1 Yuda jhaung zug: Ahaza tao" zaung: ru daxe: shid' zin: au: Ela yao: zo: Hoshe Samari vomo" mae tao" zaung: qhid mung:2 Israel adao gug zin zug' gam: ra". – Yao: wa Mo"so: qhid' kheim: qobo mau" zaui" cao" ra". Ai qere: yao" qhid' au: mae" Israel3 jhaung zug: qe qhi" wa maxo. – Yao: re Asuri jhaung zug: Shalamanesera: gye to" lo mung: Hoshe wa yao" jeim boe" ru we' ai: jhaung zug: re khang: khyui: dai" ra". –4 Ai: thao Hoshe wa zin qug: ke' ca" khang: madai". So ga: mang: ra" Egutu jhaung zug: jhao" logyo: nhao: ke' mung: tau: lhain: nae" ayaung re Asuri jhaung zug: the' ba: pye' yang: yao: re kyam: taung" zaui: pye'5 ra". – Ai re" khyo: Asuri jhaung zug: Israel damang" geim" khyo gye se' vao lo" mung: Samari vomo" joe" lao" sam zin lam: lam:6 lhang" kham" to" ako". – Hoshe tao" zaung gug zin: au: Asuri jhaung zug: wa Samari vomo" re qo" yu mung: Israel byu qe re Asuri mang: khyo sham" lo" yang: yao: bam re Hala jo, qo Gozain qid yae mae" Habora mug: we' Medi byu qe: vogaung: khain mae na nhao: to" ra".7 Ai ru: boe" lo: ru wa Israel zo: myid: qe re Egutu mang: we' Egutu jhaung zug: Pharaoh lo, mae" she: thaid' yu: ra" yao: bam: AsAng Mo"so re shaid' pye' geyang:8 getau: mo"so jhao" pa" kug' lo" ako". – Yao: bam: myo, le, mae" Mo"so: yang khe' thug' pye' ra" taung bug byu qe: ave, we' Israel jhaung zug: qe kaid' cao" ra" khyo gau: cao"9 su: geyang: boe" ru ngaid: . – Israel zo: myid: qe wa yao: bam: Mo"so apyaid ato: Mo"so re mangaid makhung" khug' kaid' qhu" mung: gye byu gai" mae" vokham" kyae" ra" vo khao: ngo" joe" sho' myhao:10 ra" bug gaung jham re te" to" ako". – Bug gaung khao: ngo" we' sag' qao" yo sag' gae gyid' khao: ngo" mae sulho zang jham we'11 Ashera sulho tau: yhe' bam: ako". – Yao: bam: myo, le, mae Mo"so: yang khe' thug' pye' va" taung bug byu qe ru: myhao: ra" bug gaung khao: ngo" mae nae pyo" xeim: phaid' ngaui" mung: Mo"so: nhag' yo" kheim: lhau: zhung: nae" ga: makhyang"12 mau" zaui" ako". – Naonhaung" sulho magai: pa" kug' nae" ga: Mo"so: yang yao: bam re khang dao: khyo" to: va" qere: sulho13 pa" kug' ko" ra". – Ai qere: Mo"so wa naon- haung" makhyang" khyo dang mae" lhang: lo geri: . Naonhaung" phug' pho" qe re Ngo mho: to: va" we' Nga" daui mung lapa qe: nhaid' mae naonhaung" jhao" nhao: ke' ra" tarha" alhab' mae we' dakhyo: Ngo khang" to: va" khyo we' mho: to" khyo mae su" na ge, ein: lapa khao: ngo" we' lamyhung" ba: myao mo; nhaid' mae Israel we' Yuda14 byu qe re sagso: kham byid' ra". – Yao: bam magyo" cao" ko" ru we' Mo"so re malam khug; ko" phug' pho" qe ru: yao:15 bam: lang zang: qao ko" ra". – Mo"so yang yao: bam: phug' pho" qe we' to" to" ra" mho" myain" mho" thoe we' khang dao: re re: yao: bam re qhu" ra" sagso: dao: re re: yao: bam va: pye' ko" ru we' anyain: avho: khyo cao" zo" nhag' myid qi" pye' mung: Mo"so: yang tam" to" avai: ayae mae na: taung bug byu qe: ave, zaui" cao" na ko"16 ra". – Yao: yao" Mo"so apyaid ato: Mo"so: khang dao: alhab' re naung phaug' pye' mung: sheim" yu: nung: sulho shid' dau: sheim: yang: Ashera sulho re re: kaid' to" ako". Mug: gaung ba kyi jham re pa" kug'17 zo" Bala' so re re: caung da" ko" ra". – Yao: bam: yaug gai myiqe: zo: jham re re: phaid' ngaui" xeim: kaid' mung: boe, phyid' ru we' vha" lung mau" zaui: zo" Mo"so: nhag' yo: kheim: lhau: zhung" ke' nae" tau: yao" qhid' kheim: makhyang" mau" zaui: nae"18 ga: yao: yao" gaung aung" pye' ko" ra". – Ai mung: Mo"so wa Israel byumyu" qe re gyai nhag' gyid' mung: yao" myo, le, mae" va: pye' ra". Yuda amyu" mae" je yang: matang"19 to: . – Yuda amyu" qe re: yao: bam: Mo"so: khang dao: re macao" Israel qe cao" ra"20 thung" li cao" ye: ko" ra". – Mo"so: yang Israel alhab' re to: co' yang: yao: bam re pyam" yhin" mung: yao" myo, le, mae" va: