1 Israel jhaung zug: Yeroboam tao" zaung shid' xe: nhaid' zin: au: Yuda jhaung zug: Amazia yao: zo: Azari wa tao" zaung:2 qhid: ra". – Yao" kao daxe: khyaug' zin re tao" zaung mung: Yerusalem mae ngo" xe: shid' zin zug' gam: ra". Yao: myhi" wa3 Yerusalem vobyu Yekholi ngaid: . – Yao: wa yao: pho" Amazia zaui: so" ru: Mo"so: qhid' kheim: dang main" ra" khyo: zaui"4 ra". – Ai qere: myhao: ra" bug gaung jham majao" pye' ra" mathao byu qe ai: tau mae ngaui" xeim: we' nae pyo" jhaung qhu"5 phaid' ngaui" ako". – Mo"so: yang jhaung zug: re qug: khai: phau: nhao yang: yao: shid: ra" ba joe" mao gae: phau: nhao: ru we' yham getau mae ana: na: ra". Yao: zo: Yotain: lam: kho" vang ug mung: mang:6 din" ug khang" ra". – Azari kaid' lai: lo: mau" zo" dang shi" jham re Yuda jhaung zug: mhomyi: paug' mae tung" xam" to"7 ra". – Azari wa phug' pho" qe we' daga" yab, pyo" lo" mung: Davi vomo" mae ai bam we' daga" shaung: nyhab' ke' qhug' va". Yao: zo: Yotain: wa yao: pho" khu mae tao" zaung: ra".8 Yuda jhaung zug: Azari tao" zaung sam xe: she' zin au: Yeroboam: yao: zo: Zakhar- ia wa Samari vomo" mae tao" zaung mung: Israel byu qe: adao lho" khyaug' khye' ug:9 ra". – Yao: wa phug' pho" qe zaui: so" ru: Mo"so: qhid' kheim: qobo mau" zaui: mung: Israel qe re shaid' nghung: nhao: ra" Nebaid' yao: zo: Yeroboam: shaid' qobo re10 majao". – Yobesha yao: zo: Shalum wa yao: re tau: lhain: mung: mang: byu qe: qhid' kheim: yao: re se' pye' yang: yao" atha"11 tao" zaung: ra". – Zakharia kaid' lo: mau" zo" dang shi" alhab' jham Israel jhaung zug: mhomyi: paug' mae tung" xam" to"12 ra". – Mo"so: yang Yehu re ni" zo: myid: qe byid bang: joe" sho' Israel tao" myhao mae zaung: na: li" genae" ga: ta" dao: boe" dang: lo: ru ngaid: .13 Yuda jhaung zug: Uzi tao" zaung sam xe: gug zin re Shalum tao" zaung mung: Samari vomo" mae lho" dakhye' ug;14 ra". – Gadi yao: zo: Menahem wa Tiza vomo" mae" do, lo mung: Samari vomo" mae Yabesha yao: zo: Shalum re zin" se' pye' yang: yao" atha" tao" zaung: ra". –15 Dang shi" Shalum: zaui: mau" we' yao: tau: lhain: mau" zo" re Israel jhaung zug: mhomyi: paug' mae tung" xam" to" ra". –16 Ai: au: Menahem Tiza vomo" mae" thug' lo: re Tipasa we' ai: mug: khain mae na: ra" mo, alhab' re se' pye' ra". Yao: re ai: vomo" kham: maphung" byid: ko" mathao yao: ai bam re se' pye' mung: gaung la: vae: baid: mo, re thug' kho' kyao" se' pye' ra".17 Yuda jhaung zug: Azari tao" zaung sam xe: gug zin re Gadi yao: zo: Menahem wa Samari vomo" mae tao" zaung: qhid mung: Israel qe: adao daxe zin byang" ug; ra". –18 Yao: wa Mo"so: qhid' kheim: qobo mau" zaui: mung: Israel qe re shaid' nghung: nhao: ra" Nebaid' yao: zo: Yeroboam"19 qobo majao" malha" zaui" ra". – Ai: ta Asuri jhaung zug: Pula wa Israel mang: din" re se' vao lo: ra". Menahem wa yao" kheim: so' gang" jo, nae" tau: Pula jhaung zug: re ngaui talenta dataung byid' ra". –20 Asuri jhaung zug: re qhaug' byid: nae" tau: Menahem wa Israel damang" geim" mae" dai zug: qe jhao" ngaui khyui: ra". Qo" mo, yaug