1
Manashe: wa kao daxe: shid' zin: au: tao" zaung mung: Yerusalem vomo" mae ngo" xe: ngo" zin zug' gam: ra". Yao: myhi"2
wa Hephazi-ba mang: ra". – Yao: wa Israel amyu" qe: myo, le, mae" Mo"so va: pye' va" taung bug byu qe maca' majhaid' mae cao" na zo" Mo"so: qhid' kheim: makhyang"3
mau" zaui" ra". – Yao: pho" Hezekia phyo' lhaui" pye' va" myhao: ra" bug gaung mae" jo, qo jham dam: nyhang" mung: Israel jhaung zug: Ahab' kaid' ru: Bala phain kaid' byaung: to: yang: Ashera sulho we' mug: gaung: ba kyi lho" mo" jham re pa" kug'4
caung da" ra". – Mo"so wa Yerusalem mae Nga" mang kheim: gang" tang: to: nae" ga: mho: to: qere: yao: wa Mo"so: pa" jhaung: yham mae mo, je ngaui" phain kaid' to"5
ra". – Mo"so: pa" jhaung: yham zang jin shid' lam: mae mug: tho' mae" ba kyi lho" mo" alhab' tau: ga: phain kaid' jaung: to"6
ra". – Yao: zo: re phaid' ngaui" xeim: dau: kaid' mung: boe, phyid' ru , vha" lung mau" kaid' yang: jain: kug' mo, , byo vao: jaung" ba mo, we' zam" zo", Mo"so re nhag' yo" kheim: myo" je: nhao nae" ga: yao" qhid' kheim: mae makhyang" mau"7
xo sho' zaui: so" ra". – Israel mang: mae re:, Ngo khyin: to" va" Yerusalem: mae re:, Nga" mang khyao: gang" tang: na nae" tau: AsAng Mo"so wa Davi we' yao: zo: Sholo- mun re qang yang: pa" jhaung: yham khug mae yao: yao: kaid' ra" ashuru gae sulho8
re to" to" ra". – Ngo re: Nga" jeim Moshe re: yao: bam re pin: to" gu: alhab' zaui: so: mung: cao" na ko" ngaid: re wa yao: bam: phug' pho" qe re Ngo byid' to" ra" mang: mae" Ngo yao: bam re khyo nghung: nhao nae" mangaid: ga: Mo"so wa Davi we' yao: zo: Sholomun re ta" to: va" qere: yao: wa yao: thung" ra" Ashera sulho re pa" jhaung:9
yham mae lo" to" ra". – Ai qere: yao: bam magyo" cao" na ko" ru we' Israel myo, le, mae" Mo"so: yang phyo' pye' va" taung bug byu qe zaui: ko" makhyang" mau" mae je: zaui" cao" geshao: ga: Manashe: yang yao: bam re she: ngaug; ra".10
Ai: mathao Mo"so yao" jeim lapa qe:11
nhaid' khyo" – Yuda jhaung zug: Manashe: wa nyain: vho: mau" zaui: mung: yao" qhid' re na: Amori byu qe tho' je yang: makhyang" mau" thaung: ru we' yao" sulho tau Yuda byu qe re re: shaid' nghung:12
nhao: mathao – Israel Mo"so ceru: ga: ta" ra". Lau dao: the' gyo: mo; no: khye' shid' shaid' geim" gyo" mug' sho' Yerusa- lem we' Yuda mang: adao kyin" nhaung"13
poe" ke' nae". – Samari mang: re ka" qu" va" taui" yang Ahab' yham mae" mo, re ka" ra" taui" yang yao: Yerusalem vo adao mae ka" mung: byu qe khug' re said' pye' yang: nghoe' pye' ru: Ngo Yerusalem re kaid'14
nae". – Dang shi" Nga" jao khae Ma byu qe re va: pye' mung: yao: bam re gyevo: lo, khug qhaug' pye' nae". Gye jham: yang re: yao: bam re lo, lhaid' lo, lheim:15
pyam" yhin" li" genae". – Pe" mung: ga" re yao: bam: phug' pho" qe Egutu mang: mae" thug' lo: ra" ba mae" ana" ba joe" yao: bam Nga" qhid' kheim: makhyang" mau" kaid' mung: Ngo re nhag' yo: kheim: lhau: zhung" na: ako" ga: ta" ra".16
Manashe: wa Mo"so: qhid' kheim: qobo mau" zaui: mung: Yuda byu qe re shaid' nghung: nhao: ru za: mangaid: qobo mabo mo, myo: sho' se' pye' yang: ai bam: sa: wa Yerusalem vomo" dashaid' mae" ru17
thoe shaid' joe" byang" jo; ra". – Manashe: zaui" lai: lo: dang shi" lo, mau" we' shaid' ra" qobo jham re Yuda jhaung zug: mhomyi:18
paug' mae tung" xam" to" ra". – Manashe: wa phug' pho" qe we' daga" yab pyo" lo" mung: yao" yham we' tin" ra" Uza ga: mang: ra" khyae khug tau shaung nyhab' ke' ru qhug' ra". Yao: zo: Amon wa yao: pho" khu mae tao" zaung: ra".19
Amon kao shid' xe: shid' zin: au: tao" zaung mung: Yerusalem vomo" mae shid' zin ug: gam: ra". Yao: myhi" wa Yotaba vomo" mae" Haruza yao: zo: Meshulamed20
ngaid: . – Amon wa yao: pho" Manashe: ru: Mo"so: qhid' kheim: makhyang" mau"21
zaui: so" ra". – Yao: pho" zaui" cao" gau: alhab' cao" zaui: mung: yao: pho" caung da" ra" sulho jham re pa" kug' caung da"22
ra". – Phug' pho" qe: AsAng Mo"so re naung phaug' mung: Mo"so: khyo gau: mae23
masu: . – Amon re yao" sin: zo: qe: yang tau: lhain: yang: yao" yham akhug mae24
yao: re se' pye' ko" ra". – Mang: byu qe: yang jhaung zug: Amon re tau: lhain: mo, alhab' re se' pye' yang: yao: zo: Yoshia re yao: pho" atha" jhaung zug: tang: ko" ra". –25
Amon zaui: so" lo: dang shi" lo, mau" jham re Yuda jhaung zug: mhomyi: xam: paug'26
mae ada" zo, tung" xam" to" ra". – Uza khyae khug yao" lab qo tau shaung: nyhab' ke' ru qhug' mung: yao: zo: Yoshia wa yao" atha" tao" zaung: ra".