pye' ru mae joe" sho' gyevo: lo, mae qhaug'21 pye' ra". – Israel amyu" re Davi yham mae" kao" pye' mung: yao: bam wa Nebaid' yao: zo: Yeroboam re jhaung zug: tang: ko" ra". Yeroboam wa Israel amyu" re Mo"so: khyo gau: mae" nghung" lo" nhao mung:22 yao: bam re qobo qi: zaui: nhao: ra". – Ai: mathao Yeroboam zaui" cao" ra" qobo khyo dang gau: Israel amyu" qe khyao za: bo:23 cao: lo" ako". – Mo"so khyo" yao" jeim lapa qe yaug nyang khyo" mho: to" we' dakhyo: Israel amyu" re yao" myo, le, mae" va: pye' ra" ba joe" sho' yao: bam qobo majao" lha" zaui: so: ko" ra". Ai mung: yao: bam: na mug: mae" Asuri mang: din" khyo sham" lo" ru ana" ba joe" qhug' na ko" ra".24 Asuri jhaung zug: wa Babelon , Khuta , Ava , Hamaid' we' Sepharim byu qe re jhui" lo mung: Israel byu qe: atha" yao: bam re Samari vozo: vozang khain mae na nhao: to" ra". Yao: bam wa Samari mang: re ug; gam: to: mung: ai: vozo: vozang cao"25 yang: na: na ko" ra". – Yao: bam ai: mang: na: qhid: lo" ko" au: Mo"so re magyaug maphug' geyang: Mo"so: yang Lotin: nhao: ke' mung: damyo" re bin" se' pye' ko" ra". –26 Ai: mathao yao: bam wa Asuri jhaung zug: re Samari vozo: vozang khain nao jhui" byaung" nha: to" ra" byumyu" qe wa ai: mang: mae" Mo"so: tarha" maba: gyo: ko" mathao ai: Mo"so: yang Lotin: nhao: jhain" ke' mung: damyo" se' pye' ru qhug' va" ga: zhao: kyo" ako".27 Alao" Asuri jhaung zug: wa ai: mang: mae" jhui" lo: khin jaung dayaug re dam: dai" ge, . Yao: wa ai: mang: mae lo" na mung: ai: mang: mae" Mo"so: tarha" lo"28 mho" byid: shao: ga: pin: ke' ra". – Ai lao" Samari mang: mae" sham" taung" lo: ra" khin jaung dayaug wa Bethela' vo khyo dam: tug' lo" mung: Mo"so re gyaug phug'29 nae" akhyo lo" mho" byid' ra". – Ai qere: ai: byumyu" acao ajab wa yao: yao" gyoe lho yhe' kaid' mung: yao: yao: na: ra" vo khain mae , Samari byu qe te" to" ra" myhao: ra" bug gaung mae" yham khain mae30 cao" mho" shid' ra". – Babilon byu qe wa Sukhod-benug so , Khuta byu qe wa Nera- gala so , Hamaid' byu qe wa Ashima so , –31 Ava byu qe wa Nibahaza we' Tateg so kaid' ako". Sepharim byu qe wa Sepharim gyoe lho ngaid: Adrammeleg we' Anameleg tau: mae" yao: yao" yao: zo: qe re ngaui" xeim:32 kaid' ko" ra". – Yao: bam Mo"so re gyaug phug' ko" qere: yao: yao" amyu" khug mae" khin jaung khai: yu mung: myhao: ra" bug gaung yham kham mae mang: byu qe: tau:33 xeim: ngaui" byid: ko" ra". – Yao: bam Mo"so re gyaug phug' myao: ko" qere: yao: yao" vogaung: we' tin" ra" amyu" qe khyo" cao" yang: yao: yao" gyoe lho jham re re: pa" kug' ko" ra".34 Ana" ba joe" sho' yao: bam wa genhae" re" thung" li we' dakhyo: cao" na ko" ra". Ai mung: Mo"so re phug' ru maboe". Israel amyu" ga: mhang" yu: to" tarha" macao". Israel mang mhang" qhug' ra" Yaku' zo: myid: qe re Mo"so byid' to" khang" dao:35 macao" lo: na ko" ra". – Mo"so wa Israel re naonhaung" getau: so re magai: phug'. Magai: pa". Magai: caung da". Magai:36 ngaui" byid: nae". – Naonhaung" re qi" ra" phung bao lo, lam: qam: mo" pyam" yang: Egutu mang: mae" khyi: thaid' yu: ra" Mo"so re za: phug' myao: caung da" ngaui"37 byid: ca" nae". – Naonhaung" tau: tung" to" khang" dao: tarha" re khyao za: cao" na ca" nae". Getau: so jham re magai: phug'. –38 Ngo naonhaung" we' to" to" ra" dao: so: re dato" myhid' ge, . Getau: so jham re magai:39 phug' nae". – Naonhaung" AsAng Mo"so re za: phug' na ca". Yao: wa naonhaung" re gyevo alhab' bam: lo, mae" khyaid' yu nae"40 ngaid: ga: dao: so: to" to: qere: – yao: bam matae" gyo" ru we' genhae" li ru: za: zaui"41 cao" na ko" ra". – Ai mung: ce: amyu" qe wa Mo"so re gyaug phug' ko" ru we' daga" yao: yao: sheim" ra" sulho jham re caung da" ko" ra". Yao: bam: zo: myid: qe re: phug' pho" qe we' dakhyo: za: ana" ba joe" sho' zaui" cao" na ko" ra".