1 Israel jhaung zug: Yehoahaza yao: zo: Yehosha tao" zaung shid' zin ein: zin re Yuda jhaung zug: Yosha' yao: zo: Amazia2 tao" zaung: ra". – Yao: tao" zaung: qhid: au: shid' xe: ngo" zin ngaid: . Yerusalem vomo" mae shid' xe: gug zin zug' gam: lo va". Yao: myhi" wa Yerusalem vobyu3 Yehoadin: ngaid: . – Yao: wa Mo"so: qhid' kheim: dang main" mau" zaui: qere: phug' pho" Davi khu byae mamyhi. Yao: pho"4 Yosha' kaid' qae: za: cao" kaid' ra". – Ai qere: myhao: ra" bug gaung re maqo" jao" lha" pye' ru mung: byu qe ai: jo, qo khain mae ngaui" xeim: jham we' nae pyo" jhaung qhu" xeim: phaid' ngaui" ko" ra". –5 Ai: mang: mae Amazia kheim: so' agyang" qo" we' yao: pho" jhaung zug: re se' ko" sin:6 zo: qe re se' pye' ra". – Yao: pho" mathao yao: zo: , yao: zo" mathao yao: pho" atha" magai: shid . Khag' re: khag' yao" qobo mathao yao: yaug yao: shid kham ca" ga: Moshe: khang" tarha" jham: mae bo: we' dakhyo: Mo"so: khang" dao: cao" yang: pho" qe re se' pye' va" mo; zo: myid: qe7 re mase' lo: nha: to" ra". – Amazia wa gye zin" ru we' xo: jao: gyug' mae Edom byu datug se' pye' yang: Sela vomo" lhaid' yu: pye' mung: ai: vo: mang re Yuthela ga: ana" ba joe" mhang" to: ko" ra".8 Ai: ayo, Amazia wa Yehu yao: myid: Yehoahaza yao: zo: Yehosha jhao" logyo: nhao: ke' mung: ngotao: myo, khung: vang" yang: jho" qham lang: ga: kyo" ke'9 ra". – Alao" Israel jhaung zug: Yehosha wa Yuda jhaung zug: Amazia jhao" logyo: tu" ke' mung: Lebanon: bam mae yaug; ra" zau: jam" wa Lebanon: bam mae" hhu: je; gae re ni" myiqe: zo: nga" zo: we' jho" byid: zho: lang: ga: mho' re Lebanon: bam mae" zo qhid dadau: su" qin" mung: zau: jam"10 re zab; pye" pye' ra". – Nao Edom byu qe re aung yang: nhag' lam: gyai myhao: jo, nhaung. Nao ngaid so" ru ni" yham mae na: na wa, . Nao we' ni" Yuda mang: byo; qeim: pye' nae" khyo: pe" mung: khyo qho: na: ga: kyo" ke' ra".11 Ai: dao: kheim: Amazia matae" gyo" ra" mathao Israel jhaung zug: Yehosha gye se' to" lo mung: Yuda mang: we' tin" ra" Bedshemed vo yae mae jho" se' ko" ra". –12 Yuda byu qe Israel byu qe: qhid' kheim: gye seim" yang: khag' re: khag' yao: yaug yao"13 yham khyo phao: ako". – Israel jhaung zug: Yehosha wa Yuda jhaung zug: Ahazi yao: myid: Yosha yao: zo: Amazia re Bedsh- emed mae qo" taung: mung: Yerusalem ye joe" re Ephrim: kham: dung: khyo gau: mae" ajheim kham: dung: joe" Yerusalem vokham" re byid yo daung" phyo' pye' ko"14 ra". – Pa" jhaung: yham mae re: , jhaung zug' yham mae" ngaui" bain" mae re: ke' to" ra" hhang , ngaui , zai jham we' daga" bokham: kham: byu jhui: mung: Samari khyo do, lo" ra".15 Yehosha zaui: so" lo: mau" dang shi" alhab' phung bao qi" ru , Yuda jhaung zug: Amazia re gye khe' ru jham Israel jhaung zug: mhomyi: paug' mae tung" xam" to"16 ra". – Yehosha wa yao" phug' pho" qe we' daga" yab pyo" lo" mung: Samari vomo" mae Israel jhaung zug: qe we' daga" shaung: nyhab' ke' qhug' va". Yao: zo: Yeroboam wa yao" atha" tao" zaung: ra".17 Israel jhaung zug: Yehoahaza yao: zo: Yehosha shid thao Yuda jhaung zug: Yosha yao: zo: Amazia wa daxe: ngo" zin kao daui18 co' shi". – Amazia zaui: so" lo, mau" dang shi" alhab' re Yuda jhaung zug: mhomyi:19 paug' mae tung" xam" to". – Yerusalem byu qe yao: re tau: lhain: yang: yao: wa Lakhisha vo khyo phao: ra". Yao: bam wa Lakhisha khyo byu nhao: ke' mung: ai: tau20 yao: re se' pye' veko". – Yao" mao gaung re myao: dao mae" yu: lo yang: Davi vomo" Yerusalem vomo" phug' pho" qe we' daga"21 shaung: nyhab' ke' ko" ra". – Yuda mang: byu qe wa kao daxe: khyaug' zin bo va" Azari re yao: pho" khu mae tao" zhaung:22 ako". – Jhaung zug: pho" mana lo: thao yao: wa Elaid' vogaung: te" yu mung: Yuda mang: khug dam: vhao" yu: ra".23 Yuda jhaung zug: Yosha' yao: zo: Amazia tao" zaung daxe: ngo" zin: au: Israel jhaung zug: Yehosha yao: zo: Yeroboam wa Samari mae tao" zaung: qhid mung: byid24 xe: dazin zug' gam: ra". – Yao: wa Mo"so: qhid' kheim: makhyang" mau" zaui: so: mung: Israel byu qe re nghung: nhao: ra" Nebaid' yao: zo: Yeroboam qobo mau" re25 majao" pye'. – Ai qere: Israel Mo"so apyaid ato: Mo"so wa yao" daui mung su Getepha byu Amiti yao: zo: lapa Yona: nhaid' mae hau" kyo: va" we' dakhyo: yao: wa Israel mug: kyo: Hamaid' gau: ye" ra" khyo dang mae" Araba tham: joe" sho' tau: lhain: mo;26 lo, mae" dam: qo" khyaid' to" ra". – Pe" mung: ga" re Israel qe phau" ra" kyi" khyag' wa gyai qug' ru ngaid: ra" khyo Mo"so myao byid' ra". Kyam: lhaung" qhug' yaug loe, yaug khag' re ngaid ngaid Israel amyu"27 re bao" su mabo. – Mo"so wa Israel mang khyao: re myid gaung: dao mae" maphy- aug' pye' nug ga: mho: to" mathao Yehosha yao: zo: Yeroboam lo, khyo" yao: bam re28 khyaid' yu: ra". – Yeroboam: zaui" lai: lo: mau" dang shi" jham alhab' ham: hung: qi" ru , gye khe' ru , genhae" Yuda jhaung zug: qe ug: ra" Damasku we' Hamaid' vo mug: jham re dam: qo" yu mung: Israel mang: khug qo" vhao" yu: ru jham re Israel jhaung zug: mhomyi: paug' mae tung" to" ra". –29 Yeroboam wa phug' kai: pho" qe ngaid: ra" Israel jhaung zug: qe we' daga" yab pyo" lo" mung: yao: zo: Zakharia yao" atha" tao" zaung: ra".