo bo: na: ru mung: yao: zaui" ra" mau" gau: khao: ngo" aung doe; ra". Asuri jhaung zug: re tau: lhain: mung: yao" jeim maboe". –8 Philisti byu qe re yao: gye khe' mung: Gaza: vomo" we' ai: mang: alhab' gyebyu gai" mae" ru vokham" kyae" to" vomo" joe" aung: yu: pye' ra".9 Hezekia jhaung zug: tao" zaung byid zin , Israel jhaung zug: Ela yao: zo: Hoshe tao" zaung nhaid' zin au: Asuri jhaung zug: Shalamanesera wa Samari vomo" re gye10 khe' mung: lhang" kham" to" ra". – Sam zin lo" byang" ra" au: ai: vomo" re qo" aung: yu: ra". Hezekia tao" zaung khyaug' zin , Israel jhaung zug: Hoshe tao" zaung gug zin au: Samari: vomo" qo" sang: pye'11 ra". – Asuri jhaung zug: wa Israel byu qe re Asuri mang: khyo kyam: byu khyo" sham" lo" mung: Hala jo, qo Gozain: qid yae mae" Habora vo mug: we' Medi byu qe: vozo:12 vozang cao" yang: na nhao: ra". – Pe" mung: ga" re yao: bam wa AsAng Mo"so: thoe magyo: lo: za: yao" dao: so: we' yao" daui mung su Moshe pin: to" jham alhab' re va: pye' mung: macao" ko" ngaid: ra".13 Hezekia jhaung zug: tao" zaung daxe: byid zin re Asuri jhaung zug: Senakherib wa Yuda mang: mae" vokham" kyae" ra" vomo" jham alhab' re gye se' to" lo mung:14 qo" yu: pye' ra". – Yuda jhaung zug: Heze- kia wa Asuri jhaung zug: na: ra" Lakhisha vomo" khyo nhao: ke' mung: ngo shaid' va". Dam: lo" se, . Nao ngo re zaui: nhao: khyo: vin vo, naeva" ga: mho: ra" mathao Asuri jhaung zug: wa Yuda jhaung zug: Hezekia re ngaui talenta sam yo , hhang15 talenta sam xe khyug' nhao: ra". – Alao" Hezekia wa pa" jhaung: yham we' jhaung zug' yham ngaui jhi mae bo: ra" ngaui byid'16 pye' ra". – Hezekia wa pa" jhaung: yham mae" kham: jham we' ai: mae shain" te' to" zang jham mae" hhang re qhid' yu yang:17 Asuri jhaung zug: re khyug' ke' ra". – Thao re Asuri jhaung zug: wa Tatain , Rabasari , Raba-shakhe jham we' gye thaui: mo" qe re Lakhisha vomo" mae" ru Yerusalem vomo" jhaung zug: Hezekia jhao" nhao: ke' ra". Yao: bam Yerusalem khyo do, lo" mung: ai: tau joe" lao" bau: cid' yaug; myid gaung khyotho' bolao: meim mae ye; na:18 ako". – Jhaung zug: jhao" khai: re kho" vang ug Hilikia yao: zo: Elikim , tung" su mo" Shebana we' mhomyi: xam: qaung: su Asab yao: zo: Yoa qe: gu: thoe bam jhao" thug' ye: ko" ra".19 Ai re Rab-ashakhe wa yao: bam re Hezekia re ceru: ein: mho ge, . Qi" qhang: ra" Asuri jhaung zug: pho" mho: ra". Nao20 khai mae pao: na: . – Nao gye se' nae" nyain: re: , qam: re: bo: ga: ta" qere: ai wa dao: seim za: angaid nhaung. Ngo re tau:21 lhain: nae" tau: khag' re lam: ra". – Qu" wa, nao wa gyug' byaug; ra" lam jhu zaung: bao" mang: ra" Egutu jhaung zug: re qam: yu nhaung. Ai: zaung: bao" wa khug pao: na yaug; lo, re thung" kyao" pye' byid' li" nae". Ai re" khyo: Egutu jhaung zug: Pharaoh yang yao: re khug pao mo, alhab'22 re kaid' lo: li" nae". – Naonhaung" wa ngonhaung" ra" AsAng Mo"so re lam khug; na: ga: dam: tau" re Hezekia wa myhao: ra" jo, qo we' ngaui" phain jham re qab; pye' byid: mung: Yerusalem mae jo; ra" ngaui" phain mae za: