1 Yehu tao" zaung nhaid' zin ein: zin Yosha' wa kao nhaid' zin ngaid: au: tao" zaung mung: Yerusalem vomo" mae zin na byid xe zin zug: gam: ra". Yao: myhi"2 wa Berasheba byu Zibi ngaid: . – Khin jaung Yehoada mho" shid' na: ta re Yosha' wa Mo"so: qhid' kheim: dang main" mau"3 zaui" ra". – Ai qere: myhao: ra" bug gaung jham majao" pye' mathao mang: byu qe ai: jo, qo khain mae ngaui" xeim: we' nae pyo" jhaung qhu" jham ngha" ngaui" byid:4 ko" ra". – Ai: ayo, Yosha' wa khin jaung qe re pa" jhaung: yham khug vhao" to" shao gyang" zai jham we' tin" ru japhin: we' khyo: khyao za: byid: ang: ngaui re re: dayaug yaug yao: yao: kao bau: khyo" pa" jhaung: yham vhao" zaui: ngaui re:.5 Khin jaung qe yao: yaug yao: khag' re: khag' jho" la" mo, mae" khyui: yu yang: pa" jhaung: yham qeim: khyi" qeim nyhang"6 ge, ga: khin jaung qe re mho: to" ra". – Ai qere: Yosha' tao" zaung shid' xe: sam zin re lao" ai byo; qeim: to" jao: maqo" kaid'7 shi: ko". – Ai: mathao jhaung zug: Yosha' wa khin jaung Yehoada we' getau: khin jaung qe re khai: yu mung: pa" jhaung: byo; qeim: khyi" pe" mung: madam: nyhang" ko". Ana" mae" naonhaung" jho" la" mo, jhao" ngaui magai: yu lo: nae". Pa" jhaung: yham qeim: khyi" byao nae" tau: ana" qo" ra" gu: qhaug' gela, ga: amyin" khyo" ke' ra"8 mathao – khin jaung qe wa mang: byu qe mae getau: ngaui re: mayu lo: nae" yham qeim: ra" khyi" re: mabyao lo: ga: khae: yu9 ko" ra". – Khin jaung Yehoada wa bain" re yu mung: apyid' mae adung: phung" mung: pa" jhaung: yham akhug vao: ra" khe' lo, yo shaid' phain yae tau to" ra". Jhaung: yham yu: li" lo: aung lam ngaui kye' alhab' re kham: lhaug' mo, khin jaung qe wa ai: bain" khug yu: zaui: ako".10 Ngaui myo" bo: lo va" ru yao: bam myao gelao" jhaung zug' japhin: xam: su we' jaung yin" pho" li" mung: pa" jhaung: bain" mae bongaui nghe' yu yang: kag'11 shaung: to" ako". – Gelho: lag; qaung" to" ngaui re pa" jhaung: yham kaid' mau" au: she mo; lo, mae qhaug' mung: yao: bam wa pa" jhaung: yham mau" zaui" ra" lo, mau" sham" mo, zho thaung: qae mo, –12 laug thung: mo, we' sag' vo: re: kyaung" to" laug jham re: pa" jhaung: yham byao: nae" ca" mae: ca" vai: jhab' nae" mae re: gae byid' ra".13 Ai qere: pa" jhaung: yham tau ke' to" ngaui: yang pa" jhaung: yham tau: ngaui khug', nye, zai", thaung: lhao:, labo", hhang zai , ngaui zai jham mae14 mayhung: . – Yham kaid' na mo, re za: ai: ngaui byid: mung: yham nyhang" caung:15 na: mae ci nae" tau: to" to" ako". – Ai tho' mago" mau" zaui: mo, re gae byid: nae" tau: ngaui ci mo, wa vin tang: geyang: yao:16 bam jhao" japhin: ma mho' ko". – Qobo khyaid' xeim: we' qobo jhaung qhu" ngaid: ra" ngaui re kam" wa pa" jhaung: ma vhao"17 lo: khin jaung qe yu ko" ra". – Ai: yo, Suri' jhaung zug: Hazaela wa Gata vomo" zin" aung: yu mung: Yerusalem khyo gye dam: zhain" do, lo nae" seim" na: .18 Ai mung: Yuda jhaung zug: Yosha' wa phug' pho" qe ngaid ko". Yehoshaphaid', Yohoram: we' Ahazi bam shao kyang" to: co' ra" zai jham we' yao: shao kyang" to" zai re re: pa" jhaung: yham ngaui" jhi mae bo: hhang alhab' re re:, jhaung zug' yham mae" re: yu: ci mung: Suri' jhaung zug: Hazaela jhao" nhao: ke' ra". Ai mathao yao:19 wa Yerusalem lhai: to: co' ra". – Yosha' zaui" lai: lo: dang shi" mau" alhab' re Yuda mhomyi: mae tung" xam" to" ra".20 Yao" sin: zo: qe tau: lhain: mung: Sila khyo gyo" lo" ra" khyo yae mae" Milo: kaung: yham mae yao: re se' pye'21 ako". – Yao" daui daui tao Shimed yao: zo: Yozabad we' Shome yao: zo: Yehozabad yao: re qam: yang: yao: shid: lo" va". Davi vomo" yao" phug' pho" qe we' daga" yao: re shaung nyhab' ke' va". Yao" khu mae yao: zo: Amazia tao" zaung: ra".