1 Yuda jhaung zug: Ahazi yao: zo: Yosha' tao" zaung shid' xe: sam zin re Yehu yao: zo: Yehoahaza wa Samari vomo" mae tao" zaung: qhid mung: Israel adao daxe:2 nhaid' zin zug' gam: ra". – Yao: wa Mo"so: qhid' kheim: makhyang" mau" zaui" na mung: Israel qe re shaid' nghung: nhao: ra" Nebaid' yao: zo: Yeroboam: shaid' nghung" ra" khyo gau: cao" na mung: ai re majao"3 malha". – Ai mung: Mo"so wa Israel amyu" re nhag' yo: mung: Suri' jhaung zug: Hazaela we' yao: zo: Benhadab lo, khug4 qhaug' pye' ra". – Suri' jhaung zug: wa Israel amyu" re gaug nao: jao: mae" gaug mhab ru: poe" pye' mung: Yehoahaza byu qe mae" myao: jui: mo, ngo" xe , gye lhin" daxe , khyid tab datug za: yao" qhid' mae"5 tang" to: byid' ako". – Alao" Yehoahaza wa Mo"so jhao" mho' bain: mung: Mo"so re: yao" dao: gyo: byid' ra". Pe" mung: ga" re Suri' jhaung zug: Israel qe re pyam" yhin"6 ru Mo"so yao: the' myao byid' ra". – Israel qe Suri' qe: lo, mae" qo" loe, sho' Mo"so: yang khyaid' yu nae" su dayaug yao: bam re byid' ke' ra" mathao Israel zo: myid: qe wa genhae" ru: yao: yao" yham yo thaung:7 mae dam: qo" na ko" ra". – Ai qere: Israel qe re shaid' nghung: nhao: ra" Yeroboam" yham byu qe: qobo re yao: bam qo" jao" ru mangaid: . Ai: agu tau yao: bam cao: na ko" ru mung: Samari vomo" mae Ashera8 sulho jham jo; bam shi". – Yehoahaza kaid' lai: lo: mau" zo" dang shi" alhab' we' yao" phung bao qi" ra" khyo re Israel jhaung zug: mhomyi: paug' tau tung" xam"9 to". – Yehoahaza wa phug' pho" qe we' dakhyo: yab pyo" lo" mung: Samari vomo" mae nyhab' shaung: ke' qhug' va". Yao: zo: Yehosha wa yao" khu tao" zaung: ra".10 Yuda jhaung zug: Yosha' tao" zaung sam xe: nhaid' zin re Yehoahaza yao: zo: Yehosha Samari vomo" mae tao" zaung: qhid mung: Israel mang: re daxe: khyaug'11 zin zug' gam: ra". – Yao: wa Mo"so: qhid' kheim: qobo mau" zaui: mung: Israel amyu" re shaid' nghung: nhao: Nebaid' yao: zo: Yeroboam qobo mau" re majao" lo:12 ai tau cao" na: ra". – Yehosha zaui: so" lo: mau" dang shi" jham alhab' Yuda jhaung zug: Amazia gye zin" au: qam: qi" ra" akhyo jham ada" zo, Israel jhaung zug' mhomyi:13 mae tung" xam" to" ra". – Yehosha wa phug' pho" qe we' yab; pyo" lo" mung: Israel jhaung zug: qe we' daga" Samari mae shaung nyhab' ke' ru qhug' va". Yeroboam wa yao" atha" tao" myhao mae zaung: ra".14 Ana" Elisha shid no no: na: au: Israel jhaung zug: Yehosha li" joe" mung: yao" qhid' kheim: gam" goe; zo" nga" pho" we" nga" pho" we" Israel gye lhin" we' jui: myao:15 angaid nhaung mhao". – Elisha wa la: we' myo: khe' yu wa, ga: mho: we' dakhyo:16 jhaung zug: yu ra". – La: thaung wa, ga: dam: mho: ke' we' dakhyo: la: thaung mung: Elisha wa yao" lo, jhaung zug' lo,17 dao kai" to" ra". – Xo' yang: Elisha wa ba thug' shaid' kham: zo: dung: phung" wa, ga: mho: we' dakhyo: yao: phung" ra". Bag; ke' se, ga: ta" ke' we' dakhyo: jhaung zug: bag; ra". Ai mung: Elisha wa ai wa Mo"so khyaid' yu nae" myo: khe' , Suri' byu qe re aung: pye' nae" myo: ngaid: . Nao Aphed' vomo" mae Suri' byu qe re jhaid' za: qo"18 aung: pye' li" nae" ga: mho: ra". – Myo: khe' jham yu shi: wa, ga: dam: mho: we' dakhyo: jhaung zug: yu: ra". Myid gaung mae be, wa, ga: mung: jhaung zug: sam19 lhang be, yang: thang: ra". – Alao" Mo"so: byu wa nhag' yo: mung: pe" ein: ngo" khyaug' dae mabe; ru- be; ngaid: re Suri' byu jhaid' za: qo" se' tam" pye' nae". Ana" wa nao yao: bam re sam lhang za: aung zai angaid: ga: yo" ra".20 Elisha shid: lo" mung: yao: re shaung: nyhab' ke' ko" ra". Zin qug; byao gin de; lo" yo, Mo"ba' cang tau: qe wa Israel mang:21 vao: zin: zin: kaid' ko" ra". – Ai: ayo, vobyu qe byu dayaug nyhab' na: re cang tau: daphung: joe" li" lo: ru yao: bam myao: ke' gemung: mao gaung re Elisha lab mae lhau" to" to: ko" ra". Mao gaung wa Elisha sho qug: we' zao" lao" ai: yaug daui: li" mung: to" ye; li" ra".22 Suri jhaung zug: Hazaela wa Israel qere Yehoahaza ta data geim" yhin" lo ko" ra". –23 Mo"so: yang yao: bam re nhag' myain" yu mung: Abraham , Isag' , Yaku bam we' to" to" ra" dao: so: mathao yao: bam re maphyo' pye' , yao" myo, nho mae" mava:24 pye' lo: qu" caung: na: ra". – Suri jhaung zug: Hazaela shid mung: yao: zo: Benha-25 dab yao: pho" tao" zaung: ra". – Hazaela gye se' mung: Yehosha yao: pho" Yeho- ahaza: lo, mae" qo" yu: to" vozo: vozang jham re Yehoahaza: yao: zo: Yehosha wa Hazaela yao: zo: Benhadab lo, mae" dam: qo" sang: yu: ra". Yehosha wa Benhadab re sam lhang aung mung: Israel vo jham re dam: qo" khyaid' yu: ra".