kug' ngaui" ca" genae" ga: Yuda we' Yerusalem vobyu qe re pin: to:23 va" mangaid: i". – Ai: mathao nga" asang Asuri jhaung zug: jhao" dao: so: mhai" kyab' to: ge, . Nao tau myao: jui: su na: re24 ngo myao: shid' taung byid: nae". – Nao asang: jeim ngaui: thao" ra" zug: dayaug re lhao" ma-aung: ru gye lhin" we' jhui: myao: qo" yu nae" tau: Egutu jhaung zug:25 re khug; na nhaung i". – Mo"so akhang" mabyid' ru ce mang: re phyo' nae" ein: do, lo nae" i". Mo"so: yang ngo re ce: mang: vao: se' yu mung: phyo' pye' wa, ga: mho va" ga: ta" kyo" ra".26 Alao" Hilikia yao: zo: Elikim , Shebana , Yoa jham wa Raba-shakhe re ni" jeim qe re Suri myain" khyo" ta" kyo: gela, . Ai: myain" ngonhaung" qo" ba: gyo". Vokham" dao tau na: ra" pe" khyag' mathaid' byu qe qo" ba: gyo: sho' Yuda myain" khyo" dajhau ge, ga:27 mho' ra". – Raba-shakhe kam" nga" asang wa nao we' ni" asang re ce dao: ta" kyo: wa, ga: ngo re nhao: ke' ru i". Vokham" dao zaung: jo, zo" naonhaung" we' daga" yao: yao" poe' zo: mung: yao: yao" yhid' shaug' mo, thao" nhao: ke' ru mangaid: i" ga: yao:28 bam re phaug' tau" ra". – Raba-shakhe to" ye, mung: Yuda myain" khyo" thoe mo" ke' zo" myhao: thao" ra" Asuri jhaung zug'29 dao: re tae" gyo" na ge, wo". – Jhaung zug: amyin" dao: ceru: ga: mho: ra". Heze- kia yang naonhaung" re maju" phyo' pye' shao: . Yao: wa naonhaung" re nga" lo, mae"30 qo" khyaid' yu nae" mangaid: . – Ai tho' mae Hezekia wa Mo"so: yang dang dang yao: khyaid' yu nae" ru mung: ce: vomo" re Asuri jhaung zug: maqo" ug nae" ga: naon- haung" re Mo"so jhao" lam khug; nhao: re31 ai: dao: dagyo: ge, . – Hezekia dao: datae" gyo: ge, . Asuri jhaung zug: ceru: ga: mho: ra". Gye yo nae" mho' ge, . Ngo jhao" thug' li" ge, . Naonhaung" mashid lo: kao daui nae" tau: naonhaung" mang: din" we' dau: ra" gaug zo , sabyi' qang: , cinmain" we' sabyi' khyae , Zhainlun: gae we' byo: yhid yug: ra" mang: khyo ngo naonhaung" re32 jhui" lo: ba joe" sho' – yao: yaug yao" sabyi' naui we' Zhainlun: gae mae" zo: mung: yao: yao" qid thaung: mae" qid shaug' na ge, . Mo"so: yang naonhaung" re khyaid' yu: li" nae" ga: Hezekia naonhaung" re ju"33 phyo' re datae" gyo: ge, . – Mang: khao: ngo" mae" mo"so: yang naonhaung" yao: yaug yao" mang: re qo" khyaid' yu nae"34 i". – Hamaid' mang: so , Apaid' mang: so jham khai tau na: . Sepharim , Hena we' Iva so jham khotau na ko" ra". Yao: bam khyo" Samari mang: re nga" lo, mae" qo"35 she: yu ko" i". – Mo"so: yang Yerusalem re nga" lo, mae" qo" khyaid' yu sho' mang: khao: ngo" mae" so jham myo: sho' tho' khora" so: yang yao: yao" mang: re nga" lo, mae" qo" khyaid' yu nae" i" ga: zag: hug' ta" ke' ra".36 Yuda byu qe wa dao: dakheim: lhao" maphaug' tau: tae" jo; ako". Pe" mung: ga" re daphaug' jhau ga" jhaung zug'37 amyin" dao: khyo" to: yang: ngaid: . – Ai: au: Hilikia yao: zo: ngaid: ra" kho" vang ug Elakim , tung" su Shebana , Asab yao: zo: mhomyi: tung" qaung: Yoa jham yao: yao" bau: lao" caid' pye' zo" Hezekia jhao" li" joe" mung: Raba-shakhe ta" ra" dao: lo zhao: kyo: ko" ra".