1 Sholomun jhaung zug: wa Pharaoh myiqe: zo: mae" getau maba , Amon , Edom , Sidon we' Hiti mang: mae" taung bug myiqe: myo: sho' re jhid' de; ra". –2 AsAng Mo"so: yang ai: taung bug byu myu" qe we' naonhaung" magai: zam". Yao: bam re: naonhaung" mae mabo shao: . Dang dang yao: bam wa naonhaung" nhag' lam: re yao: bam mo"so: thao khyo dae" lo" nhao genaeva" ga: Israel qere mho: to: va" qere: Sholomun wa taung bug amyu" re o: byid:3 na: ra". – Yao" myiqe: jhaung zug' myiqe: zo: za: nhaid' yo qo" mung: naung cao myiqe: sam yo qo" ra". Yham sang myhi"qe: yang yao" nhag' lam: dae" lo" nhao: ako". –4 Sholomun kao qi" lo: au: myiqe: qe wa yao" nhag' lam: re getau: mo"so thao dae" lo" nhao: pye' ra". Yao: pho" Davi nhag' lam: AsAng Mo"so: qhid' kheim: mae dang5 main" ru: yao: ma jab byang" lo: . – Sidon mo"so myiqe: zo: Ashatarad , anyain: avho: ngaid: ra" Amon so Milakhom so: thao6 cao" dae" lo" ra". – Yao: pho" Davi ru: AsAng Mo"so mae malam: lai: maqhaug' AsAng: qhid' kheim: qobo za: azaui: so"7 ra". – Ai ru: Sholomun wa Moba byu qe: maca' majhaid' ngaid: ra" Khemosha mo"so tau: mae" re: , Amon byu qe: anyain: avho: gyoe Moled so tau: mae" re: Yerusalem: vomo" tau" de; ngaid: bam mae ngaui"8 phain zhaug' yhe' to" ra". – Ai: tho' mae" yao: yaug yao" moso jham re nae pyo" ja: ngha" nhae" byid' ru we' xeim: ngaui" byid' ra" yao" taung bug myiqe: alhab' bam: tau: mae" nyhang" byid' ra".9 Sholomun nhag' lam: tha" lhang: lo mung: getau: so jham: thao macao" lo: na: na yang: AsAng shid' lhang yao: jhao" myhao" qhu" ru we' dao: pyang co' ra". –10 Israel AsAng Mo"so mae" gao" lo" byaug: ru we' AsAng Mo"so: dao: mazaui" pyang" ra" mathao AsAng Mo"so yao: re nhag' yo"11 na: ra". – Ai ru: mung: AsAng Mo"so: yang Sholomun re nao ce: mau" zaui"ru we' ngo nao re pin: to: va" dao: so: we' ngo mho: to" khyo jham re macao" lo" ru mung: ngo dang dang ni" mang: din" re kho' pye' yang:12 ni" jeim re byid' pye' nae". – Ngaid qere: ni" pho" Davi mathao ni" bang: re ai ru: makaid' nae". Ni" zo" lo, mae" mang: din"13 she: pye' nae". – Ai qere: ni" mang: da dae: geim" re qab; pye' nae" mangaid: . Nga" jeim Davi we' ngo khyin: yu va" Yerusalem: mathao ni" zo: re daboe: danhae: gu: re wa byid: shi: nae" ga: mho: ra".14 Ai: thao AsAng Mo"so wa Sholomun re tau: lhain: nae" tau: Edom byu Hadaid re tau: to' to" ra". Ai: yaug wa Edom jhaung15 zug: amyu" ngaid: . – Lai: lo va" ta Davi wa Edom mang: mae na mung: zug: jhaung Yaba wa Edom mang: mae" yaug gai zo:16 alhab' re qo" se' tam" pye' sho', – Israel byu qe alhab' bam we' daga" lho" khyaug' khye' na: na mung: yaug gai zo: alhab' se' pye' ru we' shid mao jham nyhab' shaung: pye'17 nae" ga: yejoe" au: , – Hadaid wa Egutu mang: khyo ye" lo" nae" tau: yao: pho" sin: zo: qe damyo" we' daga" phao: thug' lo:18 ako". – Ai: au: Hadaid kam" zoshao ngaid shi". Yao: bam Midian: mang: mae" thug' mung: Parain: mug: joe" ako". Parain mae" yao: bam byin cao: khai yang: Egutu mang: mae" jhaung zug: Pharaoh jhao" joe" mung: yao: wa ai: yaug re yham byid: yang: yao" qhid' mae" ga: zo: pho: myho" byid' ru19 we' mug: myid re: byid' to" ra". – Hadaid re: Pharaoh qhid' kheim: mae myo, nho gyai qo" ru we' yao: wa yao: myi: Tapha- naid yao: nhaung: re byid: zho" ra". –20 Taphanaid' yao: nhaung: wa yaug gai zo: Genubaid re khau mung: Tapanaid' wa ai: zoshao re kho" vang yham mae nug' kao" yu: ra". Genubaid wa jhaung zug' vang mae Pharaoh zoshao qe we' daga" qi" lo: ra". –21 Ana" Davi wa pho" phug' qe we' daga" yab pyo" lo" va" ru we' zug: jhaung Yaba re: shid va" ga" khyo Hadaid wa Egutu mang: mae" the' gyo" ra" au: yao: wa Pharaoh re nga" mug: khyo dam: lo" nae" akhang" byid: la,22 wo" ga: mho' ra". – Pharaoh jhaung zug: wa ni" na mug: khyo dam: lo" nug: ru wa ngo we' daga" na: re pe" ca" qo yang: ngaid: ga: yao: re myid' re yao: wa