1 Hezekia jhaung zug: ai: dao: kheim: the' gyo: lao" yao" bau: lao" caid' pye' mung: jid: mo" bau: ve; ci zo" pa" jhaung:2 yham khyo ye" lo" ra". – Dam: yao: wa kho" vang ug Elakim , tung" su Shebana we' khin jaung ade, qe re jid: mo" bau: ve, nhao yang: Amod' yao: zo: Esaia lapa jhao"3 nhao: ke' ra". – Ai bam wa Esaia re Heze- kia ceru: ga: ta" ke' ra". Ana" ba wa qug: khai: , gaui mho , aqho' axag' qhug' ra" ba na ngaid: . Zo: khau nae" ba na byang" qere:4 qo" khau nae" ra" qam: mabo. – Kao adaui: na: Mo"so re gaui nae" tau: Asuri jhaung zug: nhao: ke' ra" yao" jeim Raba-shakhe: dao: alhab' ni" AsAng apyaid ato: Mo"so the' gyo" yu shao:. Ni" AsAng apyaid ato: Mo"so yao: the' gyo" dao: re lham: yo" tug' ke' nae" laug. Nao wa dang shi" mo; tau: mae" jhaung: mho' byid; la, ga: ta" ke' ra". –5 Jhaung zug' Hezekia jeim qe Esaia jhao" joe"6 ye" lo" ko" ra". – Esaia yang naonhaung" zug: re ceru: ein: lo" zhao: kyo: ge, Mo"so mho: ra". Nao the' gyo" ra" Asuri jhaung zug' jeim qe ngo re gaui ko" dao: kheim:7 mathao dagyaug. – Ngo" yao: re nhag' lam: getau: ke' byid: mung: yao: ai: lau dao: the' gyo: we' yao" mang: khyo dam: tug' lo" li" nae". Ai: mang: tau ngo yao: re shae: yang zin" se' pye' nae" ga: mho: ra" ein: lo" ta" ge, ga: dao: dam: phaug' ke' ra".8 Ai: au: Asuri jhaung zug: Lakhisha vomo" mae" thug' lo" ra" akhyo re Raba- shakhe the' gyo: lao" dam: tug' lo" mung: Libana vomo" re jhaung zug: gye se' na: ru9 myao: ra". – Thao re Ethiopia jhaung zug: Tihaka nao re gye se' nae" ga: do, lo: ava" ga: the' gyo: lao" yao: Hezekia jhao" logyo:10 dam: nhao: ke' mung: – Yuda jhaung zug: Hezekia re ceru: ein: mho ge, . Yerusalem vomo" Asuri jhaung zug' lo, mae maqo" vao nae" ga: nao lam khug; ra" ni" asang11 nao re mangaug; yu shao: . – Qu" wa, Asuri jhaung zug: qe wa mang: khao: ngo" re jhaid' za: phyo' lhaui" pye' va" akhyo nao the' gyo: va". Nao za: qo" loe, nae" i". –12 Nga" phug' pho" qe: yang phyo' pye' va" amyu" jham wa Gozain: , Harain: , Rezeb we' Thelasa vomang: cao" yang: na: ra" Eden zo: myid: qe ngaid: ako". Yao: yao" so jham: yang yao: bam re qo" khyaid' yu:13 ako" i". – Hamaid' mang: zug: , Arpad mang: zug: we' Sepharim vomo" , Hena we' Iva vomo" re ug; ra" mang: zug: jham wa khai: mae na ko" ra" ga: pin: ke' ra".14 Hezekia wa ai: pyang tung" khye' logyo: qe: lo, mae" qo" bin: nghe' yu yang: pa" jhaung: yham ye: mung: Mo"so: qhid'15 kheim: phye: sin" to" ra". – Ai mung: Hezekia jhaung zug: wa Mo"so: qhid' kheim: tau Kherubim: adao mae zaung: jo; ra" Israel AsAng Mo"so we" Nao AsAng za: Mo"so ngaid: ra". Nao AsAng daso za: myid gaung: dao: mang: din" bin sho' Mo"so ngaid: . Nao wa mug: gaung we'16 myid gaung re phain"so: to" ra". – Mo"so we" tae" gyo: mung: the' gyo" yu byid: la, . Mo"so we" ni" myo, phung" yang: myao: yu byid: la, . Senakherib wa daui: na: Mo"so re jung" gaui mung: ta" ra" dao: alhab' xam"17 yu byid: la, . – Mo"so we" Asuri jhaung zug: qe gai gai: dang dang byumyu" cao jab; mang: din" we' mug: kyo: jham re phyo' lhaui" pye' veko" ra" ru mung: –18 yao: bam: mo"so jham re myi: mae ngha" zaui: pye' veko". Ai: mo"so jham wa Mo"so mangaid: . Byu: lo; yang kaid' to" ra" sag' we' laug baui lho za: ngaid: ra" mathao ai19 jham re phyo' lhaui" pye' veko". – Ngon- haung" AsAng apyaid ato: Mo"so we" Nao Mo"so za: AsAng ngaid: ru re myid gaung dao mae na: mang: din" khao: ngo" qo" ba nae" tau: ngonhaung" re ai: jhaung