nyang jhao" Shekela ngo" xe xe mho' ra". Ai mung: Asuri jhaung zug: wa Israel mang: mae mana: nai" na lo: yao"21 mang: khyo dam: phao: lo" ra". – Dang shi" Menahem zaui: lo, mau" we' yao" agin akhyo alhab' re Israel jhaung zug: mhomyi: paug' mae tung" xam" to" ra". –22 Menahem wa phug' pho" qe ru: yab pyo" lo" mung: yao: zo: Pekahi yao" atha" tao" zaung: ra".23 Yuda jhaung zug: Azari tao" zaung ngo" xe zin re Menahem yao: zo: Pekahi Samari vomo" mae tao" zaung: qhid mung: Israel mang: din" adao shid' zin zug' gam:24 ra". – Yao: wa Mo"so: qhid' kheim: qobo mau" kaid' mung: Israel amyu" qe re shaid' nhao: ra" Nebaid' yao: zo: Yeroboam" qobo25 mau" majao" malha" pye'. – Ai lao" yao" sin: thu mo" Remalia yao: zo: Peka wa yao: re tau: lhain: yang: Samari vomo" mae" jhaung zug' yham akhug mae yao: re re: , Argoba we' Arid re re: se' pye' ra". Yao: we' daga" Gilaid byu ngo" xe yaug ngaid mung: yao" yang jhaung zug: re se' pye' yang: yao"26 atha" tao" zaung: ra". – Ca ca" shi" Pekahi lo, mau" we' yao: kaid' lo: khyo alhab' wa Israel jhaung zug: mhomyi: paug' mae tung" xam" to" ra".27 Yuda jhaung zug: Azari tao" zaung ngo" xe: shid' zin re Remalia yao: zo: Peka wa Samari vomo" mae tao" zaung: qhid mung: Israel mang: din" adao zin na shid'28 xe zug' gam: ra". – Yao: wa Mo"so: qhid' kheim: qobo mau" zaui: mung: Israel re shaid' nghung: nhao: ra" Nebaid' yao: zo: Yeroboam: shaid' nghung" qobo re majao"29 malha" pye'. – Israel jhaung zug: Peka ta re Asuri jhaung zug: Tigaledpilese joe" li" mung: Iyon , Abelabedmakha , Yano , Kadesha , Hazara vomo" jham re re: Gilaid' mang: we' Nabthali ngaid: ra" Galile mang: geim" re re: se' yang: mang: byu qe re Asuri30 khyo kyam: byu khyo" taung" lo" ra". – Ela yao: zo: Hoshe wa Remalia yao: zo: Peka re tau: lhain: yang: yao: re se' pye' mung: Uzi yao: zo: Yotain: tao" zaung shid' xe zin31 re Peka atha" tao" zaung: ra". – Peka zaui: so" lo: ca ca" shi" gu: alhab' re Israel jhaung zug: mhomyi: paug' mae tung" xam" to" ra".32 Israel jhaung zug: Remalia yao: zo: Peka tao" zaung: ra" shid' zin re Uzi yao: zo: Yuda jhaung zug: Yotain: tao" zaung: qhid:33 ra". – Yao: tao" zaung: qhid: au: kao shid' xe: ngo" zin ngaid mung: Yerusalem vomo" mae daxe: khyaug' zin ug: gam: ra". Yao: myhi" wa Zadug' myiqe: zo: Yerusha ga: ru34 ngaid: . – Yao: wa yao: pho" Uzi zaui: so" khyo: cao" na mung: Mo"so: qhid' kheim:35 dang main" khyo: zaui: so" ra". – Ai qere: myhao: ra" bug gaung jham re mayu: pye' ru mung: byu qe wa ai: tau ngaui" xeim: we' nae pyo" jhaung qhu" ngha" ngaui" ko" ra". Yao: wa pa" jhaung: yham tho' mae"36 kham: kaid' zaui: ra". – Yotain: kaid' lai: lo: dang shi" jham alhab' re Yuda jhaung zug: mhomyi: paug' mae tung" xam" to" ra". –37 Ai: ta Mo"so wa Suri' jhaung zug: Rezim we' Remalia yao: zo: Peka re Yuda mang:38 khyo gye se' to" nhao: ke' ra". – Yotain: wa phug' pho" qe we' dakhyo: yab pyo" lo" mung: yao: pho" Davi vomo" mae ai bam we' daga" shaung: ke' ako". Yao: zo: Ahaza wa yao" atha" tao" zaung: ra".