1 Remalia yao: zo: Peka tao" zaung: ru daxe: nhaid' zin re Yuda jhaung zug: Yotain: yao: zo: Ahaza tao" zaung: ra". –2 Ahaza tao" zaung: qhid: au: yao" kao shid' xe zin ngaid mung: Yerusalem vomo" tau daxe: khyaug' zin zug' gam: ra". Yao: wa yao: pho" Davi ru: Mo"so: qhid' kheim:3 dang main" khyo mazaui" ru we' – Israel jhaung zug: qe: ave, bo: cao" mung: Mo"so: yang Israel zo: myid: qe: myo, le, mae" khe' pye' ra" taung bug byumyu" qe: anyain: avho: khyo gau: cao" zo" yao: zo: re lao"4 phaid' ngaui" xeim: kaid' ra". – Myhao: ra" bug gaung cao" yang: bam dao mae , nyug lao qam" ra" sag' gae gyid' khain mae ngaui" xeim: nae pyo" xeim: jham re phaid' ngaui" byid' ra".5 Ai: ayo, Suri' jhaung zug: Rezim we' Israel jhaung zug: Remalia yao: zo: Peka wa Yerusalem: vao: se' mung: Ahaza re lhang" kham" to: qere: yao: re ma-aung6 ko". – Ai qere: Suri jhaung zug: Rezim wa Elaid' vomo" re Suri' mang: khyo ai: ayo, dam: vhao" yu yang: Yuda byu qe re Elaid' vo mae" khe' tao" pye' mung: Suri byu qe Elaid' vo li" joe" na yang: ana" ba joe" ai: mae na: na ko" ra".7 Ai: mung: Ahaza wa Asuri jhaung zug: Tigaladpilese jhao" logyo: nhao: ke' mung: ngo wa ni" jeim , ni" zo: ngaid: . Li" lo ri: ngo re gye kaid' ra" Suri' jhaung zug: we' Israel jhaung zug' lo, mae" khyaid' lhoe' yu8 la, ga: mho' ke' ra". – Ai: tho' mae" yao: wa pa" jhaung: yham we' jhaung zug' yham ngaui jhi mae ke' to" hhang , ngaui jham yu mung: Asuri jhaung zug: jhao" jhaung9 qhu" vhin: ke' ra". – Asuri jhaung zug: re: yao" dao: tae" gyo: mung: Damasku vomo" vao: se' aung: yu yang: vobyu qe re Kira vomo" khyo taung" lo" ra". Rezim re re: se' pye' ra".10 Ahaza jhaung zug: re: Asuri jhaung zug: re tug; yu nae" ga: Damasku khyo do, lo" ra". Ai: vomo" mae ngaui" phain lo" the' myao lao" yao: wa ngaui" phain akhyo yhoe' za" sulho re khin jaung Uria11 jhao" vhin: ke' ra". – Khin jaung Uria re: ai: ngaui" phain re kaid' to" ra". Jhaung zug: Ahaza yang Damasku vomo" mae" vhin: ke' ra" lho we' dakhyo: jhaung zug: Ahaza malo shi: mae" gelho: kaid' bin: to:12 va". – Jhaung zug: pho" Damasku vomo" mae" dam: lo: re ai: phain re myao yang: qui" te' ye: mung: xeim: ngaui" byid'13 ra". – Yao: wa phaid' ngaui" xeim: we' cinmain" jhaung qhu" ngaui" byid: mung: vhe' gyain" bam yang: zam" khug xeim: sa:14 re ngaui" phain dao pyi" sin" ra". – Mo"so: qhid' kheim: mae jo; ra" gyid: phain re pa" jhaung: yham jao: kheim: qui" yu yang: yao" ngaui" phain: qid meim shaid' mae to"15 to" ra". – Dam: jhaung zug: Ahaza yang khin jaung Uria re ne, seim khao: ngo" re" ngaui" xeim: myi khao: ngo" re" cinmain" jhaung qhu" jhaung zug' phaid' ngaui" xeim: we' cinmain" jhaung qhu" re re: volo byu qe: phaid' ngaui" xeim: cinmain" jhaung qhu" we' vhe' gyain: xeim: re re: ai: phain aqi: dao mae phaid' ngaui" byid: mung: phaid' ngaui" xeim: dau: sa" yang ai: phain dao pyi" sin: wa, . Gyid: phain kam" wa ngo kyang" khyin: qu" nae" tau: ngaid:16 ga: pin: to" ra". – Ai pin: to" we' dakhyo: khin jaung Uria zaui: so" ra".17 Jhaung zug: Ahaza wa gyid: zaung khau" jham we' tin" ra" athe: jham re yu mung: thaung: lhao: jham re wa qhui" pye' yang: gyid: qid lhao: re re: gyid: nung: lho adao mae" khyo" yu mung: laug thin18 dao mae to" to" ra". – Pa" jhaung: yham mae dug no: ba vao nae" tau: kaid' to" ra" gin: jao" khyo re re: , vang" khug vao: ra" jhaung zug' khyo re re: Asuri jhaung zug: re gyaug yang: pa" jhaung: yham mae" zai19 jham we' dakhyo: lhai" pye' ra". – Ahaza zaui: so" lo: dang shi" lo, mau" alhab' re Yuda jhaung zug: mhomyi: paug' mae20 tung" xam" to" ra". – Ahaza re: phug' pho" qe we' dakhyo: yab pyo" lo" mung: ai bam we' daga" Davi vomo" mae shaung: nyhab' ke' qhug' va". Yao: zo: Hazakia wa yao" atha" tao" zaung: ra".