zug' lo, mae" khyaid' lhoe' yu la, . Ngo mho' bain" na: ga: jhaung: mho' ra".20 Alao" Amod' yao: zo: Esaia wa Heze- kia jhao" nhao: ke' mung: Israel Mo"so ceru: ga: mho: ra". Nao Asuri jhaung zug: Senakherib akhyo Nga" qhid' kheim: mho'21 vhao" dao: Ngo the' gyo: va". – Ai: jhaung zug' akhyo Mo"so ceru: ga: mho: ra". Ziun zomyi: tang: shain" yang nao re gaui qu" shao" pyao: pye' ava". Yerusalem zomyi: zo: wa ni" nhaung thao" mae au: nghoe"22 nghoe" va". – Nao khag' re gaui mho: pye' ru. Khag' re zag: hug' mung: ngaid so" myo, nho qhu" ru. Israel amyu" shao gyang" Mo"so re mho: pye' nhaung mhao". –23 Nao wa ni" logyo: qe: nhaid' thoe: yang ai: AsAng re gaui mho: jung" pye' mung: ngo wa nga" myo" laug; ra" gye lhin" jham khyo" bam dao qo" do; ra" mathao Leba- non yo qao" khug qo" vao nae" . Ngo wa myhao: ra" tham: gae we' phug' de; hhu: je; gae jham re thau: pye' mung: ai ra" yo qao" khug lhaung" na pyo" jo, qo khyo lhao" vao24 lo" nae". – Ngo wa labug; mang: mae qid thaung: dau: mung: qo" shaug' va". Nga" khuvo" yang Egutu mang: mae" qid zo: qid zang alhab' kyaug' khyi li" poe" pye' nae" ga: nao zao" mho: pye' nhaung.25 Ngo wa geco' ne, mae" kaid' qu" va" khyo we' genhae" mae" poe" qu" va" khyo nao mathe' gyo" qu" i". Ana" re: nao wa vokham" kyae" ra" vomo" jham re phyo' pye' mung: laug; baui bam poe" pye' nae" ru wa ngo poe" byid' ke' nae" ru za: ngaid: . –26 Ai mung: vobyu qe qam: nang" ako". Nhag' caid' no: yaug mug' vhao: byaug; veko". Seyo mae" vohau: mhin: we' nyug; yaung" ra" ao: pho' ru: yham dao yaug; ra" mhin: we' maqi: shi" re nyhug' byaug; ra" gaug27 gae ru: boe" byaug; ra". – Nao zaung: na: ru , thug' vao: ru ngo re gyid' yo" na: ru28 ngo ba: . – Nao ngo re yo" na: ru we' ni" ngaid so" myhao beim" dao: nga" no: khug vao va" mathao ngo nao re nho thung: byid: mung: nho shoe: shoe: yang: nao li" lo: gau: khyo" dam: mha" nhao: ke' nae".29 Ce wa nao mae boe" lo nae" ve, lho ngaid: . Naonhaung" ana" zin yao: gaug lae" the' zo: genae". Sao nhag' re: ai: mae" yao: za: yao: yaug: ra" gaug the' zo" li" nae". Sam zin ein: zin wa qhovo: sin: mung: yaid; yu ge, . Sabyi' khyae re kaid' mung: ai: mae"30 ashi: zo: ge, . – Kyi" khyag' mae" loe; ra" Yuda boe: re: gyi: dam: cin" li" mung: ko'31 lo, lin: shi: zaui" li" nae". – Dang shi" gu: Yerusalem vomo" mae" , kyi" khyag' loe; beim mo, Ziun bam mae" thug' lo: li" nae". Mo"so: masham mapyao: shogu: myid:32 yang ai re poe" ke' li" nae". – Ai: mathao Mo"so khyo" Asuri jhaung zug: khyo qang yang: ceru: ga: mho: ra". Yao: ce: vomo" maqo" vao nae". Vo khug khyo myo: dakhe' lhao" maqo" bag; zaui nae". Vo: qhid' kheim: golung: magai: ci: qhu" ru we'33 gyab lhao: gyain: maqo" dau: nae". – Yao: li" gau: khyo" dam: phao: tug' lo" mung: ce:34 vomo" maqo" vao nae". – Nga" myo, nho qho yang: re: , Nga" jeim Davi myo, nho mathao: yang re: ce: vomo" re khyaid' yu nae" tau: ga: Mo"so mho: ra".35 Ai: myi Mo"so: mug: logyo: thug' ye: mung: Asuri gyetab mae byu datid: she' tug; ngo" taung re se' pye' ra". Ne, seim no' re" to" qu" re ai: byu alhab' bam: sushid36 mao ngaid: byaug va". – Asuri jhaung zug: Senakherib wa ai: mae" thug' lo" mung:37 Nineve" vomo" mae lo" na: na: ra". – Ai: thao yao: wa yao" mo"so Nisarud' pa" jhaung: yham mae caung da" na: au: yao: zo: Adarameleg we' Shareza yang yao: re zin" se' pye' ra". Yao: tao wa ai mae" Ararad' mang: khyo phao: ye" lo" mung: yao: zo: Esahadon yao" atha" tao" zaung: ra".