1 Sholomun wa AsAng Mo"so: yham we' jhaung zug' na yham we' tin" ra" ja: alhab'2 re bin: kyab' thao , – AsAng Mo"so wa Gibeon vomo" tau myhao" qhu" ru: Sholo-3 mun jhao" dam: myhao" qhu" ra". – Ai: au: AsAng Mo"so wa nao nga" qhid' kheim: mae jhaung: so: thoe ngo the' gyo: va". Nao tau: yhe' ra" ce: jhaung: yham re ngo shao kyang" mung: nga" mang khyao pyaid' da du gang" tang nhao: to: nae". Nga" myo, jid' we' nhag' lam: re: ai: tau mae khyao4 za: ato" to: nae". – Nao kam" wa ni" pho" Davi ru: ngo nao re pin: khyo" to: va" jham zaui" pyang" mung: dang main" ra" myid we' zaui: so" na: ru we' nga" khang" dao:5 jham re cao" na: ngaid: re wa, – ngo khyo" Israel zaung tao" mae ni" byu jao: byuxag' mae" zug: jid mabyid nae" ein: ni" pho" Davi re dao: so: to: va" we' dakhyo: nao zaung: ra" Israel mang: jhaung zug' tao"6 khyao za: gang" jo, nhao nae". – Ai ru: maboe" lo: nao we' ni" zo: myid: qe nga" thao macao" , khyo nghung" lo" yang: nga" mho dao: matae" gyo: getau: mo"so: thao cao" lo" mung: pa" lo" ko" ngaid: re7 kam" wa , – Israel amyu" geim" re ngo byid' ra" mang: mae" tam" pye' nae". Nga" mang khyao: tau: ngo shao kyang" to" ce: pa" jhaung: yham re nga" myo, le, mae" phyo' pye' nae". Israel amyu" qe re: mo, je byumyu" alhab' mae ta" gaui jung" khyoe'8 pye' jao: boe" byaug nae". – Ce: yham mo" ce qhi" qi" qhang: ru ngaid qere: khyo mae su" lai mo, qu" mug' pye' zo" AsAng Mo"so wa ce: mang: din" we' ce: yham re pe" ga: ceru: lhaui" pye' yha" ga: gaui mho yang:9 myid: ko" re – byu qe wa yao: bam: phug' pho" qere Egutu mang: mae" jhui" thaid' lo: AsAng Mo"so re yao: bam naung phaug' ge yang: getau mo"so: thao cao" lo" mung: pa" kug' ko" mathao AsAng Mo"so: yang yao: bam: adao cera" qam" mo" poe" ke' ru ngaid: ga: ta" li" nae" ga: mho: ra".10 Ana" Sholomun wa AsAng Mo"so: yham we' jhaung zug' na yham shid' yham re zin: lam: shid' xe ein: zin bin: kaid' mung: Sholomun jhaung zug: wa Hiram: re Galile mug: dau mae" vozang shid' xe vo11 byid' ra". – Turu mang: zug: Hiram: kam" wa Sholomun re yao: myid; o ngaui: khyo: Arid sag' , hhu: je; we' hhang jham byid'12 to" ava". – Ai mung: Hiram wa Sholomun yao: re byid' to" vomo" jham cao" kam: nae" tau: Turu vo mae" thug' lo: ra". Yao: wa ai: vo jham re nhag' mataung" zao"13 ngaid: ra". – Nga" nhaung: we" nao ngo re byid' ra" vo jham wa pe" ru" vo jham ngaid: ra" ga: mho yang: ai: vogaung: jham bo: ra" mug: re khabula ga: ana" ba joe"14 sho' mhang" to" ra". – Hiram: wa jhaung zug: Sholomun re hhang dayo: shid' xe joe:15 vhin byid' ra". – Jhaung zug: Sholomun o: kaung lhaung yang: AsAng Mo"so: pa" jhaung: yham we' yao" kho" vang re Milo jo, qo we' Yerusalem: vokham" Hazara vogaung: Megido jo, qo we' Geza vomo" tau kaid' ra" atae wa, ceru: ngaid: ra". –16 Egutu jhaung zug: Pharaoh" do, lo mung: Geza vomo" lose' yu yang: ai re ngha" pye' ru we' ai: mae na ko" Khanani byu qere se' tam" pye' yang: Sholomun yham sang myhi" ngaid: ra" yao" myiqe: zo: re khin:17 jo au thug' mug: khyo" byid' pye' ra". – Ai ru: mung: Sholomun wa Geza we' o mae"18 Bet-horon re re: , – Balaid we' din" seyo19 cao" yang: Tama rere: ,tae" ra". – Sholo- mun: jo, nho" qaung" to: nae" vo jham , gye khe' lhin" to" to: nae" vomo" jham , myao: jui: sulhe: qe na nae" vomo" jham re re: , Yerusalem: , Lebanon bam mug: khain we' yao: ug: gam: ru mang: din" khug mae re: yao: myid: o: ja: kaid' bam:20 lo" ra". – Israel zo: myid: qe mae mabo: ra" yao: bam mabin: phyo' nhau" pye' ra" dang21 shi" mo, wa , – Amori , Hiti , Perizi , Hivi we' Yebuti byu qe: zo: myid: qere Sholo- mun zhag' yu yang: ana" ba joe" jeim toe'22 pye' ko" ra". – Israel zo: myid: qe re kam" wa jeim makaid'. Yao: bam re wa gye mau" vin , mau" au: she , saui: kai: , sin: thu , myao: lhin" ug , myao: ug azhao" zhao" aja: ja: tau mau" vhin: to" ra".23 Zao kaid' mau" mae gin phag' mau" tain" na nae" mau" jhaung qe ngo" yo: ngo" xe yaug ngaid: .24 Pharaoh myiqe: zo: re: Davi vomo" mae" Sholomun: yang yao: mae" ga: kaid' byid' yham khyo byaung" do, lo" mung: yao: wa Milo re lo" zhaug' tang: yu: ra".25 AsAng Mo"so: tau: Sholomun kaid' lo" ngaui" phain adao mae dazin re sam lhang phaid' ngaui" xeim: we' zam" khug ngaui" byid: mung: AsAng Mo"so: qhid' kheim: ai: phain dao mae nae pyo" ja: ngha" ngaui" yang: yao: wa ai: mau" re zaui" kyab' ra".26 Dam: Sholomun wa Edom mang: , qid ne tham: dang" kam" yae Elaid a nhae mae" Ezion Geba: tau qid lha zhaug' ra". –27 Hiram: jhaung zug: re: qid dae mo" akhyo ba jhao: ra" yao" lha kau: zoshao qe re Sholomun Davi mang: mae" mo, we' daga"28 qid lha dao mae nha: to" ra". – Yao: bam Ophira khyo ye: mung: hhang byid yo: shid' xe khug' qo" the' yu yang: jhaung zug: Sholomun jhao" yu: lo: ra".