1 Ai: mathao jhaung zug: wa Yuda mang: we' Yerusalem vomo" mae" agyi lau: de,2 alhab' re khai: yu mung: – jhaung zug: wa Yuda byu qe we' Yerusalem byu alhab' mo, we' daga" khin jaung qe , lapa qe we' mang: byu qi: ngai qe pa" jhaung: yham do, lo" mung: ai mae" qhug' myao: yu: khang" dao: jham ai bam: qhid' mae nghe' kyo"3 ra". – Ai: tho' mae jhaung zug: pho" wa khaung zang nhae tau ye; na zo" ce: tung" dang: mae tung" to" khang" dao: re tang koe; to: nae" we' Mo"so: thao cao" na zo" yao" sagso: dao: we' mho" myain" mho" thoe re nhag' lam: , qam: o: alhab' yang zaui" cao" na nae" ga: Mo"so: qhid' kheim: dao: so: to" to" ako". Mang: byu qe alhab' bam: re: ai: dao: so: khae: yu ko" ra".4 Dam: jhaung zug: wa pa" jhaung: yham mae" Bala' so tau: , Ashera so tau: re: , ba kyi lho" mo" tau: re: ga: kaid' to" azai: akho alhab' re she: thug' pye' ge, ga: khin jaung yin" Hilikia we' khin jaung ngai qe we' kham: lhaug' mo, re pin: to" ra". Ai: zai jham re Yerusalem vo yae Kedaron jao: dae mae ngha" pye' yang: ai: mae" myi mhab5 re Bethela' joe" sho' vo; pye' ko" ra". – Ai: tho' mae yao: wa Yuda vozo: vozang cao" yang: myhao: ra" bug gaung jo, qo we' Yerusalem vomo" lhang" gam: mae" jo, qo qe mae nae pyo" ja: ngha" nhae" nae" tau: Yuda jhaung zug: qe jaung: nha: to" sulho: khin jaung qe re re: Bala' so , ba kyi lho" mo" sulho jham we' tho' zhao" myhao ajham ataung re nae pyo" ja: ngaui" byid:6 mo, re re: khe' pye' ko" ra". – Pa" jhaung: yham mae" Ashera sulho re re: Yerusalem vomo" taung gaung Kedaron lao: khaung: khyo sham" tai: yu mung: ai: tau mae ai: sulho re ngha" pye' ru we' abyi asin: khyoe' sin" pye' yang: pe" khyag' mathaid' mo; lab7 tau phyu" sin" pye' ako". – Ashera sulho tau: pin: go lung: khyo" to" ra" myiqe: qe na: ra" pa" jhaung: yham vang" akhug mae" yaug zhang: myhi" byu lhaung lo: qe: yham8 re re: phyo' pye' byid' ra". – Khin jaung qe alhab' re re: Yuda vo khain mae" khe' pye' mung: khin jaung qe nae pyo" ja: ngha" nhae" byid' ra" bug gaung myhao jham re Geba vo mae" Berasheba vomo" joe" anyain: avho: kaid' pye' ra". Vozug: Yoshu' kham: dung: nhae mae" vogaung" kham: dung: lo, vai: shaid' kham: jham we' tin" ra" myhao: ra" jo, qo jham re re: phyo' pye'9 ra". – Myhao: ra" bug gaung jo, qo we' tin" ra" khin jaung qe wa Yerusalem vomo" mae" pa" jhaung: yham ngaui" phain we' maqo" jhao" ko" qere: mao: nhaung: qe we' daga" main" phaui: mabo: cinmain" qhug'10 zo: ko" ra". – Khag' ngaid qere: Moled' so re yao: yao" myiqe: yaug gai zo: qe re phaid' ngaui" xeim: maqo" kaid' sho' yao: wa Hinom: zo: myid: qe: lao: gyu" mae jo; ra" Tophed jo, qo re re: anyain avho: kaid'11 pye' ra". – Yuda jhaung zug: qe Ba re pa" nae" tau: pa" jhaung: yham vao ang: ra" khaung: mhao: Nathanmeleg yham khug lhaung" nhae mae to" ra" myao: jham re re: yao: yu: pye' yang: Ba lhin" jham re re:12 ngha" pye' ra". – Ahaza yham qe, khug; adao mae Yuda jhaung zug: qe kaid' to" ngaui" phain jham we' pa" jhaung: yham zang jin shid' lam: mae Manashe: kaid' to" ngaui" phain jham re re: jhaung zug: phyo' pye' mung: amyhi" asin: kaid' pye' yang: Kedaron lao: khaung: mae pye' myhi"13 sin" pye' ra". – Israel jhaung zug: Sholo- mun wa Yerusalem vomo" dau" te' mae" byo; qeim: bam: ga: mang: lo, yo shaid' mae kaid' to" Sidon" aqho' axag' ngaid: ra" Ashatared so myiqe: zo: tau: re: , Mo"ba' byu qe: anyain: avho: ngaid: ra" Khemosha so tau: re: Ammon zo: myid: qe: anyain: avho: ngaid: ra" Milakhom tau: re: kaid' to" ra" myhao: ra" bug gaung jo, qo jham re re: jhaung zug' yang nyain vho" pye' va". –14 sulho zang jham re khyoe' mhain" pye' ru we' Ashera sulho jham re thau: pye' mung: ai: tau shid va" mo; shoqug: jham byang" to, kaid' pye' ra".15 Ai: tho' mae" Israel byu qe re shaid' nghung: nhao: Nebaid' yao: zo: Yeroboam wa Bethela' mae kaid' to" ra" ngaui" phain re phyo' pye' ru we' bug gaung myhao jham re ngha" pye' yang: abyi asin: kaid' pye' ru we' Ashera sulho re re: ngha" pye'16 ra". – Yoshia' lhang: qu" ke' mung: ai: bam dao mae jo; ra" lab jham re byu: qu" ke' au: yao" byu nhao: ke' mung: ai: lab khain mae" shoqug: jham pug; yu yang: ce: mau" akhyo Mo"so: byu hau" kyo" to" Mo"so: dao: kheim: we' dakhyo: ce: shoqug: jham re ngaui" phain adao mae ngha" yang:17 anyain avho: kaid' pye' ra". – Yoshia' wa ce ngo myao: ra" soxam: laug tam" wa pe" ru" ru ngaid: ga: myid' re vobyu qe khyo" nao asang Bethela' ngaui" phain re kaid' ru we' dakhyo: Yuda mang: mae" thug' mung: ce: akhyo hau" kyo" ra" Mo"so: byu: lab ngaid:18 ga: ta" kyo: ko" ra". – Ai mung: yao: wa ai wa jo; jo, shao: khag' dapug ge, ga: mho: ra" mathao yao" shoqug: jham we' Samari mang: mae" thug' ra" lapa qe: shoqug: jham19 re daga" to" to" ra". – Israel jhaung zug: qe wa Mo"so: nhag' yo: kheim: lhau: zhung" ke' nae" tau: Samari vo khain mae" myhao: ra" bug gaung dao te" to" yham alhab' re re: Yoshia' phyo' pye' mung: Bethela' mae kaid'20 lo: ru: ai: jo, qo jham re re: kaid' ra". – Bug gaung myhao mae" khin jaung qe alhab' re re: ai mae" ngaui" phain adao mae se' pye' mung: byu: shoqug: re ai: phain dao ngha" pye' yang: Yerusalem vomo" khyo dam: tug' lo: pye' ra".21 Dam: jhaung zug: wa mang: byu qe alhab' re khang" dao: jham: tung" mae tung" to" we' dakhyo: naonhaung" AsAng Mo"so: tau: mae" lai loe, poe kaid' ge, ga:22 ta" ra". – Dang dang Israel qe re zug: gam: lo: tarha" agyi qe: ta mae" Israel jhaung zug: qe: ta we' Yuda jhaung zug: qe: ta thao" sho' ai ru" ra" lai loe, poe makaid' qu". –23 Yoshia' jhaung zug: tao" zaung daxe: she' zin: au: ai: lai loe, poe Mo"so: tau: Yerusa- lem vomo" mae zaui: so: ko" ra".24 Ai: tho' mae pa" jhaung: yham mae