pe" ca" qo mabo ngaid qere: lo" nae" akhang" byid: la, ga: dam: paug' mho' ra".23 Dam: AsAng Mo"so wa Sholomun re tau: lhain" ra" getau: byu dayaug Eliada yao: zo: Rezon re AsAng Mo"so lhau: zhung" ke' ra". Ai: yaug wa yao" asang Zoba mang: zug: Hadaza khug; mae" phao:24 lo" mung: , – byu qere jhui" khai: qham: ra". Davi yang yao: bam re gye se' lo: au: yao: wa sin thumo" ngaid: ra". Yao: bam Damasku vo khyo phao mung: ai: tau lo"25 na mung: ug: na: ako". – Ai: yaug wa Hadaid tau: lhain: kaid' ra" mau" mae" getau Sholomun: abang: dabang" geim" mae Israel amyu" qere tau lhain" ra". Yao: wa Israel amyu" re gye aung: pye' mung: Suri mang: tau ug: na: ra".26 Ai: mae" getau Sholomun: khaung: mhao: Ephrim boe: , Zereda vobyu Nebaid' yao: zo: Jerobom re: jhaung zug: re tau: lhain: nae" ga: to" lo" ra". Yao: myhi" wa Zerua ga: mang: ra" cug' mo" ngaid: . –27 Jhaung zug: re yao: tau: lhain" ra" akhyo wa Sholomun wa Milo gyetab zhaug' mung: yao: pho" Davi vomo" re lhang" kham" kyae" ra" mau" zaui: so" ra". –28 Yeroboam wa sin: thu mo" ngaid: ru we' ai zolau: zo: khye' lhe' ra" khyo re Sholomun myao yang: Yoseb yham mae mau" zaui: mo, alhab' bam: agyi kaid' nhao: to" ra".29 Ai ru: mung: ai: ayo, re Yeroboam wa Yerusalem: vo mae" thug' lo: re Shilo vobyu lapa Ahiya yao: re the' myao: ke' ra". Ahiya re: bau: sag' ve; ci yang: yao: tao za: jao:30 dae tau na: na: ako". – Ahiya re: yao: ve; ra" bau: sag' re yu yang: daxe: shid' dau31 lao" caid' pye' ru: we' , – Yerobom re ce daxe dau re khae: yu wa, Israel AsAng Mo"so wa ceru: ga: ta" ra". Sholomun: lo, mae" ce: mang: re ngo qab; pye' mung:32 nao re byu boe: daxe byid: nae". – Nga" jeim Davi mathao we' Israel byu boe: alhab' tau: ngo khyin: yu: ra" Yerusalem: mathao yao: wa byu boe: danhae qo" yu33 nae". – Pe" mung: ai ru: kaid' ga" re yao: bam ngo re to" pye' mung: Sidon yui myiqe: zo: Ashataraid , Moba so Khemu- sha , Amon so Milakhom bam re pa" kug' ko" re we' yao: pho" Davi ru: nga" qhid' kheim: mae dang main" ru kaid' nae" we' ngo mho: to" dao: cao" pyang" nae" tau:34 nga" khyo dang mae macao" lo ko". – Ai qere: ai: mang: din" geim" re yao" lo, mae" ngo mayu shi: . Nga" khang" dao: we' nga" mho dao: cao" pyang" ra" nga" jeim Davi mathao: yang Sholomun: bang: dabang" geim" ug: gam nae" akhang" ngo byid' to"35 ra". – Sholomun: yao: zo: bang: mae" za: mang: din" re qab; yu mung: mang: din"36 daxe dau nao re ngo byid: nae". – Nga" mang khyao: tang: na nae" tau: ngo khyin: jaung: to" Yerusalem: vomo" mae nga" jeim Davi wa nga" qhid' kheim: khyao za: myi: dam qo" theim" te' nae" tau: yao:37 zo: re byu daboe: ngo byid: nae". – Nao re ngo khyin: yu mung: nao o: khyo: qo" ug: gam nae" we' Israel amyu" dao jhaung38 zug: boe" nae". – Ngo pin: to: va" alhab' re gyo" cao" na mung: nga" jeim Davi kaid' ru: nga" khyo dang su" na zo" nga" qhid' mae dang: ra" tarha" , ngo pin: to" khang" dao: zaui" pyang" ngaid: re nao we' daga" ngo na mung: Davi tau: gang" tang: yham re tau: yhe' ru: , ni" tau: zhaug' mung: nao39 re Israel mang: din" byid: nae". – Cera" khyo" yang Davi zug: boe: re ngo tam" kyo" nae". Ai qere: khyao za: wa tam" kyo" na nae" mangaid: ga: mho: ra" khyo re ta"40 kyo" ra". – Sholomun wa Yerobom re se' nae" ga: qho: ra". Yerobom kam" wa to" ye" lo" mung: Egutu jhaung zug: Shised' jhao" phao: ye: yang: Sholomun shid: byaug; ba na joe" sho' Egutu mang: mae na: pye' ra".41 Sholomun: akhyo ta" nae" ru bo shi" ru we' yao" mau" alhab' , yao" juyi akhyo , Sholomun akhyo paui: qhu" ra" tung" paug'42 myo: sho' jo; ra". – Sholomun Yerusalem: mae tao" zaung mung: Israel mang: din" geim" re zin na byid xe zin lam: lam: ug:43 gam: lo va". – Ai: thao Sholomun wa phug' pho qe we' daga" yab pyo" lo" mung: yao: pho" Davi vomo" mae nyhab' shaung: ke' ako". Yao: zo: Rehobom wa yao" jo, qo mae tao" tha" zaung: ra".