khin jaung yin" Hilikia the' myao: ra" khang" dao: tung" mae tung" to" dao: re zaui" cao" nug yang: Yoshia' wa Yuda mang: we' Yerusalem vomo" mae na ko" jain: kug' , yui vha" ba mo, , yui lho , gyoe lho jham we' daga" nyain: vho" ru aja: ja:25 re jhaid' za: va: shao: pye' ra". – Moshe tarha" alhab' we' dakhyo: yao" myid nhag' lam: alhab' , aung khug alhab' , qam: o: alhab' yang Mo"so jhao" Yoshia' ru: cao" ra" jhaung zug: yao" qhid' mae mana: qu". Yao" thao re re: mana lo: .26 Ai qere: Mo"so: nhag' yo: kheim: lhau: zhung: nae" ga: Manashe: shaid' nghung" ra" mau" alhab' mathao Mo"so: yang Yuda byu qe re nhag' yo" kheim: nhag' jo, yo:27 ru mangaid: . – Mo"so: yang Israel amyu" re Ngo khe' pye' ru: Yuda amyu" re re: Nga" myo, le, mae" Ngo va: pye' nae". Ngo khyin: yu: ce: Yerusalem re re: , Nga" mang khyao: cemae to" to: nae" ein: Ngo ta" ra" yham re re: Ngo to" pye' nae" ga: mho: ra".28 Yoshia' zaui" lai: lo: dang shi" lo, mau" alhab' re Yuda jhaung zug' mhomyi:29 xam: paug' tau tung" to" ra". – Yao" ta mae Egutu jhaung zug: Pharaoh Nekho wa Asuri jhaung zug: re gye se' nae" ga: Uphared' qid joe" sho' do, lo" re jhaung zug: Yoshia' wa yao: re lham: tam" kyo" nae" ga: thug' lo: ra". Egutu jhaung zug: wa Megido jo, qo mae yao: re myao mung:30 se' pye' ra". – Yao" sin: zo: qe wa Megido jo, qo mae" gye lhin" mae yao" mao gaung Yerusalem vomo" khyo yu: lo mung: yao" lab qo mae shaung nyhab' ke' ako". Mang: byu qe wa Yoshia' yao: zo: Yehoahaza re khai: yu mung: xau gyain: byid: yang: yao: pho" khu tao" zaung nhao: ako".31 Yehoahaza kao shid' xe: sam zin: au: tao" zaung mung: Yerusalem vomo" mae lho" sam khye' zug' gam: ra". Yao: myhi" wa Libana vobyu Yeremia myiqe: zo: Hamu-32 tala ngaid: ra". – Yao: wa phug' pho" qe we' dakhyo: Mo"so: qhid' kheim: makhy-33 ang" ra" mau" zaui: so" ra". – Ai: jhaung zug: Yerusalem mae maqo" zug: gam sho' Pharaoh Nekho" yang yao: re Hamaid' mang: mae" Rebala vomo" mae kyam: xao" to: mung: Yuda mang: re ngaui dataung joe: we' hhang daxe joe: khang: mho' yu:34 ra". – Pharaoh Nekho" wa Yoshia' yao: zo: Elikim re yao: pho" atha" jhaung zug: kaid' nhao mung: yao" mang re Yehoakim ga: tha" mhang" pye' ra". Yehoahaza re Egutu mang: khyo jhui" lo mung: ai: mang: mae35 yao: shid: lo" va". – Ngaui qo" khyui: dai" nae" tau: Pharaoh mho: to" we' dakhyo: Yehoakim wa mang: byu qe mae" khang: khyui mung: Pharaoh jhao" hhang we' ngaui qhaug' byid' ra". Pharaoh-Nekho" re qo" byid: nae" tau: ai: hhang ngaui jham re mang: byu yaug nge, mae" qo" byid' khyo: qam: phin: khyui: dai" ra".36 Yehoakim tao" zaung: qhid: au: kao shid' xe: ngo" zin ngaid mung: Yerusa- lem vomo" mae daxe: dazin ug: ra". Yao: myhi" wa Ruma vobyu Pedaia zomyi: zo:37 Zebuda ngaid: . – Yao: wa phug' pho" qe ru: Mo"so: qhid' kheim: makhyang" qobo mau" zaui" ra".